Happy Valentine Day
للعالم أجمع
وللكويت بشكل خاص
وللزوجة العزيزة على القلب سدرة العشاق حلوة الأوراق بشكل أخص
وموتوا قهر يا لجنة الظواهر السلبية والنكد والغم
وموت قهر يا الطبطبائي والحربش وعكاش
وترى الفرحة بالقلب وعمركم ما راح تقدرون تمنعونها
علما بأن هالشي ماهو اعتقاد اهوا يوم عادي مثله مثل يوم العمال ويوم الأم...وندري ان كل أيام الله حب بس تخصيص يوم لتكريم هذا الحب ماهو عيب علما ان الحب يكون للزوجة والأهل ومو بس مثل ما يصوره أصحاب اللحى بأنه يوم للفسق والفجور وعظائم الأمور
ومو عيب ان احنا ناخذ أي شي من الغرب اذا كان صح مثل ما احنا ندز عيالنا لهم للدراسة مثلا
أما اعتبار كل شي منهم حرام فهذا اهوا الغلط بعينه وعلمه
وبالتالي فاحنا نتمنى من الطبطبائي وربعه انهم يكونون قدوة لنا بكل شي
فمثلا ليش الحبايب الدينين يتكشخون بسيارات أمريكية وأوروبية؟
مو الأولى انهم يساهمون في دعم الصناعات الاسلامية ويشترون السيارة الماليزية الاسلامية اللي فيها بوصلة مكة
والا المسألة وما فيها انهم يأمرون الناس بالمعروف وينسون أنفسهم؟
38 comments:
اي يبا عادي..طز فيهم شدعوه الحين كلش فارقة معنا..
ونس عمرك ونس ام عيالك وازهلها
هالدبش اللي يبون يمنعون الفرحة تلقاه ماشاف ويه مرته اصلا
هابي فالنتاين ثنائينا العزيز
والله يديم المودة بينكم
Happy valentine's day to the one I Love
" Fata Al-Jabal "
"فتى الجبل "
o Thank you ;)
اتصدق خابينا بالكويت بهل فالنتاين اكثر من كندا
انا عندهم مو حاس في فرق
بس الكويت .. كل شي لازم يبالغون فيه
كراكاتوا
اي والله دبش
حمد
آمين
سدرة
عفوا
كويتي
والله حجيك صح
بس منو اللي خبنا فيه
كان كل شي هادي
بس الطبطبائي وربعه اهما اللي سووا من الحبة قبة
مشكله صج
شكو الحين السيارات باللي تقووله
بعدين إحتفلوا عاادي .. مو مهم
والأهم إنه إحنا وضحنا اللي علينا
و عشان باجر ما تكون علينا حجة يا أخوووي :)
حياتي
مشكورة وما قصرتي
وأدري ان انت مو مثل هاللجنة
انت خايفة على اخوانج وهذا شي حلو منج
بس اللي حبيت أوضحه ان هذا يوم عادي وماهو اعتقاد ديني
فليش اندخل الدين فيه
هابي فلنتاين
same 2 u
oهابي فالنتايين لك
و هابي فالنتاين للطبطبائي
LoL .. Happy Valentine to you and your lovely wife and all your dear readers :)
مارشميلوس
same 2 u
umel3yal
same 2 u
Happy valentine day to u 2 :)
ولوما الخبه لي يسونها هاللجنه و اتباعها جان محد درى عن هاليوم .. اهما من يهل شهر فبراير قاموا يحذرون و يتوعدون صايرين " منبه اللوه "
أقول لا أشوف واحدهم لابس بنطرون
والله لآكله بقشوره
و
كل عام و أنت و حبايبك بخير
و اش على الذيب من .... نعيه
العزيز فتى الجبل
مساك الله بالخير
الله يديم المحبه بينك وبين زوجتك الكريمة
ويسعدكم ويحفظكم
وصدقني يا أخي
من أراد الاحتفال فهذا شأنه
ومن لم يرد فهذا شأنه أيضا
مع فائق المحبة والتقدير
أخوك المحـــــــب/
شــقـــــران
لاتخالف ثوابت الامة يا نهاش
ترى عكاش وطبطب يزعلون عليك وتصير من المعارضه
وكل فلانتاين وانت بخير وعساك من عواده (:
نهاش ماتتذكر صورة انا مصورها افلانش كاتب عليه بمى معناه لنقاطع اليهود؟
شاري شفر وتقول مقاطعة اليهود؟
--
وخارج الموضوع
كل المتدينين سياقتهم زفت نفس لحيتهم
و لو انت على لفة فرعية وبتطلع انسى يطوفك
ويدوس جدامك و
في سلفي يم بيتنا. بالاسبوع لازم اصادفه مره مرتين الصبح بـ روحة الدوامات الاقيه وسياقته زفت نفس لحيته مثل ماقلت فوق
ومناجر الناس ويطلع عالاوادم
لان عنده جيب فورد اكسبلورر ودعامايات
ولاحظ سلفي وفورد(:
--
مع العلم اقصد الطرفين
المتدين من الشيعه والسنه(:
ما يسوى احد يرد عليه
لا تذكر نماذج الكراهية في يوم الحب
استانس مع مرتك وعسى الله يديم المحبة بينكم اليوم ودوم
ماعندهم ما عند جدي
لو يبون صج يمنعونه جان تكلمو بأيام السنة الباجية مو بس خابينا بهاليوم
كل عام و انت و الحرم المصون بألف خير
:)
فتى الجبل معصب
هد اعصابك
سو الى يعجبك ويريحك
لا تسمع لهم
الله يديم الحب والمحبه بحياتك كلها
:)
هابي فالنتاين لك ولحرمك المصون ربي يحفظكم ويخليكم لبعض
لكم من يا اهل الكويت مني أطيب الأماني وكل عام وأنتم بحب وسلام
ع فكره فتى الجبل .. انا بعد احب اسمع لصوت الجزيرة ابوبكر سالم ..
تحياتي
والله العيد كان عيدين
مغنيه وعيد الحب
امس الناس مستانسه والمحلات ترسها من هالورود الحمر وخل اللجنه تفرك ابمحلها
العمر كله انشاالله بحب وسعادة
عساكم تعودونه بخير كل سنة انشاءالله
السلام عليكم
اخوي فتى الجبل
لك كل الاحترام بما تفضلت بقوله
هذا رأيك الشخصي وانت حر بذلك ولا الزمك بغير ذلك
لكن الطرف الآخر المعارض لك له رأيه بهذا الموضوع , هدي اعصابك ياخوي وتحمل الآراء التي تكون ضد تفكيرك لان كل واحد حر بقول اللي يبيه خصوصا اذا ما فيه تهجم على الدين الاسلامي وتشريعاته
حبيب حبيب :)
أنا مادري ليش إنتطرق حق سالفة حلال و حرام
يوم عادي تعبر فيه عن حبك مثل أي يوم ثاني
وبعدين اللي فاسق أكيد فاسق من غير هاليوم مو ناطر فالنتين عشان يرتكب الحرام
بس هذا اللي إصير لما إتخلص المواضيع المثيرة اللي يشدون فيها الناس إروحون إلى امور تافم ما المفروض تهش و لا تنش بالدين
هابي فالنتاين
ويعطيك العافية صدقت خل يشترون السيارات الماليزية احسن :)
happy Valentine Brother
o 3ala gotlk 7ara t7r globhom
شكرا كبيرة لكل من شاركني بالتعليق
سواء كان موافقا لي أو معارضا
أي واللة, مليون هابي فالانتاين. يعني الملالوة مايحبون؟ أكيد بس مو مثل ما أنا أحب زوجتي ألغالية(علي فكرة, عمري فوق ألخمسين). و أفهم يا شاطر.
لالااااااااا ..!! صـــج !!؟؟
ســـدرة العشـــااااق زوووجـــتك !!؟؟
:)
يحليلـــكم
لااااااايقيييين على بعــض
ويااااا حظـــك فيهــا
الله يخليـــكم لبعــض
ولااااااا يفرقكــم
ياااارب العالميــن
:)
شكرا ايغل وشكرا دللي
Post a Comment