مثل ما كنا ننتقد الحكومة لما تخطئ
اليوم حقها علينا نقول لها مليون شكرا على جهودها الكبيرة لتطبيق قانون منع الفرعيات
ومليون شكرا على جهودها لمنع الرشوة الانتخابية واللي اسفر عنها اصتياد اعضاء اللجنة الانتخابية لبعبع الرشوة في الدائرة الثالثة اللي سموه بالجرايد ج.ع. ( كلش ما عرفناه ) والبعبع الثاني بالدائرة الخامسة ع.د. (كلش مو القصير اللي يلبس نظارة واللي ديوانه بالفحيحيل ) والشكر موصول للمواطن والمواطنة اللي ماسكتوا وبلغوا المباحث عن هالرشاوي واللي توجوها بالقبض على اعضاء اللجنة الانتخابية للمرشحين اللي حدهم شرفاء وسمعتهم حدها ذهب
شكرا لكل من يحاول اعادة الهيبة للدولة وقوانينها ودستورها
يمكن يفلت منها هالمرشحين...بس اعضاء لجنتينهم ان شاء الله ما راح يفلتون منها ومن عقبها كل واحد راح يخاف مليون مرة قبل لا يرشي الناس
وعلى قولة المصريين
العيار اللي ما يصيبش يدوش
44 comments:
كلش مو جمال العمر و عصام الدبوس
ليش ما كتبت اساميهم ؟
خيانة
:P
زين عندي سؤال شنو يعني هالكلمة ؟ لول
اصتياد ؟
سدرة
اصتياد
من صاد يصيد صيدا
ااااااااخ
انا اسمع هالاخبار و من فرحتي مش أدره أصدأ !!! أحقا قام يطبقون القانون بالكويت؟!؟!؟!؟ أحقا بيحيلون ج ع و ع د النيابه؟؟!؟! أحقا سيعقابون؟!؟! أن حدثت حقا نكون فعلا دخلنا عصر جديد!
someday
اهم صادوا اعضاء باللجنتين اي
هل اكو براهين على جمال وعصام..مادري الله يعلم
صدقت
شكرا للحكومة تستاهل
هذاالي نبيه قول وفعل :)
من حقنا أن ننتقد الحكومة كل يوم
ومن واجب الحكومة انها تسمع لنا
بس مو من واجبنا نقول شكراً للحكومة
لأن الحكومة ما سوت إلا الواجب
ولا شكر على واجب مثل ما يقولون
:)
انشاءالله بالطوفة
علي
يا معود على الاقل تمشي وانت تعرف اللي لك واللي عليك
صلاح
نقول لها شكرا لأن احنا عشنا في ظل حكومات تسوي الغلط لمدة اربعة عقود تقريبا ليما صار الصح غلط والغلط صح
فلما اتيي هالحكومة وتعدل الاوضاع المقلوبة نقول لها الف شكر على تعديلها للاوضاع
مطقوق
ان شاء الله حق جمال وعصام وكل اللي ماشي على دربهم
مو اهيا اصطياد والا اصتياد؟
والف شكر لرب العالمين انه فضحهم
وشكر للداخلية بالتزامهم وعدم تخاذلهم
وشكر للناس اللي تبي تفضحهم
ووووو
وعاشت لنا الكوويت
وعاشو اهلها
جوي
تصدقين والله شككتيني
اصطياد والا اصتياد؟
مادري؟
خبر يسوى مليون
:>
الفال للبقية المتسترة
<:::: وحده بتعفس اللغة العربية
الكلمة ما غيرها
تنكتب جذي
استياط
فتى ,,
صاج نشكرها إذا سوت شي زين و ننتقدها إذا أخطأت و يارب دايما على هالنهج ..
.. و صج صج مستانسين والله
على فكرة اهيا استياد
لووول :) ظيعناك جنا ؟
شكرا ترليون مره
مستاسيييييييييييييييييين
الله يديم هالوناسة
الدنيا
:p
بوتشخيص
آنا ضعت
بس استياد حدها غلط
بس
اي والله
العزيز فتى الجبل
عمت مساءا
كل الشكر لرجال الداخلية على مافعلوه ونشكر وزيرها الذي بدأ يتحرك بشكل جدي..وسوف نحفظها له بأحرف من ذهب
ونتمنى له الاستمرار على هذا النهج
وأيضا قديما قالوا
اضرب المربوط ويخاف المفتلت
والآن سوف يراجع حسابته كل من تجرأ وحاول بيع وشراء هذا الوطن الغالي
وأنا اتفق مع العزيز صلاح حول اشكالية الواجب والشكر..ولكن مافعلوه يستحق الثناء والتشجيع..وهو امر بديهي لكل مجتهد ومن يحاول الاجتهاد
مع وافر الاحترام والمودة لكما
المحـــــــــــــب/
شــقـــــران
الشرايه الباجي ناطرين مصير هذيل الانثنين علشان يعرفون شيسون وشلون الطريقة الجديدة
اقول والله عندك شماته بالبيت الله يعينك
العزيز فتى الجبل أسمحلي
يبي يصيدون كل الشرايه
وووالللللللله
المجلس القديم كله باااااح
الحين أرجعلك يانهاش
صدقني تطبيق القانون مطلب الجميع فهو أمان لي ولك وللجميع وحتى يسود القانون
يطبق على الكل
متى يصيدون إلا عندنا بالدائرة الثانية
أتصدق متصله علي وحده أمس تبع مرشح في الثانية أمس تقولي أختي تبين معاملة وإلا فلوس
عاد خبرك هالأيام أنا مكتئبة جان أطلع حرتي فيها وأسبها اهي ومرشحها
أقول أسمه
أتمنى بس يثبتون على رايهم هذا
وماتصير مثل الفرعيات .. امنعوها عن ناس وتركو ناس !!
هاهاهاهاها لاحظوا انا اقهقه وما اضحك
حلم ابليس يالجنه...كالعاده طلعوهم بكفاله مثل ما طلعوا من ارتكب افضع من هذا لاري وعبد الصمد..(منزلين روحهم شوف الثقه)
اهم فعلا صادوهم لكن صيده فقط يعني احنا سوينا يا الشعب
والله اتمنى يعاقبونهم
بس احلام ورديه
خلنا انشوف شنو راح يسوون فيهم
وعقبال الي ابالي بس للاسف محد يقدر يكلمه
انا حدي مستانس
ألف شكر
ما بغينا نطبق القانون!؟
واثني كلام
Eng_Q8
يعطيهم العافية :)
شككككرا بعنف لوزير الداخلية
أتمنى العقوبة تكون على مستوى الجريمة.
تنظيف شوارع العديلية والفحيحيل بعز الضهر بعد حلق الشنبات والحواجب
اي و الله شكرا من القلب
بداية الخير قطره
و الفال لكل راشي و مرتشي
ان شاء الله
:)))
شقران
تدري بالزمن اللي فيه صار كسر القانون اهوا القاعدة لازم تشكر اللي اييك ويطبق القانون
سعود
الله يعين الجميع
هذيان
اخيتي...الفرصة يت لي عندج...اشلون؟
قوليلها اوكي ابي فلوس واتصلي على المباحث وخلهم يصيدونها بالجرم المشهود وخلهم ينفضحون ويدشون السجن عند ربعهم الحرامية والنصابين
كويتي
الله يسمع منك وتكون على الكل
بوسعد
ياخوي احنا نتعلق باي امل عشان هالديرة شنسوي امرنا لله
مهندس
اهوا مجرد تحركهم لتطبيق القانون بداية حلوة
وان شاء الله تتبعها خطوات ثانية
محسد
دوم ان شاء الله
لايعه جبده
وان شاء الله يكملون
سيليزيا
الله يعافيج
آنا كويتي
العديلية والفحيحيل شوية
كل الدائرة الثالثة والخامسة
قلب طفلة
اللهم آمين
السلام عليكم
بصراحة انقول حق وزارة الداخلية باللي سووه كفوو عليكم والله والله يساعدكم ويوفقكم
انزين و ش غ بالثالثة :P
يحليلها طلعت مو هينة عاد لو رايحين شايفين على جم تعطي :P
someone
وعساهم دوم جذي
voice
اهيا خلها تعدل بيتها اول شي بقرطبة بعدين خل ترشي الناس
Post a Comment