لما شفت ردة فعل حكومتنا الرشيدة ووزير خارجيتها العتيد على الاتهامات الامريكية للاموال المدفوعة من قبل جمعية احياء التراث والاتهامات الموجهة لها بانها تمول الارهاب تمنيت حزتها شيين
الاول
ان حكومتنا تقوم بدراسة متأنية لهذي الاتهامات اللي من الممكن انها تكون صحيحة مثل ما انها من الممكن تكون خاطئة
اما الرد بدون تكبد مشقة دراسة هالاتهامات فهذا الشي ما يسويه الا الانسان الخبل...ليش؟
لأن شيسوى باجر على الحكومة لو طلعت هالاتهامات صحيحة...وقتها راح يوجه الاتهام هالمرة حق الحكومة نفسها اللي دافعت عن هالاتهامات
الثاني
لما شفت العصبية والسرعة الحكومية بالرد على الاتهامات الامريكية تمنيت ان حكومتنا ما تكون أسد على أمريكا وعلى الغير صخلة
وين عصبية الحكومة على الشقيقة السعودية اللي اجبرتنا على تغيير موقع المصفاة اليديدة مع انها على اراضينا؟
وين عصبية الحكومة اللي ترضى ان العلم السعودي يرفع على ارض الكويت وفي منشآت تكساكو وعلى ارض كويتية؟
يعني السعودية ترضى نرفع العلم الكويتي على المنشآت النفطية المشتركة بالخفجي؟
وين عصبية الحكومة على ايران اللي كل يوم تدش مياهنا الاقليمية؟
وين عصبية الحكومة على ايران اللي مو مخليتنا نستفيد من الغاز والنفط في مياهنا الاقليمية بحجة الجرف القاري؟
وين عصبيتنا على العراق اللي للحين ما تعاون بارجاع جثث شهدائنا؟
وين عصبيتنا على العراق اللي للحين مو راضي يرجع لنا املاكنا المنهوبة ايام الغزو؟
والا العصبية ما تطلع يعني الا على امريكا؟
وخلنا نتذكر ان تحريرنا ما كان الا بمشيئة الله ثم المارد الامريكي الشيطاني
وخلنا نتذكر ان الامريكان لما بغوا يؤجرون بوبيان منا ويدفعون لنا فلوس مقابلها شنو سوى رفضنا حق هالشي وقتها
وخلنا نتذكر ان اذا كانت حكومتنا صخلة مع ايران والسعودية والعراق
فالاولى انها تكون نملة مع المارد الامريكي
او انها تستأسد على الكل ومو على ناس وناس
يواش يواش يا حكومتنا...والعقل تراه نعمة والثقل حكمة
___________
الدولة السلفية العظمى
عادي...قوانين دولة الكويت غير معترف فيها عندهم
اهما يعترفون بدولة جمعية احياء التراث المتأسلم وبس
58 comments:
قصدك أبوي ما يقدر إلاّ على أمي
:S
بلوق عمتي
ايييييييييييييييي
بس امي طقتها مو تعور
الا طقتها والقبر
خبل
من زمان ناطر واحد يقول هالكلمة
خبل خبل خبل
بس بعد اقاء نظرة أخرى على النواب و الوزراء أقدر اسال
منو فيهم مو خبل؟
عااااش عاااااش والله قدها و قدود و سالفه القوات متأسلمه شوف التاقض بحجيهم يوم حقوق الانسان يو قالوا:" لأ ما قابلناهم." و بعدين قالوا:" قابلناهم عن طريق الصدفه!!." انزين يعني الحين نسوا قضايا حقوق الانسان (كبت الحريات, المرأة, طعن في المواد الدستور, مساواه) و ركزوا على إحم هالجمعيه؟!! شنو يدافعون حق ربعهم؟!
خوفي صج ان هالجمعيه تمول الارهاب (الله لا يقوله)
اشكره يبون الكويت ينحط عليها black list و يومها اطق اصبع عــــدل.
كانت أسد
لما الملك فيصل الله يرحمة
رد على سؤال الصحفي : الدول العظمي ثلاث
هي امريكا و روسيا و الكويت
على عهد عبدالله السالم الله يرحمه و يغفر له و يطيب ثراه
انت لاحظ بالحالتين اسد والا صخلة فهي بالنهاية بهيمة!
أعزكم الله عن البهايم والحكومة
انا الضغط وصل حده عندي
لا تعليق لا اخورها
انا مو حارق قلبي غير السعوديه والمصفاه
يبا قاعدين ياكلون بارضنا شبر شبر ومحد يتحجى
شسالفه!
ترا الديره ديرتنا ليش موقادرين نوصل صوتنا
يعني ما المفروض الحكومة تصير صخلة ولا أسد
المفروض تصير حكيمة وذكية!
و الاخ يقول اضربوا القرار الأمريكي عرض الحائط
مثل ما اهو ضرب السلام الوطني عرض الحائط
يا مال الهيب اللي يضرب راسه
جمعية احياء التراث في النهاية هي تابعة لوزارة الشؤون .. اي تابعة للدولة
واتهامها بالارهاب هو اتهام للدولة .. لأن وزاة الشؤون تقوم بدور المراقبة على حسابات الجمعية ..
فطول بالك وهونها تهون :)
كلمن خايف منهم ويجاملهم
يا خرطيييي
ياخي واللة كلامك مظبوط
فعلا يون الكويت بسياستها الخارجية مع جميع الدول
السعودية كلتنا اكال حتى الارياق خذتها والواحد لا بغا يحدق يحط ايدة على قلبة
الكويت لها سياسة عجيبة غريبة من زماااااااان
وإذا عرف السبب بطل العجب يا فتى الجبل
مطقوق
كلهم خبول
بلوندي
اكيد ماتهمهم الكويت
المهم الخلافة المتأسلمة مالتهم
انتركويت
ليس الفتى من قال كان ابي
انما الفتى من قال هانذا
لايعة
اي والله بهيمة
مهندس
سلامتك يايبه من الضغط
سنعة
السعودية تاكل البر
وايران تاكل البحر
صلاح
هذا المفروض
بس الواقع شي ثاني
سيكرت
منو هايف؟
صج اسم على مسمى
الحارث
عيل ياليت الجمعيات الثانية تلقى جزء من اهتمام الدولة مثل جمعية احياء التخلف
سعود
:(
حسافتج
مالت على جذي حكومة
first of all i wanna say that im chocked to read some offenssive comments about my country KSA , guys did u forget what we did for you on 1990 , we spent billions of dollers from our money to get ur country back and now thats what we get in return ..
2nd KSA never had any plans to invade kuwait like iraq or iran whatsoever and the area in mina S3ood (alzoorr is belnoging to Saudi according to old agreement signed by the kuwaiti government itself so whats the fuss is about!
Sarah KSA
يبته ييب يا خوي
كلامك كلة عدل
نرجع و نقول .. وين مؤسسة الحكم !!؟
جنك معصب ؟
بلوغ عمتي كنت بقولها !! :@
محد راح يودرنا غير الموجودين بالمجلس و قالوا اهما لحاكمين الديره وين الامير عنهم و رئيس مجلس الوزراء عنهم و الخرافي عنهم ولا هذيلي لا حسيب و لا رقيب عليهم
على قولة خالي
كل مجموعه بالمجلس تمشي على هواها !!
يعني الكويت مو مهمه عندهم !
الآنو سارة
سارة الظاهر انهم ما عطوكم بالمدرسة عندكم اشلون غزى بن رشيد حاكم حايل الدرعية
والظاهر ما عطوكم اشلون التجأ عبدالرحمن آل سعود وولده عبدالعزيز حق الكويت
والظاهر ماعطوكم اشلون حماهم مبارك الصباح
والظاهر ماتدرين ان قبر عبدالرحمن آل سعود بالكويت ويشهد على حماية مبارك الصباح واهل الكويت حق اهل الدرعية
والظاهر انج ما تدرين ان عبدالعزيز اخذ الرياييل والعتاد والفلوس من الكويت وراح يحرر الدرعية وعقبها وحد السعودية
وبعدين شنو كان يزا طيبة اهل الكويت انه اخذ حفر الباطن منهم
انه اخذ ابو حدرية منهم ليما الخفجي
اللي سويتوه 1990 تشكرون عليه بس لا تنسون انه كان رد للجميل اللي سويناه لكم من قبل ولا يعني انكم تاكلون اراضينا مثل ما كليتوها بالاول
وماكو شي بالكويت اسمه مينا سعود
امو شي اسمه مينا الزور واهيا ارض كويتية مثل ما كانت حفر الباطن والزرقاني وبوحدرية لي الخفجي اللي بلعتوها منا
اي والله صاج يا فتى الجبل
أي و الله أمي ما تقدر ألا على أبوي !!؟
الشكوى الله
اتفق معك الى حد كبير
السلام عليكم و الرحمه
بشرنا عنك فتى الجبل!!
يا خوي امريكا حررتنا لكن لا تنسى ان السعوديه وقفت وقفه معانا من كل النواحي...
و الجيش السعودي رفع علم بلاده يوم التحرير على اراضينا و ليش نمنعهم الحين!!
كيفهم ما يبون يرفعون علمنا...علمنا شامخ وما يحتاج لهم لكن الكويتيين اصيليين و راح يضلون اصيلين و يردون جميلهم على الاقل برفع علمهم عندنا
اخوي فتى شتان بين اتهام الكويت بالارهاب و بين تلك الخلافات البسيطه بين الكويت و الدول الشقيقه
ليش ما انتعلم من الي قبلنا!!
ترى المسلم لا يلدغ مرتان
شوف السياسه الامريكيه مع العراق
الاتهام بالاسلحه النوويه تمهيد للحرب ولم يجدوا شيئا من هالاسلحه
شوف السياسه الامريكيه مع سوريا اتهمتها انها مركز تمويل الالرهاب المتواجدين في العراق..تمهيدا للخوض معها
بحرب
انا ارفع القبعه لهؤلاء الرجال من النواب لمن تفاعل مع هالقضيه..
السلف وانا اخوك اهون من الي يمشون مصالح الدوله بلي ما يرضي الله و لا رسوله...
صح لسانك
شي يحررر و يغث
عشان جذي مالنا هيبه عند احد :(
السلام عليكم
طول بالك :)
هذه الكويت صل على النبي بحلوها ومرها
وهيك بلد بدها هيك بشر :)
السعوديه بر
وايران بحر
بس اقولك شي
عيال الديره قاعدين ياكلونها بالبلوق بالخيانه بالاختلاسات بالواسطات والمحسوبيات قاعدين ياكلونها بالجرايم وبالتجاره الرخيصه قاعدين ياكلونها حتى بلبسهم وتصرفاتهم وسكوتهم عن كل غلط وانتهاك لديرتهم
لو هالديرتين لقت من ديرتنا ان عيالها بيوقف بويهم جان ماسوت جذيه
بس اهي تدري ان احنا موفاضين الا نطلع عيوب هالديره ونعيب على فلان ونتهم علان
اخيه عليج ياكويت
متأسلم =عمل نفسه مسلما وهو ليس بمسلم!!
هذا تكفير ياعزيزي :)
Anonymous
I dont know how old you are. But I am old and still remember when Khafji was in Kuwait, cause I used to go there without a passport. God help us.
bu saad said "
و الجيش السعودي رفع علم بلاده يوم التحرير على اراضينا و ليش نمنعهم الحين!!"
I hate Vista, can not switch to Arabic.
Ya Bo Sa’ad. Why should they raise their flag on Kuwait land, we appreciate the help, but we will never appreciate the intention. Cause this land is mine land, it the land for the true Kuwaitis, not for the nationality holders. Do you know how many Saudi’s work in Kuwait? Allot, all you have to do is look in the heat of the summer how many men look like Marlboro cigarettes. We lost allot of land for the Saudi’s. My grandfather told me once before he died (God bless his soul) that Kuwait reached to Al Hissa. God Help us.
حاشهم حول يعني حكومتنا حوله
فهمتهااا ؟؟
عثماني
مؤسسة الحكم؟
مؤسسة الحكم شعارها الظاهر يالله نفسي
حياتي
لأ..منو قال؟
آنا ميت من الضحك
مجبوس
وييين الخرافي؟
الخرافي ديرته مصر مو الكويت
كويتاوي
حياك
بس
ولغيره مذلة
موك
دوم ان شاء الله متفقين
بوسعد
ارد واقول اهما ردوا جميلنا بحماية عبدالرحمن وعبدالعزيز آل سعود من بن رشيد الشمري
اما رفع العلم فلا والف لا
والمصيبة الاعظم اهيا منعنا من بناء مصفاة على اراضينا
اما الامريكان فهذي دولة عظمى ما تشتغل لا لي ولا لك هذي تشتغل حق امريكا وبس واحنا لما كنا دول عظمى ايام الامويين والعباسيين ليما العثمانيين كنا نسوي مثلهم يا اخوي
اما قصة السلف احسن من اللي يشتغل باللي ما يرضي الله فهذي مسألة نسبية...ليش؟
لأن خالد السلطان السلفي عنده اسهم بشركات تشتغل مع الشيطان الامريكي مثل المخازن ومركز سلطان وطبعا التعاون معاهم يشمل كل شي من لحم خنزير وويسكي...هالشي يرضي الله باعتقادك؟
خالد السلطان رئيس مجلس ادارة الامتياز يشتغل مع الحكومة القطرية اللي نفسها ما تمنع الويسكي بقطر ولها علاقات مع اسرائيل ومكاتب تمثيل تجاري متبادلة...هالشي يرضي الله باعتقادك؟
قلب طفلة
صح بدنج
someone
وكما تكونوا يول عليكم
سنعة
صح
واللي تهون عليه نفسه يهون عند الناس
صقر قريش
هذي فتوى والا شنو؟
عموما مشكور على النصيحة
بس الزمن علمني ماقبل الفتاوي الا من الثقاة
وللشرح ياخوي المتأسلم اقصد فيه اللي يكفر الناس كلها وعباله اهوا المسلم وبس
وهالشي اهوا اللي يسوونه الجمعيات الدينية وربعهم
ايغل
وزين ماوصلوا المرقاب على ابو شاركوا بحرب التحرير
ماجنا وقفنا يمهم بالاول
ايغل
لي بوحدرية يا ايغل مو الحسا
بس المهم انهم ما ينسون شنو سوت الكويت حق السعودية ايام عبدالعزيز
مارشميلوس
حكومتنا حولة؟
الا عميا
وانا اخوك اثنين و لا ثلاث من السلف ما يمثلون المنهج السلفي؟؟
فانا كشخص واحد ما امثل فئه..لكن امثل نفسي
بوسعد
آنا قلته كمثال
والا لو بحجي جان عيزت
لا تلوم السعودية بعدم موافقتها على موقع المصفاة
لكن لوم من تنازل لهم بالاساس و عطاهم الارض بميناء الزور اللي مو راضين يفجون عنها
قاموس عالم السياسه ما فيه مفردة تنازل
شوف هاللنك
للمعلوميه فقط
http://upload.wikimedia.org/wikipedia/commons/4/44/Kuwait_map,_1913.jpg
حسام
صاج ياخوي
صاج
Post a Comment