Sunday, July 13, 2008

طلب هايف من مستر هايف

الشوارع فيها مغازل
عيل كسروها
المجمعات فيها مغازل
عيل هدموها
التيلفون والموبايل والانترنت يغازلون فيهم
عيل منعوهم
الحمام الزاجل من الممكن المغازلجية يوصلون رسايلهم من خلاله
عيل ذبحوه
الكويت فيها مغازل
عيل حرقوها
يا هايف يا بو الاقتراح الهايف
كل شي بهالدنيا سلاح ذو حدين
وبالتالي ما يصير نمنع كل شي بس لأن اكو ناس استخدموه غلط
ما يصير نمنع الناس من حرياتهم بس لأن جم واحد استخدموها خطأ

39 comments:

Blog 3amty said...

المفروض يوزعون كافور على كل الكوتيين الذكور من عمر 14 سنة عشان تقل الرغبة الجنسية حتى تنعدم، ونعش في مجتمع يوني سكس !

ونفتك من هالربربه !

فريج سعود said...

هذا الطبطبائي يطلع عنده
احمد البغدادي

حسام بن ضرار said...

لا تشره عليه و اشره على من وصله

Mok said...

بقيت انزل بوست عن هايف بس تراجعت بنفس الموضوع

بس نزلت عن ايران

مافيش فايدة

كويــتي لايــعه كبــده said...

انا استخدم الشات بالصوت والصورة مع زوجتي وعيالي وقت السفر
وإن كان مغازل قهو مشروع وحلال

وناس تستخدمة يزنس

احسن الظن يا مسلم!

تخلف صحيح!
ء

الحارث بن همّام said...

الاخ هايف ما طلب منع الوسيلة اللي هي ذو حدين

لكن طلب منع الحد السلبي منها .. اشوفه طلب واقعي وجيّد

Selezya said...

يالله لك الحمد

Hamad Alderbas said...

مو هذا هو منهجهم

ان كنت تعلق عزيزي على اطروحاتهم وتفترض اطروحات مضحكة فأبشرك هذا هو فكرهم بالفعل

نفس التدرج الذي سارت عليه افغانستان

منع هنا ومنع هناك الى ان وصلوا الى مرحلة النقاب الحديدي ومنع الخروج بلا محرم ومنع تعليم البنات ومسطرة اللحية وغيرها من الاشياء التي تدور في بال هايف وربعه كما دارت من قبل هي رؤوس اشباههم الطالبانيين

تحية لك اخي الكريم ..

فتى الجبل said...

بلوق عمتي
هم فكرة

فتى الجبل said...

سعود
ما تشوف الطبطبائي خف من تصريحاته

فتى الجبل said...

حسام
عدل

فتى الجبل said...

موك
ابتلشنا بهالميانين

فتى الجبل said...

لايعة
هذا حد تفكيره

فتى الجبل said...

الحارث
ياخوي اقراها عدل
اهوا طلب منعها بالكامل
واهيا فيها اشياء مفيدة

فتى الجبل said...

سيليزيا
اي والله

فتى الجبل said...

حمد
ادري ان هذا فكرهم
واهما يبون اللي اكبر واكثر من هالشي

سدرة العشـــاق said...

خل يقرون اللي وصلوه اهو و امثاله


الله يكافينا شره و شر اللي وياه

الشكوى لله

فتى الجبل said...

سدرة
اللي وصلوه العن منه
والطيور على اشكالها تقع

Яeema said...

blog 3amety : hehehheheheheh
hehehehehehehehheheheheheheheh
hehehehehehhehehehehehheheheheh


=======


قعدت أضحك يوم شفت تعليق بلوق عمتي و نسيت شنو كنت بقول




بس أول مرة أقرا هالإقتراح

من وين يايبه؟؟
ودي أقرا الموضوع كامل
لو تكرمت

Q80 Blogger said...

شنو المفيد الي فيها يا فتى الجبل
انت عرفت شنو يقصد
غرف المحادثات الصوتيه الي من زين والوطنيه
كل يوم دازين مسجات .. تبي تتعرف على اصدقاء جدد .. اتصل على الرقم الفلاني

بالله هذي شنو الاستفاده منها .. غير الخراب !!!!

خلكم واقعيين .. هذول الغرف بوق من الشركتين لفلوس المراهقين

ويا اخوي المفروض ما نتعرض للأسماء
مو حلوه تتطنز على أبو الرجل .. ولا تنابزو بالألقاب

يعطيك العافيه

ولد الديرة said...

مع
blg 3amty

بس اقتراح بأن ينحط الكافور بالتموين يعني كل مواطن ياخذ معجون طمام وعيش و كافور

why me said...

والله ابتلشنا

Mohammad Al-Yousifi said...

mumtaz

i am starting to love him

Anonymous said...

فتى عادي عندك هذه الخدمه الى حاطتها الوطنيه والأتصلات يعني الدياثه ضاربه اطنابها عندك انت مافيك غيره على المجتمع الى انت عايش فيه؟
طيب هذا شي راجعلك بس لو وصل هذا المسج الى شخص صغير ومراهق واستخدمها استخدام سئ أليس من واجب ممثل الأمه ان يسلط الأضواء على سلبيات المجتمع التى انت تراها ايجابيات يعني من زود الليبراليه الى عندك ؟

وانت والله ما تدري وين الله حاشرك

yoohoo~~ said...

الحل بالكافور

حياتي هدف مو عبث said...

يوصلني مسج

تبين دردشة ووناسه
وتعرف على اصدقاء

وين قااعدين ؟

أول شي

شنو الونااسة ؟
شكو الاصدقاء؟
وبوووق على كيفك بووق
والمسكين هالخبل اللي يعطيهم باال

فعلاً كل شي له سلبية وايجابية
لكن اذا هالشي كله سلببية

من وين بطلع ايجاابية


وبعدين ياأخووي
اسمه محمد هايف
يعني اسم ابووه ماله شغل
واعتقد الكل قام يستغل اسم ابووه هايف
للإستهزااء والاستخفاف فييه

مو بس انت
واايد نااس

انتقد الشخص على فعله او اقواله
لكن مو اسم ابوووه
ولا حتى اسمه

فتى الجبل said...

ريما
اللنك موجود
اذا كنتي تسأليني عن هالموضوع

فتى الجبل said...

كويتي بلوقر
اولا هالشي مو بوق من الشركتين لأنهم ماجبروك ولا اجبروني ولا اجبروا اي احد يدش بهالخدمة
بعدين يمكن ما فيها شي مفيد لك اوكي
بس غيرك يمكن يستفيد منها بالتعرف على ربع يدد
ترى مو كل الناس يدشون عشان النظرة الجنسية اللي للاسف المتاسلمين يطالعون الناس من خلالها
ومشكور وايد على النصيحة

فتى الجبل said...

ولد الديرة
خوش فكرة

فتى الجبل said...

واي مي
اووووووووووووووووووووووف

فتى الجبل said...

مطقوق
بالعافية

فتى الجبل said...

مدون
معتزل ومعتزل ومادري شنو اشتبي عيل داش عندنا
تصدق ودي ارد على الحجي اللي قلته
بس انت واشكالك ما تستاهلون الواحد يرد عليكم
اقول خلك صاج مع نفسك واذا انت فعلا معتزل لا تعلق
اما مسالة الدياثة فماقول الا كلن يشوف الناس على عين طبعه

فتى الجبل said...

مياو
خير

فتى الجبل said...

حياتي
ارد واقول هالشي مو اسمه بوق لأن محد جبر الناس تستخدم هالخدمة
ومو كل الناس يستخدمونها غلط
واذا كانت نظرة البعض جنسية بحتة فهذي مشكلتهم مو مشكلة اللي يتعاملون مع الاشياء بالطريقة الصحيحة
ومشكورة على النصيحة

حياتي هدف مو عبث said...

ليش معصب بالرد ؟؟

فتى الجبل said...

حياتي
ليش تعتقدين دايما اني معصب
آنا ماعصب على اخيتي
بس اهوا الرد جذيه

MaCHBoS said...

هذا شنو يبي يوصله !!

فتى الجبل said...

مجبوس
يبي دولة طالبان الكويتية

Anonymous said...

الحبيب اللي مستانس يقول اذا وصل هالمسج حق ياهل، اقوله يالحبيب الشرهه مو على الشركه، الشرهه على الام و الابو اللي معطين ياهل تلفون نقال، يعني ما يحتاج يدزون له مسج يقولوله تعرف على اصدقاء، ممكن واحد يدق عليه بالغلط و يقوله بتعرف عليك و يروح يعتدي عليه ولا يدخله بسوالف مخدرات

و اصلا المسج يقول "تبي تتعرف على اصدقاء جدد" يعني الاصدقاء الجدد ما نتعرف عليهم الا اذا صارت السالفه فيها جنس آخر و مغازل و بوس و تلمم و من هالخرابيط؟ ما يصير تتعرف على اصدقاء من نفس الجنس؟ ولا هذي بعد حرام؟

اشفيكم بس تظنون بالناس؟

و اللي يبي يضبط عياله لا يعطيهم موبايلات و اهما يهال، والله حاله، يعني ما يقدرون ربعه اللي بالمدرسه يدزوله صور وصخه؟ ما يقدر يبطل بلوتوث و يستقبل فيديوات مصخره؟ الواحد ما ينحرف الا عن طريق غرف الدردشه؟

منافقين

انا اقول حق هايف روح شوف المراهقين شنو كان يسوون حتى قبل اختراع شي اسمه موبايل، كانوا يرسمون رسمات جنسيه على طوف المدارس و بيبان الحمامات، تتوقع هذا بعد من غرف الدردشه؟

لو تسوي حمله وطنيه لإزالة هذي الرسمات و الصور الوصخه على اطوف المدارس وايد اشرفلك