Tuesday, July 15, 2008

حيرة مواطن

ليش محكوم على العرب انهم يعيشون بديمقراطية شكلية وبدون تنمية مثل ماهو حاصل بالكويت ولبنان؟
او
انهم يعيشون بتنمية وتطور بس بدون ديمقراطية مثل ماهو حاصل بالامارات وقطر
او
انهم ما يحصلون لا ديمقراطية ولا تنمية مثل ماهو حاصل ببقية الدول العربية اللي تستأثر فيها الطبقات الحاكمة وفداويتهم وبس على معظم دخل الدولة
هل هالشي قدر مكتوب علينا؟
هل هالتخلف طبع نتطبع فيه من المهد لي اللحد؟
هل يصعب علينا ان احنا نقتدي بالدول اللي تحترم شعوبها ودساتيرها؟
وهل راح يستمر هالوضع الى مالانهاية؟

52 comments:

حياتي هدف مو عبث said...

طبعا ماراح يستمر

لأن من الطبيعي

كل فترة ولها أحداثها وأسبابها

وتأكد إن ماكو شي يصير

إلا لسبب

..

والله يحفظنا ويرحمنا برجمته
ويحفظ الله لنا أمنا الحبيبة الكويت

حياتي هدف مو عبث said...

برحمته =

Eng_Q8 said...

الجمهور عاوز كده

فتى الجبل said...

حياتي
آمين

فتى الجبل said...

حياتي
اي فهمتها لا تحاتين

فتى الجبل said...

مهندس
يعني طبع

كويــتي لايــعه كبــده said...

لأ ما فيه وضع الى ما له نهاية

لكنه ""لن"" يتغير الا باصرار من الشعب

صراع أزلي بين من يملك السلطة ويرغب بالمزيد ولن يتنازل عنها ومن لا يملك السلطة ويود بالمشاركة بها كي يحسن من حالة

الاشخاص النزهاء فعلا وبفرص تاريخية صادفة مثل شيخ الشيوخ عبدالله السالم والشيخ زايد آل نهيان والشيخ محمد بن راشد -الله يرحم الحي منهم والمتوفي- هم بالفعل حالات شاذة عن القاعدة ونحمد الله على رحمتة ووجودهم

وعندك العكس أكثر من اشكال بتاع مصر وبتاع سوريا وبتاع الاردن وخبل ليبيا ووو

Mozart said...

قد نقول بأن تغيير فكر المناهج الدراسيه هو أول خطوه في محو التخلف

فتى الجبل said...

لايعة جبده
المشكلة ان احنا للحين نعيش على اشخاص
وغيرنا يعيش بدولة المؤسسات مايهم منو يعيش ومنو يموت
المهم الدولة ما تحيد عن خط الدستور

فتى الجبل said...

موزارت
ومنو اللي بيغير هالمناهج
اذا العطلة الحكومية النواب يتدخلون فيها
عيل المناهج اشلون

فريج سعود said...

الى ان يرث الله الارض ومن عليها

فتى الجبل said...

سعود
نفس اللي اعتقده

Salah said...

لمه كل الناس يعتبرون ان التغيير مسؤوليتهم

"إن الله لا يغير ما بقوم حتى غيروا ما بأنفسهم"

صدق الله العظيم

Mohammad Al-Yousifi said...

العالم الثالث مجاملة

yoohoo~~ said...

التغيير لازم يبدأ من داخل الشخص نفسه عشان يغير العالم

ولد الديرة said...

يعني تهقى دول اوروبا كانت متطورة في القرون الوسطى

كانوا العن من بوركينا فاسو

ايام يداولها الله بين الناس

وكما تكونوا يولى عليكم

مزيج من التخلف الإجتماعي على تدخلات خارجية يصبح الحال الحالي

MaCHBoS said...

اريحك العرب جرب !!

Mok said...

لا ادري
:(

why me said...

MaCHBoS said...
اريحك العرب جرب



looooooool


كلامه صح

حسام بن ضرار said...

لأن بعض الفئات من الشعوب العربيه مو كفو حتى كلمة الديموقراطيه

فإذا وفرت لهم الحريات، عطلوا عليك مشاريع التنمية

نفس الوضع اللي عندنا و مجلس الخمه

سدرة العشـــاق said...

حكمة رب العالمين

وان شاء الله ماراح يستمر الوضع جذي

molok said...

لما يصير في 11 سبتمبر في الدول العربيه .. ماأقصد نفسه .. بس أقصد كارثه تهز الوضع ويتسنعون .. ولو إني أشك بهذي بعد :(

فتى الجبل said...

صلاح
عيل اقبض من دبش
لأن عندنا ناس يقولون الله لا يغير علينا
وزين واذا للاحسن ماتبون بعد تغيير؟

فتى الجبل said...

مطقوق
العالم الثالث يخب علينا

فتى الجبل said...

مياو
هذا المفروض
بس الواقع شي ثاني

فتى الجبل said...

ولد الديرة
عدل كلامك
بس ما راح يتغير الحال اذا سكتنا
ولا تنسى انهم اهما ما تغيروا الا لما تحركوا باتجاه التغيير

فتى الجبل said...

مجبوس
حدهم

فتى الجبل said...

موك
حسرة علينا

فتى الجبل said...

واي مي
من امه

فتى الجبل said...

حسام
لا تنسى ان الحكومات اهيا اول من يسعى لهدم الدساتير والحريات

فتى الجبل said...

سدرة
ان شاء الله

فتى الجبل said...

ملوك
صار عندنا كوارث ولا تعدل الوضع
حرب 67
غزو الكويت
نكبة فلسطين
الحروب الاهلية.....الخ

سرحان said...

أخوي إنت شايف الأشكال اللي بديرتنا الحمدلله و الشكر؟؟ هذول ويييييين مخهم يستوعب الممارسات الديمقراطية عشان يفهمون معنى التنمية!؟

إذا تبي تنمية ترا التنمية تيي بوعي الناس، و اناس ما عندها وعي لأنها تفتقد عنصر اساسي، مناهج "تربوية" سليمة، مو بس تعليمية! لازم تربوية و تربيهم على مبادئ المواطنة السليمة... بس الديرة كلها تلّش إب تلّش! أتمنى إنها تكون فترة و تعدي..

لكن مادام عندنا نواب "المسجات و ستار أكاديمي" و نواب "نبي وزير ذو كفاءة من قبيلتنا، و نبي نسقط القروض"... أقول أبشر بالإنحدار أكثر فأكثر.

الله يبعدهم عن درب هالديرة!

honey said...

ليس مكتوب لنا العالم في تقلب
لو ترى التاريخ الأوروبي لوجدت انه كان اشد ظلام منا الآن

نتمنى أن تتحسن أوضاعنا رغم صعب رؤية هذا الأمل مقارنة بالظروف لكن لا حياة مع اليأس

Hayat said...

عطهم وقت .. بعد 20 جيل زايد قاصر :)
و لك طولت العمر :)

BLonDDyKe said...

مت تنبأتي
واحد من الاثنين اللي راح يصير بالديره (كويت 2008\2009) :-

1- يا فضيحه من عيار التئييل تصير بالديره و تغيرها يا للأحسن او للأسوء!
يارب للأحسن.

2- الكويتيين راح يهاجرون الديره و تصير الكويت
Kuwaitless.

هذا الامر الواقـــــــــع

وانا حاسه واحد من الاثنين. ;))~

Shaima'a Alkandari said...
This comment has been removed by the author.
Shaima'a Alkandari said...

لاتفكر ولاتحتار ماكو شي بيتم على هالحال

ماكو شي مايتغير
بس لو كل مواظن يفكر بعقله جان تقدمنا وعدلنا من وضعنا

someone_q8 said...

السلام عليكم

ماكو قائد صح يقدر يضبط هالامور
تدري ليش اخوي فتى
لان الدنيا حلوه , متاعها موجود جدامك
وماكو احد من هالقادة يخاف ربه الا القليل وينعدون عالاصابع

لما اتيييهم هزة عدله وبعدها هزتين كبار اعتقد وقتها راح يفكرون في شعوبهم والنظم المعمولة عندهم
عش رجبا ترى عجبا

Sn3a said...

اخوي
لان مفهوم (الله الوطن الامير)
اختلف
وصار في ترتيبات ثانيه

الواحد ماقام يحاتي ديرته باجر شبيصير فيها
ماينلام
قاعد يحاتي اللي بالبيت شلون يوكلهم والدنيا قام تغلى والصحه ماعادات الصحه
والتربيه ماقامت تربي ولا تعلم

والله ياخوي المواطن صار ماله خلق
ماله خلق يتشكى عقب مايشوف الديره تنباق
عقب ماشاف المشاريع تروح لبره
وعقب ماشاف ان امه ماتقدر تمشي ومو موافقينلها لجنه العلاج بالخارج ويلقى جاره بيروح يسوي تجميل على حساب الدوله

بس انهد حيلنا كلها جم سنه وبنصير ديره لاتنميه ولا ديمقراطيه ولا حتى حريه وبتشوفون

بـنـت بـطنـهـا said...

تساؤلاتك سليمة ياخوي
بس تبي الصراحة؟؟

لما نكون مثل الشعوب اللي تحترم نفسها راح نكون دولة تحترم شعوبها

تحية ود :)

bu-saad said...

على طاري الديقراطيه..حياك مدونتي و تعليقك عن استاذي و الديمقراطيه بالديره

فتى الجبل said...

سرحان
والله انك صاج
واحييك من كل ما فيني على هالتعليق

فتى الجبل said...

سرحان
احنا عندنا شعب متعلم
بس مو مثقف للاسف

فتى الجبل said...

شهد
احنا ما عشنا ظلامهم
بس عشنا ظلامنا وعشان جذي نتمنى اليوم اللي تنور فيه دنيتنا

فتى الجبل said...

حياة
وايد متفائلة

فتى الجبل said...

بلوندي
الغزو وما عدلنا
عيا شنهو بيعدلنا؟

فتى الجبل said...

شيماء
المواطن ما صار يفكر الا بقوت يومه وهذي نتيجة طبيعية لسياسة العلاف الحكومية اللي تربينا عليها
التغيير ما راح ايي الا من فوق

فتى الجبل said...

someone
اكثر واكبر من هزة الغزو اللي يتنا شنو؟

فتى الجبل said...

سنعة
هذا اللي بيصير

فتى الجبل said...

بنت بطنها
الشعب تعبان صح
بس منو اللي رباه على هالشي
مو الحكومات الاتعس

فتى الجبل said...

بوسعد
مشكور على الدعوة