نصيحة من نائب في البرلمان المغربي ( سيدي وزير الشئون الاسلامية.. نحن نرفض أن تحدد انت أو حكومتك أسماء النواب الذين يحق لهم الحج هذا العام فكل منا دفع مبلغا من المال ليصل للعضوية ونريد جميعا أن نذهب للحج كي نتطهر) انتهت النصيحة الحكمة
والله عندنا وعندهم خير
وبالتالي جم نائب عندنا يحتاج انه يحج ليتطهر من ذنوب الرشاوي الانتخابية؟
وجم نائب يحتاج انه يحج ليتطهر من الواسطات الانتخابية؟
وجم نائب يحتاج انه يحج ليتطهر من الفرعيات المحرمة قانونا؟
وجم نائب يحتاج انه يحج ليتطهر من تخريب الكويت بعدما حلف على المصحف انه يصونها ويصون دستورها وقوانينها وشعبها وترابها؟
الله حافظج يا كويت
الله حارسج يا كويت
الله حاميج يا كويت
24 comments:
خووووش اعتراف
لكن ما يوصلون سماحة نوابنا
ببلع الحرام ..لان نوابنا زارطين
من اول ترشيح لهم بالجمعيات التعاونيه ..البدايه عمره
والطبق الرئيسي الححج
اما لما صاروا نواب امه
طائره خاصه والعايله واليهال
والسفاره بجده تزهب اللوموزينات
وجااان زين.. يتطهرون
فمالله
الله المغرب :p
والله الي عندنا ماينفعهم حج استغفر الله
هذيل حتى لو يموتون شهدا مايتفع هذا اذا استشهدوا
الله ياخذهم ويفكونا
نوابنا مثل اللي يقول ياكل الفيل و يغص بالنملة
يزرطون ملايين و يبوقون و ينهبون وواسطات و على عيال خلق الله الفقارى
لا يجوز
حرام
مكروه
قموا زين
والله فكره الصراحه
حمله VIP
بس حق اعضاء مجلس الامه
اقتراح جميل
ودي اعرض الفكره ويطرحونها مناقصه
وآخذ 90% .. لأني انا المتقدم بالاقتراح
وولا تزعلى يا نهاش .. لك نصهم دامك راعي الفكره
لأنهم صج صج يحتاجون الحج
بروحهم ماسكين بكراسيهم من سنين .. مو راضين يفجون
جنهم يقولون احنا من الكرسي لي صليبيخات مره وحده
ومامنسى مقبره الجهرا بعد .. اخاف تزعل علينا
تحياتي .. مشتاق ليومياتك :)
3ejabny hal na2eb..LOL
yabeelhom kil sena y7ejoon!
هل تعرف اسم هذا النائب؟
:)
يتطهر من شنو؟
ديتول مخلوط بالكحول مضاف اليه قطرات
من التيزاب مع كلوركس ما راح تطهرهم.. لكن للامانة قد اعجبني النائب المغربي حين حاول الاعتراض بطريقة الافصاح وبط البرمة ..
أنا اسرق اه ..أكذب لاء
تحياتي
اجار
عدل
جان زين يتطهرون
مهندس
الله يهدينا ويهديهم
سدرة
الله يعين
كويت بلوغر
احنا أكثر مشتاقين
نعناعة
ويا ليت ينفعهم
loyalty
للأسف لأ
والا جان بسته على راسه لأنه قال الصج حتى على نفسه
يعقوبو
ما قريت اللي بالبوست؟
علي
حتى آنا عجبني
ترى أغلبهم كل سنة يحجون و ياليت ينفع تعتقد جم من صج عددهم يعني ممكن يكونون 30 مثلا و لا أكثر
بس
كلهم
ومع الحكومة بعد
لو طاري مليون احسنلك توني حاط موضوع يديد :))
نصيحة يت على الوتر الحساس
وخصوصا وان احنا مقبلين على هالموسم
الله حافظج ياكويتنا الغالية
مهندس
بدش أقراه
صبا
حياج
اكثر من ماتتصور :)
شكثرهم
سيليزيا
اي والله
Post a Comment