نهنئ ونبارك للبحرين وشعبها انضمام نوابهم المحترمين لنوابنا الغير محترمين بالمطالبة باسقاط قروض أهل البحرين وعليه نطالب بانشاء اللجنة الخليجية العليا للمطالبة باسقاط قروض أهل الخليج كلهم وبعدين ومرة وحدة آنا أقترح عليهم مناقشة انهم يريحون بالهم وبالنا من مثل هالمطالبات بالمستقبل بأنهم يوزعون على كل أسرة مليون دولار عقبها كل رب أسرة يبتلش بعياله عاد اهما يطالبونه باسقاط قروضهم وبهالشي تفتك الحكومة من الشعوب الغبية ومن النواب الحرامية ونفتك احنا بعد من حكوماتنا الضعيفة واللي ما عندها تخطيط للمستقبل وتفتك ديارنا من جشعنا وطمعنا ونفل دولنا ونرجع حق عصر القبيلة لأن أصلا الحين ماكو دول أكو مجرد قبائل عربية ميتمعة وعبالهم مسوين دول ويفتك العالم بعد من مشاكلنا
وصج لي قالوا العرب حدهم جرب
_______________________
مجرد سؤال
لي متى قوى الفساد تشتغل لتخريب الديرة واحنا ما عندنا الا الحجي والهذرة؟
متى بنتحرك على أرض الواقع؟
_________________
تحديث
وزير دفاع مجلس دول التعاون الخليجي
الشيخ أحمد الفهد في تصريحه النكتة
بديل خليجي عن درع الجزيرة
والله مساكين دول الخليج جيوشهم ما فيها الا جم جندي ونصهم ما يحملون جنسية خليجية وذابحينا درع الجزيرة ودرع الرقية
يا يبه سووا نفس سنغافورة وهونغ كونغ اللي ما حماهم عقب الله الا الاستثمارات الأجنبية وفكونا من شراء الأسلحة اللي تصدي بالمخازن ووجهوا فلوسها حق التنمية أحسن وماكو مانع من جيش رمزي
24 comments:
اول شي انا فتاة الجبل والبراري والهضاب*_^........خخخخ نهاااشه
انا بنية الكويت وتهمني مصلحتها ماني سياسيه ولا شيء بس بالكويت اي واحد يقدر يتفلسفف بكل شي
""نعرف في كلووو""
حكومه ضعيفه
شعب غبي.......لانه ما يفكر
نواب حراميه.......محد داري عنهم ويسون اللي يبون
صراااااااااااحه مقال عجيب بكل بساطه وبكل دقه وبكل ذكاء فسرت الحاله اللي حنا فيها
ونفس الاشياء اللي احس انها سبب تخلفنا وضياعنا في مجالات وااجد.
انا ودي يطيحون القروض لانه ابوي عليه قرض ^_^ بس اللي يحب الكويت ما يرضى انه كل من هب ودب ياخذ قرض وتجي الدوله ادفع(انا مع مساعدة العسوريين.......ومع ذلك الباقي بيقولون حنا من كثرنا طيحوها وخلاص..صراحه موضوع مشربك وانا ماني سياسيه بس شي يغث).........حتى وان كان خير ديرتنا زاااايد وزااايد وزااايد.....حنا نبي ديره متقدمه مانبي بيوت ومساكن وسوقه من اكبر الاسواق بالشرق الوسط مووووووو بس هذا التقدم
التقدم علم شعبك فهمهم ساعدهم وعيشهم برخاء وخدمااات سنعه........وانا كنا مثل ما قلت طماااااااااااعين وبس نبي ننزغ افلوس بس حنا معذورين كل شيء حولنا حببنا بالفلوس ........مادري شلون افسرها وصار هذا مجال تنافسنا
ناطرينك ياباششاا تعطينا الاشاره عشان ننطلق للواقع
:)
--
ano
آنا عندي قرض وأهلي عندهم قروض وهذي حال الدنيا بس اللي مو ظبيعي اهوا اسقاط القروض من غير أي داعي وآنا مع مساعدة المعسرين بس مساعدة المعسورين ممكن تكون من خلال مؤسسات حكومية قائمة ووجدت حق هالشي مثل بيت الزكاة والأمانة العامة للأوقاف
عيل ليش يتم انشاء صندوق للمعسرين ؟
وآنا هم مع الرفاهية الشاملة للوطن والمواطن بس هذي ما تكون الا بالتنمية المستدامة اللي ما تكون الا بالاهتمام بالصحة والتعليم والبنية التحتية والاهتمام بالانسان العامل المجتهد
سيليزيا
كاني دعيتكم
واذا أكو امكانبة للاجتماع فآنا على أتم الاستعداد
مو دايم بزياراتهم للكويت .. يقولون احنا استفدنا من التجربه الكويتيه
لازم يستفيدون منها بكل محاورها
اما على سالفه التحرك
فانا من ربع خلنا على الهذره
لأني مو شايف شي نقدر نسويه .. على الاقل في الوقت الحالي
لاتقولي انبطل ليتات السيايير
يا شي عدل .. يا مولازم
وانا ماني شايف شي بيدنا الحين
ناطرين اقتراحات البقيه
تلوموني إن حبيته ؟
:P
كلامك عدل يا فتى الجبل
بس مثل ما قال كويتي بلوقر
شنو بيدنا نسويه؟
ننطر لي الإنتخابات الياية و إن شاء الله خير !!!
كويت بلوغر
تبطيل الليتات آنا اعترضت عليه
همي وايد أكبر من جذي
سدرة
حبتج العافية
وآنا بعد أحبج
بس عاد مابي مغازل عشان الطبطبائي ما يزعل
وننطر الانتخابات الياية
اهم شي لاترفعون سلاح !
انجلوفيل
سلاح
لا يا معودة رحتي لبعيد وايد
التغيير ايي بالعزيمة مو بس بالسلاح
لا والله ما الومج يا سدرة العشاق :))
بالنسبه للتجمع قريب انشالله مثل ماقلتلك في بوستي بس انت زهبلي حالك ... بس اخاف سدره ماتخليك تغار عليك :p
:)))
انا اقترح انسوي سور الجزيره بدال الدرع
لانه على ما ينبني يبيله سنين وبدين ويمديهم يبوقون فيه مثل استاد جابر الله يرحمه
اشوف المغازل زايد عندكم اهنى
هههه
اعجبتنى جيش رمزى
هذا يصير اخو احمد رمزى؟
أخ ياخوي الفهد ماينطق بشي الا وراه بوقه....انت تدري العسكري يحط واسطات علشان يضمونه لدرع الجزيره؟؟؟تدري ليش المفروض انه مدة الانتداب شهر هناك بس قازره يتمرنون يومين ثلاثه ويمشون بيوتهم ومنها يكون خذا راتب دبل ومستحقات للمشاركه وهو مدوم يومين وباجي الشهر اجازه في بيتهم .....واخذ عاد مناقصات تموين,ملابس,معداة..الخ
وعلى طاري التحرك ضد الفساد :) لهمتني وطلعت بهالموضوع الي اتممنى انه تشاركوني فيه
http://alfintas.blogspot.com/2007/12/blog-post_09.html
تحياتي
جنك مسحت بالدولة عالخفيف
تذكر أن لكل شئ بديل .. إلا للبسمتي و التلدا ماكو بديل
هذا الأمن القومي و يجب أن نرفع مستوى المخزون الإستراتيجي من العيش الى 12 شهر تحسباً لأي طارئ
والله حتى انا اقول لازم ننقل نشاطنا التدويني الى عالم التطبيق
تكلمنا وايد
مهندس
على طاري استاد يابر
مادري ليش مسوينه
الرياضة وخربوها عيل ليش المصاريف
أكيد باب يديد حق البوق
براقش
ولد عمه
الفنطاس
عيل خلهم يسمونه درع البوق
الحارث
ليش انت شايف دولة أصلا؟
آنا مو شايف الا مجموعة قبايل
حلم
أكو
عيش كنتري أحسن
بوصالح
فوقه
درع الجزيره
وقت الصجيه حطوا خيمه وصخله
وتمر ولبن
والنص الثاني
يبارك للخطوة الايرانيه المجيدة
(: واللبيب
طبعا مو الكل
ولكن الوضع العام ونص إلي اعرفهم يقولون جذي
--
ضابط بالجيش يقول لو يصير غزو اول واحد انحاش
انت حسبالك الجيش الكويتي يقدر يصمد؟ الكويت كلها منطقة حرب
ويقول لو شبه الجزيرة العرربيه وتتبع آل سعود احسن
--
بالله هذا كلام؟
(:
يعقوبو
حماة الوطن أسود العرين
اهما في المحن نحشة لا تلين
Post a Comment