الديرة بحوسة ولوية...وهيصة وليصة
الوضع السياسي معتفس...والبلد من سيئ لي أسوأ بسبب كثرة استخدام الحق واهوا الاستجواب اللي يراد فيه باطل
وسط كل هذا معقولة ما فكر رئيس الوزراء ان الأوضاع تتطلب منه انه يقطع اجازته ويرجع للديرة
معقولة ناصر المحمد الاصلاحي ما فكر انه يكون بهالوقت بالديرة يساند وزراءه ويطمن الشعب
اهيا وحدة من ثنتين
اما ان الحبيب مو مهتم وهذي مصيبة
أو انه من المشاركين الأساسيين في مخطط نحر الديمقراطية وتكفير الناس بالدستور
___________________________
بعد المسرحية اللي ألفها وأشرف عليها طلال الفهد بانقلابه على قوانين الاصلاح الرياضي وادخال كرة القدم الكويتية في نفق مظلم
يانا دور أحمد الفهد رئيس الاتحاد الآسيوي لكرة اليد (الله يا كثر المناصب اللي عنده) اللي أشرف على التصفيات الآسيوية لكرة اليد واللي أسفرت عن تصدر منتخبنا لها ووصوله حق اولمبياد بكين...ولكن يا فرحة ما تمت لأن الاتحاد الدولي ألغى هالتصفيات وطلب اعادتها تحت اشرافه بسبب التحقيقات اللي انتهت باتهام الاتحاد الآسيوي برئاسة أحمد الفهد بالتلاعب بنتائج المباريات مع الحكام
آه يا عيال الفهد...واحد يرفع والثاني يجبس
وكله على حسابنا وحساب الديرة
___________________________
يا جماعة...الاستجواب الياي واللي على الأبواب بيكون حق الطويل وطبعا من الطبطبائي
والسبب العايلة المنكوبة (الله يرحمهم ويرحمنا معاهم) بالمبيدات
مو الوزير اهوا اللي قال حق راعي البيت العاقل البالغ روح أجر سرداب بيتك حق شركة تجارية
واهوا اللي قاله يرش المبيدات لحماية منتجات الشركة
واهوا اللي ما لف كل بيوت الديرة عشان يتأكد انها محتفظة بطابعها الأساسي واللي اهوا انها تكون مناطق سكن نموذجي
بس بقدرة قادر أصحابها حولوها حق شويخ صناعية ثانية
19 comments:
فتى الزغل
ياالله شنسوي
كسرت خاطري ماعندك زوار ولا احد معبرك ببلوقك
قلت اكتب عندك جود يفج عنك النحس شوي
نايم بالعسل الكتكوت
----
تييني حكة ببلعومي لي قلت اسمهم قطيعة تقطعهم واحد ورا الثاني
----
الله يرحم عيال العايلة اللي توفوا و الباجي يبون أرف
سدرة
نام بالهوى شاشي وانت ماتدراشي
المفروض راعى البيت يتحاكم
الضحك ان البيئه تقطها على الصحه و الصحه تبى تقطها على الشركه و المبيد اللى مستورديه عند شركه النخيل حق شركة المطاحن و لويه السالفه
و اللى ماتوا الله يرحمهم
الضحك ان قبل لا يموتون الطبيب يقول فيهم نزله معويه
ما درى ان تسمم الا لما جلدهم صار اصفر و حاشهم فشل بالكبد
خدامتين و ياهل عمره 2,5 و الثانيه 8
من ياخذ حقهم اذا ولى امرهم طماع و ماتوا بسببه
براقش
صار الانسان بدون أي قيمة
والفلوس أهم حتى من اليهال
فتى الجبل
حتى لو برد أشيبيصير نوابك ما راح 1)يسدوون حلجهم الا لما تمشي معاملاتهم بما فيها تجنيس أربوعم وبعد تعطيهم فلوس تعود على جذي الحكومة سادة الحنفيات هالمرة بالقطارة فلازم ربعك يسوون
استجوابات و ردح ؟
2) الفهد قروب عالة و علة الله يفكنا منهم كلهم بيوم واحد !؟
3) أذا راعي البيت جشع و طماع وما همتة صحة أعيالة ؟؟
دمت بخير
بس
على الأقل بوجوده نحس انه مهتم
الطبطبائي اذا مات بجلطه راح يقوم ولده ويحاسب الطويل على موتت ابوه
سيليزيا
يسويها عاد ويموت ونفتك منه؟:p
انا معاك بانه الطويل ماله ايد بالموضوع
لكن الوزاره صراحه يبيلها تنظيف شاااامل
وماراح يقدر يطول فيها اي وزير من كثر الاخطاء
طبعا نستثني المحيلبي عن الموضوع
يعني مثلا العايله مراجعين مستوصف ويقولونلهم كلشي اوكي
وشكله الطبيب معطيهم بندول ودوا كحه كالعاده
بالله هذي صحه بذمتك !!!!
تحياتي
ماشاء الله ستعش منصب
اهو يدري ان ماسكهم؟
الله يعطيه القوة بس:)
اما بالنسبه للعائله رحمه الله على من توفى منها
كلام الحق يعور
الابو ستعش الف غلطان
والمستشفى ماغلطو لما قالو تسمم
لأن الاطبه تعودو مايسوون تحاليل
وان طلبو الناس يأخرون الموضوع او يلغونه
بعدين هذا الطبطبائي له عين عقب ماعطى كلمه ان يستقيل يصرح بالجرايد بعد
مايندرى والله
حسبي الله عليهم
عند بيتنا في قطوه كلت من الزباله وماتت خل يستجوبون شهاب بعد
نبي الصج؟
حرام ما حدث للعائلة المنكوبة. وفاة طفلتين في عمر الزهور و خادمتين لا ذنب لهم. أعان العائلة على مصابها و فعلاً قلوبنا تتقطع حرقة و ألماً
و لكن و إن كان الظف حساس و المصاب جلل. ينبغي أن أشيد بما كتبت. فعلاً رب الأسرة يجب أن يحاسب هو و الشركة المستأجرة
كان هذا الأمر من الممكن أن يمتد لمنازل الجيران أيضاً
يتردد ان رئيس الوزراء
زعلان على اهله
احنا مالنا شغل
يحلون مشاكلهم كاسره ويعينون
المعوقين للتنميه من عيالهم
سفراء في الخارج
كما يحدث عادة
"""""""""""
فمالله
كويتي
اهيا فيها أخطاء
وان شاء الله تتعدل
بس يا ليتهم يصبرون على الوزراء شوية
سنعة
اهوا ما عنده شغل الا التصريحات
مهندس
بلوتنا فيهم بلوة
حلم
الله يعين لي صار الفلس أعز من العيال
أجار
اي والله
خلهم يعينونهم سفراء بره
عشان نفتك منهم
Post a Comment