وين حكماء الديرة
وين رجال ونساء البلد العقلاء
ضاعوا؟
والا تاهوا؟
وين راحوا؟
نايمين؟
مغيبين؟
شنو سالفتهم مع عدم مبالاتهم باللي يصير بوطنهم؟
نسوا الكويت؟
نسوا الأرض اللي احضنتهم؟
نسوا السما اللي غطتهم؟
نسوا البحر اللي من بعد خير الله عطاهم وكساهم؟
باختصار نذكرهم
ان اللعب بالدستور...وكسر القانون...وهدم دولة المؤسسات
ما يفيد
لا الأسرة
ولا الحكومة
ولا المجلس
ولا الشعب
وان احنا الزائلون
والكويت اهيا الباقية
26 comments:
صح لسانك
وسلمت يمينك أي والله وينهم :(
دمت بخير
بس
صح بدنج
عيني عليك باردة عزيزي كل يوم موضوع :)
طبعا لاتعليق على مواضيعك الثلاث , فقد كتبت مايجول في خاطري , لذالك اتفق معك بكل ماذكرت .
اما الحبيب فباعتقادي انه ينتظر "هوشة" الاطفال ان تنتهي "ويشوف اخرتها" معهم ثم سيتدخل ويحاول ان يصلح حال البلد وذلك باتخاذ قرارات ستغضب اشخاص من اسرته واشخاص معينة من الشعب , لكنها ستفيد الشريحة الاكبر من الشعب واتمنى ان تكون عادلة .
ويعطيك العافية
كلامك عدل و صح
بس اللي نبيهم يسمعون هالاسئلة غايبين عن الديرة بكبرها تبيهم يسمعون اسئلتنا ؟
اللي بعمان و اللي مسافر و اللي نايم ببيتهم و اللي بقلعة وادرين
والشكوى لله
علي
والله نتمنى انه ياخذ قرارات
حتى لو تكون جاسية
بس ان شاء الله تفيد الديرة
سدرة
من بعد العسر
ان شاء الله ماكو الا
اليسر
احنا الزائلون والكويت باقيه
صح الله السانك
يافتى الجبل
السلام عليكم
اخوي فتى الجبل , لما الواحد يكون حاط بباله ان الكويت عبارة عن دولة مؤقته وانها راح تزول ولازم ياخذ منها ويبوق كثر ما يقدر اهنيه المصيبة
لكن مثل ما قلت
الكويت باقية ونحن الزائلون
لك مني كل تحية واحترام
q8 disaster
صح بدنك
someone q8
تحياتي لك
للاسف موجودين و يتابعون الوضع وماتفوتهم فايته .. بس لي متى بيظلون ساكتين .. العلم عند الله ..
بس انا اتوقع والله العالم انه استجواب نوريه الصبيح بيكون القشه الي تقسم ظهر البعير و تعدل الاوضاع شويه الي كل مالها بالنازل
شي غريب ان ما في احد قاعد يتحرك منهم
والاغرب ان بعضهم قام يهاجم الديمقراطية ومثل ما قالوا عش رجبا ترى عجبا وصح لسانك على هالكلام اللي بالعظم يمكن احد ينقلهم راي العالم فيهم ويحسون
تحياتي والسلام ختام
صح السانك
لا الديره اهي الديره و لا الناس اهم الناس و صرنا مثل اللي يدور على اهله بوسط اعصار
بس بيجي يوم و يصحون
ربك كريم يحل كل هالامور
يا رب احفظ الكويت و اهلها من كل مكروه
عدل وياليت يحسون
وصح لسانك
ذكرتني بامير القلوب
قال نحن الزائلون والكويت هي الباقيه جان يحل المجلس حل غير دستوري
ويشكل لجنه تنقيح الدستور
يحليله
موجودين
بس شقول حسبي الله على الي كان السبب
وينهم؟
وهل لازال فيهم امل؟؟
الامل الوحيد معقود بأرادة الشباب
فأزدياد التشائم .. يزيدنا شوق في انتظار لحظة الانكسار التي ستترجم احباطاتنا الى فزعه لأنقاذ ما تبقى لنا من وطن!
موجودين بس للاسف اهما هالايام صارو اقليه يعني مهمها يقولون مايوصل صوتهم لمكان وطغو عليهم اصحاب المصلحه الي بس ياخدون و مستحيل يعطون
سدرة العشاق مالنا شغل بالي بعمان ;p
الخيلاء
الله يسمع منج ويتعدل الوضع
بوراشد
للأسف انهم قاعدين يستسلمون للأمر الواقع
بس ان شاء الله يتحركون
داركنس
اللهم آمين
سيليزيا
صح بدنج
حمودي
الدستور بالنسبة لنا حياة
والظاهر انه بالنسبة لهم موت
مهندس
لنا الله
مهندس س
يا علني أشوف اليوم اللي ترد فيه الكويت درة وتاج لنا وللخليج وكل العالم قبل لا أموت
مارشميلوس
أعتقد انهم مازالوا أغلبية
ولكنها صامتة
Post a Comment