والله صدقت يا سعد الفرج لما قلت انهم بيخلون الديرة امية طبقة
وكانا بدينا انصير طبقات...والا بذمتكم جم واحد فينا يقدر يشتري أرض حق سكنه الخاص بالديرة
جم واحد يقدر ياخذ عياله بره يعالجهم بسبب تردي الخدمات الصحية
جم واحد مو قاعد يعاني من ارتفاع تكاليف المعيشة
جم واحد يقدر يحط عياله بالتعليم الخاص بسبب سوء التعليم الحكومي
جم واحد ما يحتاج الواسطة عشان يخلص أشغاله
جم واحد ما قاعد يرشي عشان يمشي اللي يبيه
بحكومة ما تشوف الا ظلها
وبمجلس ما يراعي الا مصالحه
بنصير ألف طبقة وطبقة
مو بس امية طبقة
36 comments:
فتى الجبل
الغلاء حاليا في كل مكان عندك من الدول الخليجية دبي و من الاوربية اخذ لندن ؟
التعليم الصحة الوزارات اي شيء يمسكة مصري يخرب شوف التعليم والصحة قبل الغزو و شوفها الحين الفرق 180 درجة من بركات المصريين
الي لازم يصير نتحرك و بقوة المجلس بالذات لازم يعرفون احنا واعيين للقاعديين يسوونة و لا ما راح تنصلح الديرة ؟
كل الكلام اللي قالوه طنازة قاعد يصير صج و ياليت الشي الزين كل مالها الديرة تصير من ردي لأردى ... الله كريم
أنا بقعد بالسطح يهفنا هوا شوية أخاف يصير قمتة
نقعد فوق السطوح
:)
بس
يا ليت بايدنا نسوي أكثر
والله ما راح نقصر
سدرة
عقب شوية حتى الهوى بيحتكرونه ويبيعونه علينا
حامي الديار ملحمه صورت المستقبل بالديره والي يشوف الوضع الحالي كفلاشات ماره عليه وماهي الا مشاهد من هذي المسرحيه
ومن ناحية الطبقات احنا صرنا وخلصنا من زمان....يمكن عدينا الالف..
الفنطاس
صاج ياخوي
عدينا الألف
اول شئ جان زين انشوف نوط بو ألف
و ودى بالحداق و انا قاطه خيطى الى فوق
:)
يا فتى الجبل
قلت و ارجع اعيدها
سياسه الدوله انها تلهى الناس بامور معيشتهم علشان ما يلتفتون لسوء ادارتهم
و الكويت شكلها مؤقته بس ربى يستر مادرى الى متى
براقش
لي شفتي نوط بو ألف معناها عملتنا صارت نفس التومان
وان شاء الله الكويت تبقى لي قيام الساعة
مساك الله بالخير يا اخوي
سؤال يطرح نفسه في بداية التوظيف جم كانت معاشات الخريجين و جم سعر البرميل
لا نروح بعيد الثيمانينات
جم سعر البرميل ؟؟
كان المعاش للخريج تقريبا 450
والحين جم سعر البرميل؟؟
و المعاش؟؟
يبقى على ما هو عليه
يعني اللي قالوا كل شي بغلاء انا اوافقها بس ليش المعاشات ما حاشها هالغلاء؟؟
و بعدين الصحه لو يخلونها خاصه كلها و الحكومه تدفع تامين صحي للناس مو ابرك و اللي يبي مكان اغلى يدفع الفرق؟
و بالمره المدارس تدفع الحكومه لكل طفل قيمة تكلفة بالمدرسة الحكومية للاباء و تخصص التدريس كله
اتوقع احسن من هالهدر العام للاموال و البوق اللي اشكره
تسلم يا اخوي
ادري هذرت وايد اسمح لي
داركنس
المكان مكانج أفا عليج
الاخ فتى الجبل
شكرا على البوست
الكلمة هذي انا استخدمها من زمان
ومقتنعه فيها
الله يستر على الديرة
انا مع الاخت على نفسها جنت براقش
الديرة تتبع سياسة التلهية
والناس
ما شاء الله
مستانسين
ما في منهم الي يتحرك بجد
ومافي عدد كافي يقوم بوظيفتة باكمل وجه
الناس لاهية بالكماليات
وناسين الواجب الاصلي تجاه الديرة
وبعدين انقط اللوم على الوافدين
المصريين
والخدم
ونروح على موضوع ليش الديرة تصرف على الدول الثانية من اموال الشعب
وين المواطنين من مهامهم تجاه الديرة
الدول المتقدمة
ما تفرق بين المواطن والمقيم
ويفكرون باسترتيجيات بعيدة المدى
واحنا لما الحين نخطط لبكرة
كابعد مستقبل
الله يسهل ويوفق الجميع لما فيه الصلاح للديرة
يا رب
تحياتي للجميع
الله كريم :)
والحال مايدوم على وضعه مثل ماتغيرنا عن قبل بنتغير عن الحين
لابد من وقفه
واذا صارت طبقات افقد تصعد فوق تنزل ايه تصعد لأ
رواد المسرح الكويتي كان عندهم نظره ثاقبه للاحوال المستقبليه .. و كلها قاعده اتصير شوي شوي ..
بس الخلل فينا الي قاعدين نسمح لهم انهم يتمادون لازم نوقف وقفه وحده انعلمهم فيها انه احنا فاهمين وواعين و مو عاجبنا الي يصير ..
ترى محد يحفظ الشي الا صاحبه و الكويت مو اي شي .. شي غالي علينا .. و تستاهل منا انه نوقف بويه كل من يحاول يدمرها و يعثي فيها فساد ..
والله يقدرنا و نرد لو جزء بسيط من فضل الكويت علينا
جم واحد ما يحتاج الواسطة عشان يخلص أشغاله
========================
هذي الجملة تختصر الكل , لانك ماتقدر تعالج بره الا فيها
وماتقدر اتعلم عيالك عدل الا فيها
وماتقدر تسكن الا فيها
وماتقدر اتوظف الا فيها
انا ما اقول الا طز بالواسطة والمتوسط والوسيط
واسمحلي على الكلمة :)
ويعطيك العافية
وضع الديره من سيئ الي اسوء للاسف الشديد صارت الواسطه تحكمنا من غيرها ما تمشي امورنا ؛؛
الله يصلح حال الديره انشاالله
الله يستر عليها وتبدل حالها الي الافضل
يعطيك العافيه
كلامك صح
صح السانك
تعبنا ...
بحت اصواتنا
الى متى؟؟
الى متى بننطر .. ولله عشر سنين جدام اذا ما تعدل الوضع
الناس راح تاكل بعض
الله لا يوفقهم ..سرقوا البسمة منا
بالنسبة للغلاء
مو بس بالكويت
بالعالم كله
يمكن احنا حاسين بالوضع اكثر لأن الأسعار نار
والدخل اهو اهو ما تغير علينا شي
التعليم عوار قلب وشقا وتخبط وكل سنه لنا نظام يديد والضحايا هالطلبة المساكين
الصحة
آآآخ يا قلبي
زيارة وحدة لمستشفى حسين مكي جمعه تغنى عن كل الكلام
اثرت المواجع
والكويت ديرتى
اخ عليها
راحت فيها بين دلال وشاوي غنم وحرامي فحم
وربي لك الحمد
كل واحد ميود طاره ويردح من صوب
وعزة الله رحنا فيها
إنت جيك إن هذا كله بسبب غلطة صغييييييييييييييييييرة
بعواقب وخيمة... إسمها قصر النظر
ماني قايلة المثل الكويتي إحتراماً لحكومتنا-الله يخلينا لها
فراح أقول الأجنبي
you made your bed and now you have to sleep in it!
يا الله تطبق على انفاس الي كان السبب
قالوها اللي قبلنا يا عزيزي
الشق عود
لاحول ولا قوة الا بالله
تحياتي والسلام ختام
منال
وزين اذا فكرنا حق باجر
احنا تفكيرنا بيومنا وبس
سيليزيا
بس ان شاء الله للأحسن
مهندس
والله قاعدين ننزل
الخيلاء
موعدنا ان شاء الله الانتخابات اليايه
وكل واحد خل يقول اللي يبيه بصندوق الانتخابات...ويكون لصالح الكويت
علي
مسموح
صبا
الله يعافيج
اشراقة
صح بدنج
مهندس اس
بايدي وايدك وايد كل مخلص ان شاء الله ترد البسمة حق الديرة
اليوم بديناها بالنصيحة
وباجر ان شاء الله يصير العمل
زوزوتا
بنكسر الطيران على روسهم ان شاء الله
الزين
صاجة والله
سعود
ان شاء الله
بوراشد
لابد من حل
الغلاء مو مشكلة يا خوي فتي الجبل لان وضع طبيعي مع التضخم
لكن العبط بعيد عنك لما يكونون الاخوان ما يعالجون التضخم
على طاري البيوت
اليوم اذا تبي تشتري بيت لازم يكون عندك بالميت مليون دولار
يعني تروح امريكا تأسس شركة
وتشتري بيت فيه حمام سباحة وحديقةيسرح فيها الخيل
ومزرعة
وتعيش حياتك
بمقابل بيت مساحته 375 متر
مشاري
اي والله انشقينا يا مشاري
Post a Comment