الحرمنة والبوق بلوة...بس حراميتنا يحليلهم يبوقونا بس يخلونا نضحك شوية على طريقة بوقتهم
والله خوش مشروع....ليش؟
أولا
المشروع راح يساهم بايصال البث الاذاعي الكويتي لجبال الهملايا الكويتية وراح يساعد مواطنينا من سكان هذي الجبال الشاهقة بالاستمتاع بهذا البث (من حلاة الاذاعة وبرامجها عاد) طبعا ماعدا مارينا اف ام
ثانيا
نظرا لاتساع مساحة الدولة وامتداد صحاريها من الخليج للمحيط فان هذا المشروع راح يساهم بايصال البث لصحراء الدبدبة وصيهد العوازم ووادي الباطن علما بأن أقصى مسافة من شمال لجنوب الديرة اهيا قرابة ال300 كلم ومن الشرق للغرب قرابة ال 200 كلم...وبما اني قزيز ومستكشف عظيم (حتى سألوا سدرة عني) وأحوس بالديرة من مزارع العبدلي لي الوفرة ومن اللياح لي مركز الخباري ومن الجهراء لي السالمي والشقايا مرورا بالأطراف ومن خور عبدالله لي قاروه مرورا بفيلجا وعوهة ومسجان وكبر وام المرادم استطيع التأكيد لكم ان البث الاذاعي واصل حق هالأماكن من غير هالمشروع
ثالثا
اللي يبي يبوق خل يبوق بطريقة ذكية مو بهالطريقة الغبية يا حلوين...وللتعلم على أفضل طرق النصب والنهب والبوق ما عليكم الا أخذ دورة تدريبية بجريدة الوثن والفتن لصاحبها علي بابا
28 comments:
وااااااااااااااي من صجهم ؟
بذمتك جم يكلف ؟
اصلا حتى يوم يوم عدينا الحدود و دشينا السعودية كانت توصل ... العيارة شلون صايرة حمرة و لا خضرة ؟
استغفر الله
هذا تقدمنا ؟ هذا اللي قدروا عليه ؟
سليحط
قهر ودوني البحر
سدرة
اي والله حتى بالسعودية اطلعت
150 الف
شكله حرامي قنوع
مطقوق
يا معود آنا قنوع اكثر منه
ابي بس 100 الف
ههههههههه
صدقت علي بابا خوش مدرس :)
بس يوصل للجبال والله خوش خل البره يسمعون شايع و دغيشم وباقي الملاقة
خل يعرفون انه عندنا برامج وهادفة :)
بس 150 الف خوش بوقة مافيها شبهة :)
يا خوك مو بس إنت قزيز كلنا في الهوا سوا و ندري البث يوصل
يعني إحنا اكثر شعب بيوتنا خالية و شوارعنا متروسة خل إبوقونا بموضوع ما نقدر نبطل حقيقة بالقز في ربوع الكويت و هو الامر الاكثر فلاحا فيه هني بالديرة و حولها
على العموم بعمي بصيرتي عن البوقة مرة ثانية بسكر إذني بالسيارة و أقول صاجين ما يوصل البث
لان دام حطو عينهم على بوقة بسونها رضينا وإلا إرتضينا
شنو بيضمون جبل سنام واحنا ماندري ؟
والا بيسوون غزوة على ايران
الاعلام لا حسيب ولا رقيب وحسبي الله على وكيلها
هذيل خل يعدلون محطاتهم الموجودة اللي قاعدة تبث بنص طاقتها بسبب الاعطال وسوء الصيانة وبعدييين خل يتكلمون عن اذاعة متنقلة شدعوة بيفتحون المانيا ؟
علي
كلش مافيها شبهة
خاصة ان احنا تعودنا على بوقات بالملايين
أفضل طرق النصب والنهب
والله شر البلية ما يضحك :P
شهد
يا عل البوقة اللي تنخر بطونهم
حمد
لأ
ناوين يحررون التبت قبل الاولمبياد
منو ينسى
وأغباها
ما هقيتك جذي يا نهاش كلهم 150 الف خل بيوقهم حاسد الفقير على موتت اليمعه صج لي قالوا الرازق بالسما والحاسد بالارض اثاريك حسود :p
فتى الجبل
بعد مناقشة الموضوع ذاته في البيت تعالت الاصوات بتناقض الاجوبه
البعض قال يوصل البث
و البعض اكد غنا بالوفرة ما يقدر يسمعه
فانقل رايهم عشان ما أظلم بختي
و بالنهاية لست ضد اي تطير مهما كانت تفاهة السبب منه
بصراحة أحلا قناة إذاعية محلية هي
87.5
أما الباقي مجرد تفاهة و شغل زعاطيط و دلاقات في المجال الإعلامي
مهندس
حدي حسود وحقود على هالاشكال
شهد
آنا اقول لهم ان عندي جم يوز نعال لو يشترونها مني اكون ممنون لهم
عتيج
مافيها الا الاصوات
يا جماعة, كل المشاريع بالكويت تبدأ بميزانية صغيرة و بعد توقيع العقد تبدأ أوامر التعديل. فهذه 150 ألف راح توصل إلي مليون. الظاهر ما في أحد يسمع محطة الكويت فقرروا يسمعونها متسلقي الجبال.
غريبه
اشلون بقسمونهم علي
علي بابا والاربعين حرامي
اشويه
الدورة التدريبية لدى صحيفة سراق الوطن , مصدقة من الفرع الرئيسي لعصابة المافيا الأم في روما :)
السلام عليكم
ماشالله , الظاهر الكويت مساحتها قاعده تكبر واحنا مو حاسين فيها !!
بيييييه اجهزة عشان المناطق الجبلية !!!!
اشدعوه اشدعوه يعني وايد الخبر فيه برستيج حق البوقه بس تبي اشلون لا اتحط بذمتك اخوي فتى يمكن يمكن هالهمر هذا يطلع آخر شيء مستعمل مو يديد وبدون تاير سبير :))
انزين متى بيشترون باخره وبمناقصه مشابهه لمناقصة الهمر ؟؟
الباخره طبعا بتوصل البث الاذاعي للي بالبحر والجزر الكويتيه الممتده شمالا وجنوبا وشرقا وغربا ..
كما يمتد البث إلى شبه القاره الهنديه والتي يسعون لضمها للكويت وايران وباقي دول الخليج عن طريق البحر لا غير ..
خططططططططططططه خططططططططططه ..
ودام الهمر بيشترونه بــ 150 ألف بس ,,
فالباخره ما راح يزيد سعرها عن 20 ألف ..
كل ما كبر حجم الشي وزادت دقته وعدم الحاجه منه كلما قل سعر الصفقه ..
نظرية البوقات اليديده ..
تقبل مروري ..
kuwait
ايغل
تصدق عاد حبيت المقترح
لأن حس بمعاناة فتى الجبل
تدري آنا من سكان الجبال
صبا
لا هذا بس حرامي واحد
يكفيه حاليا ال 150 الف
محسد
حتى ملوت روما وصقلية انمسكوا
الا حراميتنا ما ينمسكون
someone
تدري..آنا عجبني المشروع
بشرط يعطوني الهمر شهر 12 اقز فيه بالبر
كويت
آنا سمعت ان عندهم مشروع فضائي ينافسون فيه امريكا
Post a Comment