النائب السابق خالد العدوة اللي كان يرغي ويزبد بالمجلس عقب فوزه اول مرة
واللي ما صرنا نسمع صوته تقريبا لما جدد فوزه بالمرات اللاحقة
هذا النائب كان امام وخطيب بالسابق...يعني المفروض انه انسان كان يدعو لعمل الخير وترك شرور الدنيا لكسب ثواب الآخرة
انسان يدعي التدين والخوف من الله...انسان مظهره الخارجي يقول انه تقي وورع
هالامام او الخطيب او النائب السابق او المرشح الحالي مادري شسميه مو اهوا كله داش ببعضه والدين صار سلعة وحيلة من له حيلة فليحتال
هذا الشخص وعقب ما خيطوا حلجه فتحه هالايام بتهديد الحكومة بالويل والثبور وعظائم الامور ان اهيا مست التعديات الغير قانونية على املاك الدولة....والحين آنا بسأل العدوة سؤال
دينك اللي كنت انت امام وخطيب عنه يدعوك لانتهاك الاموال؟
دينك اللي كنت امامه وخطيبه يدعوك لكسر القانون؟
اشخليت يا الامام حق الحرامية؟
اشخليت يا الخطيب حق النصابين؟
الاسلام يا امام وخطيب الاسلام منك بريئ...وانت من الناس اللي يستغلون الدين لمصلحتهم...وانت من الناس اللي يشوهون الدين
وكلمة اخيرة للحكومة
هيبة مؤسسات الدولة ضاعت لما كسرتوا القانون واهنتوا الدستور
واليوم هيبتها راح ترجع مع كل خطوة لتطبيق القانون واحترام الدستور
واصلوا عملكم لفرض هيبة القانون والدستور وبحزم ولا تلتفتون حق الخفافيش اللي ما يعيشون الا بالظلام واللي بدا فجر ونهار القانون يذبحهم وينهيهم...علما ان اي تراجع الحين عن تنفيذ القانون وبكل حزم راح يوصلنا حق نتائج اسوأ من اللي احنا كنا فيها
وفي الختام تبقى العزة من بعد الله للكويت وبس
39 comments:
ويه منجب
إن لم تستحي فافعل ما شئت
ماخذين اللحية الطويلة والدشداشة المقصقصة ستار لهم والدين منهم براء
سدرة
مالوم الاوروبي والامريكي لما يشككون بدينا بسبة هالاشكال
بئسا للعدوة و أمثاله...تبا له و لأشكاله
في السابق كنت أحترم هذا العضو على طرحه الجرئ و لكن يبدو إنه مجرد لسان يستخدمه لدغدغة مشاعر الناس حاله كحال العضو "البعاري" مسلم البراك
"علما ان اي تراجع الحين عن تنفيذ القانون وبكل حزم راح يوصلنا حق نتائج اسوأ من اللي احنا كنا فيها"
يعني مثل عدنان واحمد!؟
انت من تناشد؟ الحكومه؟ ليش هو فيه حكومه؟ فيه مجموعة من كبار الموضفين الحريصين على مصالحهم كما اختارهم المُوضف لهم.
خلك من الوزراء... ما ينفعونك.
خل ينفعون نفسهم اول
عتيج
من اول ماحترمه
لايعة جبده
احاجي اللي يقدر ينقذ الديرة
ما اقول إلا
سكلتك امك ياخالد العدوة
(:
صح إلسانك
شفت هالخطيب المفوّه
مرة يانى الدوانية خليناه يدرو النحشة عبد ما تبلعم وقام يقط خيط وخيط
الله يكتب إلي فيه الخير،،
واتمنى ان يصول اعضاء شرفاء للمجلس،،
وما أدراك ما العدوة
أنا شلته من الحسبه مبطي
قلتها انت... "خيطوا حلجه"ء
والباقي كلام فاضي
الله يعين :)
تحملوهم تحملوهم
العدوة اليوم متأسلم .. لذا لا حرج عليه
ندعم الحكومة
اليوم يصرخ ويصرح ضد الحكومه ..
وباجر يرجع حلجه ينخاط مثل ما انخاط قبل ..
الله يعينج يالكويت شكثر متحمله ناس منافقين ..
يعطيك العافيه ..
تقبل مروري ..
kuwait
مادري ليش استانس عليه لمن يتكلم لكن للاسف
مكانه مو بمجلس الامة مكانة المفروض كمبارس بمسرحية على جناح التبريزي !
http://www2.gsu.edu/~polmfh/database/DataPage233.htm
خوش ولد
السلام عليكم
اخوي فتى العيب مو فيه العيب باللي وصله لي هالمكان وكل مره يوصلونه المجلس , وعلى فكره تره مو واقفه عليه اهوه بس , ما اقول الا اللهم احفظ هالديرة من كل خبيث ومتخابث يا ارحم الراحمين
المشكله مو بالعدوة ولا غيره
المشكله باللي مازال يشوف الديره ارض
وبس
مو وطن
اللي يشوفها ارض
يمد ايده على كل شي
ويسوي كل شي بالقانون ومن غير القانون
واللي يشوفها وطن
يحافظ عليها كأنها امه او بنته او زوجته و اكثر من جذيه
وانا بساله سؤال بعد وسؤالي برييييييء خالد العدوه اتعرف جهيمان ؟
إسأله عن تركيا و راح يقولك السبب
:)
العدوة صاحب الصوت الجهوري و مزلزل الأرض من تحت الحكومة
بادل السلطة لسانة بقضية أخوه المعروفة
تحياتي
راح العدوه
باي باي
نتائج فرعية العجمان بالخامسه
--
محمد العبيد
عبدالله بن شرفان
محمد الحويله
عبدالله البرغش
http://kuwaittoday.blogspot.com/
البلا مو فيه
البلا فياللي وصله مجلس الامه
!
فتى الجبل
أذا أحد شافة ولي يسلمكم يسالة عن موضوع تركيا ؟؟
دمت بخير
أشعليك أشعليك فرعية العجمان قالت ولا أخليها بخاطر نهاش وسقط العدوة
بس إلا بقولك شلون الفرعية تمت
مو قلنا حكومة توني عرفتك زين تلعب على الحبلين ؟
اتهقى ليش ساكته الحكومة ؟
فكر وجواب صح
من حر ما فيك وفينا
هالنواب ايبووون الصداع والمغص والقولون :(
الصراحة ملخته
:)
احلى سطر اخر سطر
تسلم ايدك
:) كلهم جذي
لو بقول لك عن التعديات والبوقات اللي صارت من تحت ايد اخوه بالكي او سي
تكره حياتك
بوق علني والناس تشوف وساكته
صارت شركة نفط العدوة مو الكويت
خلها على الله
الله يصلح حاله ولو دامت لغيرك ما اتصلت اليك
وفي الختام تبقى العزة من بعد الله للكويت وبس
ـــــــــــ
:)
وينك يا يبا عسى ماشر
عسى ما شر مختفي؟
Where r u man !!
شكرا لكل من شاركني التعليق
ميخالف بطيت عليكم
من اليوم لي 17/5 راح تكون هناك بعض الزحمة الانتخابية
سامحوني
فتى الجبل
الصراحه بيض الله وجهك والا اقصد سود الله وجهك .... انت مثال حي وواضح للانسان "الامعه" ...الامعه اللي يقلد ويردد اللي يقولونه الناس وهو ما يدري ولا يعرف صحه هالاخبار اللي تنشاع ... ترى الكويت اكثر دوله بالعالم تروج فيها الاشاعات واللي يروجها ناس نكرااااااااااااات مثلك ومثل اللي مأيدين كلامك تعرف شنو يعني نكره يعني مسكين بس يبي يطلعله صوت فاستانس على البلوغ عشان الناس تدش وترد عليه .... خالد العدوه رجل عليه ديون واقساط مايعلم فيها الا المقربين منه بعد الله سبحانه تجي انت وتطعن بالعالم وين قاعد!!!!!!.....ابي افهم شلون اسرق ويسير علي ديون شلون ....بس انا ادعي الله اللي ما تنام عينه انه تكون في ذمتك يوم القيامه وكل من طعن فيه وتحاسب على تشهيرك بالناس بغير حق وبغير علم امين امين امين
Post a Comment