كل دول العالم المتقدم والنامي...الغني والفقير تحترم تراث البلد
لأنه يعبر عن تاريخ وحضارة مرتبطة باوطانهم
وفي احيان وايدة يشار للبلد برمزه التراثي مثل الاهرامات بمصر وسور الصين العظيم والكلاسيوم بايطاليا.....الخ
وفي بعض الدول يجبر ملاك بعض العقارات التاريخية بعدم هدمها او اجراء تعديلات كبيرة على العقار الا عمليات الترميم مع انه ملك خاص...لأن التاريخ يجب ان يصان حتى لو كان اسطورة مو حقيقية
الا احنا...احنا برعنا وبدعنا بهدم ومحو معالمنا التاريخية
بذمتكم جم واحد فيكم يدري وين اهيا المطبة والا حتى يعرف ان اكو شي بالديرة اسمه المطبة؟
ليش تغير اسم تاريخي مثل الدمنة وصار السالمية؟
وام الهيمان اللي تسمت بهالاسم بسبب الام الهيمانة ليش تغير اسمها؟
ليش انهدم بيت الخضر بفيلجا بالوقت اللي كان من الممكن اعتباره موقع تاريخي؟
وقبل يومين فقدنا اسم عزيز علينا اهوا المسيلة بالوقت اللي احتفضنا فيه باسماء صح انها تمثل العالم المحيط فينا بس الاولى ان احنا نحتفظ باسمائنا الكويتية...ليش ما نغير اسم منطقة حطين مثلا...او اشبيلية؟
ليش كل الاسماء اللي غيرناها تمثل تاريخ الديرة واهلها؟
تاريخ عمره 300 سنة نهدمه ونمحيه من الوجود...والله حرام
حتى سور الكويت اللي حمانا بعد الله بيوم من الايام شوهناه
ويا خوفي بيوم ننام ونقعد ونشوف البوم والبحر اللي بشعارنا تغير
يا خوفي بيوم ننام ونقعد ونسمع ان اسم الكويت كله بكبره تغير
في العادة الطبيعية ان الاشخاص يكونون بخدمة الدولة
وعندنا للاسف تكون الدولة بخدمة الاشخاص
60 comments:
لأن تاريخنا طلع قلطة و مزايين إبل
أثرك مو كويتي .. ما تعرف
شقول شحجي
خل يتحجون نوابنا كلهم ( واولهم الليبراليين و المتأسلمين و الشيعة و البدو) علامهم صاروا طرمان وينهم هذا وقتهم هذا الشي الوحيد اللي كلنا مشتركين فيه و اهوا تاريخنا
ولا ابوي ما يقدر إلا على امي ؟
يبا تاريخ دولة و تراثها شنقول حق عيالنا باجر شنو نوريهم شنو نعلمهم ؟
انا وحدة بتم اسمي المناطق باسماءها و مالي شغل بأحد و اللي مو عاجبه يرقع راسع بأكبر طوفة و الله ما كثر إلا الإطوف بهالديرة
انا الحين قمت اشك ان السرة مسمينها على سرة احد الشيوخ والظهر على ظهر واحد منهم بعد ! , يمكن عشان جذي للحين خلوهم
مايندرة متى بنصير مثل السعودية او الخليفية !!
شنو تقترح يحطون بدال البووم والبحر في الشعار؟
حلم
لا والله
آنا مثل السمجة
دوم بالبحر
سدرة
اللي اشوفه ان احنا قمنا نرقع راسنا بالطوفة
حمد
جريب هالشي مو بعيد شكله
صلاح
بدل البوم والبحر
هم بوم وبحر
تغيير الأسامي شي مقرف
مطقوق
ويا ليتها يا بوسلمى اسماء عادية
ياخوي هذي الاسماء تمثل تاريخ ديرة عمره 300 سنة
لو يسمون منطقة جديدة احسن، لكن اغير اسم منطقة عشان كان يسكنها .. هني الخطأ.
ولا شنو الفرق بين عبدالله المبارك ومبارك العبدالله ؟ ولا اقولك اي واحد فيهم مشرف والثاني غرب الجليب ؟
شفت شلون ضيعونا :)
أيام دراستي بأمريكا, كان عندنا منطقة سياحية تجارية فنادقها من طراز الخمسينات والستينات. بغوا يهدمون فندق للتجديد..قامت الدنيا عليهم والناس تظاهروا لمن هونوا عن الهدم.
هني الفرق.صاحب العقار ما راح يسأل عن تراث أو عماة عين, اللي يهمه راس ماله والربح.لو الناس تبين شوية إعتراض على اللي قاعد يصير,كنا حافضنا على تراثنا.
أما إذا بنعتمد على الحكومة والمجلس البلدي, راح نصفى على بوابات السور مكان تجمع للهنود
آز يو لايك
ضيعونا وبس
الا شوهوا الديرة
آنا كويتي
وهذا اللي صار
دوار الشيراتون اللي فيه احد البوابات كله هنود
طبعا هناك من يريد مسح تاريخ الكويت و أكيد هم أللفو و أيضا يريدون مسحنا نحن لكي يخلوا لهم الجو و ينهبوا خيراتنا كلنا. تعال شوف الأحمدي, تاريخها كله أنهدم و صار مواقف سيارات. و الدور ياي إلي أخر مكان تاريخي في الأحمدي و هو مسرح الكويت الصغير. أول مسرح في الكويت. مادري ليش الحكومة سامحة لهم.
في أحد عنده خبر إذا بيغرون أسم الأحمدي؟ تكفون قولولي.
اللي ما لة اول مالة تالي
وشكلنا واضه ديرة من غير تالي
وانا مو باط جبدي إلا جنوب السرة
عاد هذا إسم
عييييييييييب
سود اللة ويهم
مهما تغيرت الأسامي .. يبقى ناس مثلك وشرواك تحافظ على التراث وتدافع عنه .. الله يكثر من أمثالك يانهاش :)
يكفي انك محافظ على هالاسم لووول
يعطيك العافية وتسلم ايدك :)
لا فالحين بالمحافظه على التراث ..
ولا فالحين نمشي لجدام ونتطور ..
بالله هذي حاله ..
ديره واقفه مكانها مثلنا ماكو ..
وحتى لما نمشي خطوه لجدام نمشيها نحو الأسوء ..
وعلى طاري الأسامي ..
فرينا على العالم العربي ما غير نسمي عليهم ..
زين اشدعوه عاد كلش دروا عنا مسمين على عاصمتهم منطقه عندنا والا شارع ..
خل يستريحون ..
تقبل مروري ..
kuwait
شنو يعني الدمنه ؟؟
أخ ييت عالجرح
والله هالشي معور قلبي :(
و الله زين ما قلت
و الشكوا لله
الله يستر من اليوم الي تصير فيه منطقة دعيج الخليفة
كل اللي كنت بقوله لقيته بتعليق حلم جميل بوطن افضل
وعندنا للاسف تكون الدولة بخدمة الاشخاص
هذا اخصتار الموضوع كله :) ...
ليش ما نغير اسم منطقة حطين مثلا ؟؟
اذا يبون يغيرونها راح يسمونها طحين ...ماكو فايده ...!!
الرجل الجاهل افضل من المتجاهل...!
زورونا :)
http://mriobjection.blogspot.com/
السلام عليكم
اخوي فتى الجبل مو الاسامي ببلاش والتاريخ ببلاش بلا قيمة
فا عندهم كل شيء ببلاش
شفيك ياخوي
الحين الاغلبيه يسعوون ورا التغيييرر
وغير تعش وتخلى ديرتك مزدهره بس بتخلف
ياخوفي ايي اليوم اللى يشيلون فيه الابراج
مو ما خلو شي الا وهدموه
اجاوبك على سؤالك واقولك مادري اعتقد اذا ما اختلطت علي الأمور بسنة1975, وبالنسبه للموضوع هذا بالضبط اللي انا لاحظته ان للاسف احنا عقليتنا خاطئه وسلبيه ولنا نظرة غبية للتطور عبالهم التطور بهالصوره ليلحين موقادرين يفهمون التطور شنو
شــــــــي يغـــــث الصــراحه !!
ويعــــور القــــلب
ويكـــــدر الخــــاطر
بـــس خـــلص تاريخنا شبقى بعــد @@
مصــخوها لي متــى يعني بنســكت :S
بـــس ما عــندي شي أقــوله
يعطيــك العافيــه أخــوي :]
وعســاك على القــوه
في سنة من السنين قال لي احد المسؤولين السابقين في المتحف وهو مليان بالحسره ان اثناء عمليات حفر لاحد المشاريع تم العثور على "آثار" تاريخية وبعد انتباهه للموضوع تم منحه ثلاث ايام فقط لأخذ الممكن انقاذه من الآثار. قام بهذه العمليه بيديه وبعض العمال المدفوع لهم من حسابه الخاص والبقيه التي لم يتسعه الوقت لانقاذها كان مصيرها الحفارات والاسمنت!1
حرص الدوله واضح بالتسميات والمحافظه على ملامح الدوله (السور والبوابات) والفرجان ووو
ترى يضحكون علينا لما يسمعونا نتكلم عن الدوله والمصلحه العامه وحبنا لديرتنا
---
الله يسامحك اخي العزيز حلم جميل بوطن أفضل
على كثر ما هم "مفشلينا" ما اتوقع هذا الاسلوب من حبايبنا الفاهمين والمثقفين
اي والله يا فتى دمروا التاريخ
7ayakom allah eb my blog .. this is my first post atmana ena ya3jebkom :)
شتبي بالتراث ؟
دام ان شيوخنا موجودين شنبي بالتراث شيوخنا هم تراثنا وها خوتي ها
ليش يا اخي
كا فارس صارت ايران
!
شنو يعني جنوب السرة
؟!
كتبت مرة بوست فيه صورة عن عن اسم مشابه زعلوا علي
اة يالقهر با ولد الديرة و يا حمودي. كلش ماعندكم مانع من مسح تاريخنا
لأنهم يعتقدون ان الأسامي ببلاش وما لها معنى ولا مغزى
ما ادري ليش الناس تستعيل بالتعليق
سباق
!
ايغل
الحكومة اهيا احد الاطراف اللي قاعدة تمسح تاريخنا مسح
حسافتج
اي والله يفشل
بس زين غيروا اسمها حق الشهداء والصديق وحطين والسلام والزهراء
مع ملاحظة ان ولا اسم فيهم كويتي
ثينكر
ويعافيك
كويت
لا
فالحين بشي واحد
البوق
حياتي
مادري
بس لو مو شايلينه جان عرفناه
بو تشخيص
لا يبه سلامة قلبك
فويس
الحالة عوية
سعود
ساعتها بنتحر
براك
اي مو القلوب شواهد
اوبجكشين
اكيد بنزورك
someone
واهما كلهم بكبرهم بلاش
شيماء
هذا حد فهاميتهم
الدنيا
بيحطون بدالهم الاهرامات مثل ما كان بيسوي حسينوه
عايشة
للاسف احنا متعلمين
بس نفتقد الثقافة
والتطور ما يكون الا بالعلم والثقافة
يو تيرن
الله يقويك
لايعة جبده
طول عمرهم يعتبرون الكويت دولة مؤقتة
موك
ما بقى الا يغيرون اسم الدولة
فهد
اهلا وسهلا فيك بعالم المدونات
حمودي
نفس العقلية مالت ها خوتي ها
ولد الديرة
جنوب السرة؟
عادي يعطونك درس احياء على ارض الواقع
ايغل
قصدهم يتطنزون على الحكومة المجيدة
محسد
وياليت الاسامي اليديدة حلوة
ولد الديرة
المسامح كريم يا يبه
غلطة مو مقصودة
Post a Comment