آنا ومن بعدي الطوفان

لنك

شنو يعني اعلان جمعية المهندسين؟

هالجمعية اللي المفروض انها تضم ناس متعلمة وفاهمة ومثقفة

يعني ان عشان اقرار الكادر فالاخوان ما عندهم مانع من دعم مرشح طلع لنا من رحم الفرعيات

يعني ان عشان اقرار الكادر فالحبايب ما عندهم مانع من دعم مرشح عادي بالنسبة له رشوة الناخبين

يعني ان عشان اقرار الكادر فالجمعية ما عندها مانع من دعم مرشح مسنود من قبل سراق المال العام

يعني ان عشان اقرار الكادر فاهما ما عندهم مانع من دعم مرشح كل همه صرف المال العام على اسقاط قروض سعى المواطن لها بحر ارادته وعدم توجيه موارد الدولة على التنمية المستدامة

يا جمعية المهندسين

الحق ما يعني اني احرق الاخضر واليابس

الحق يؤخذ بالمطالبة المسؤولة وبالحفاظ على الدولة

الحق ما يعني اني اقول آخذ حقي وطز بالديرة

الحق يعني اني انتخب الانسان الواعي اللي يحافظ على حقوق الدولة اللي اهيا حقوق المواطن وياخذ لي حقي عقب

اما اني ادعم اللي وصل بفرعية واللي يرشي واللي ما همه الا نهب الدولة بمشاريع فردية انانية غير تنموية بس عشانه وعدني بكادر حقي فهذي قمة الجحود بحق الدولة واهلها

وآنا متأكد ان المهندس والمهندسة ابناء الوطن ما يرضون بهالاعلان المسخ والمشوه لآرائهم