تعني ان احنا لا طبنا ولا غدا الشر
ولكن ما زال هناك بصيص امل بالآتية اسماؤهم
عبدالله الرومي
عبد الواحد العوضي
حسين الحريتي
حسن جوهر
مرزوق الغانم
محمد الصقر
علي الراشد
محمد العبد الجادر
صالح الملا
عادل الصرعاوي
احمد المليفي
احمد السعدون
روضان الروضان
مسلم البراك
واكو ثلاثة محسوبين على السعدون من المجلس السابق ما راح احطهم لأن واحد منهم نجح بالفرعية والاثنين الباجين فضلوا حزبهم على الكويت
اما خلف دميثير فاهوا على المايه
وين ما توديه يروح
56 comments:
ما تبشر بالخير ياولد عمي
انا حدي متشائمة
و قميظة عل اسيل العوضي والله
الله يحفظج ياديرة هلي
سدرة
مكانك راوح
اتفق معك بكل ما ذكرت
ومع كل اسم كتبته
...العوض ولا
:(
الي قاموا بالفرعيات
والطائفيين
والي صوتوا ضد المرأه
ومن قاموا بشراء الاصوات
للاسف فازوا؛؛
والحمدلله نجح الملا ؛ والروضان
وحسافه علي اسيل
:(
ضاق خلقي عليها
حسن جوهر نزل في قائمه مع الاثنين الذين ذكرتهم
واعلن انه لن يكون ضمن التكتل الشعبي القادم
والله يا فتى الجبل الي يبيع اصوات بعمره ما يبشر بالخير!!
انشالله يطلع من وراهم شي...ما نفقد الامل
على قولتك في بصيص أمل
واضح ان الناخب عاجبه الاداء الردي ل'بعض' النواب السابقين فمصر يطلعهم اما لانه من ربع مع الخيل يا شقرا و لا من ربع نفسي نفسي ولا ترا أغلب الناخبين مو قاصرهم الوعي السياسي
قائمة الأسماء عجبتي ولو ان لي تحفظاتي على السعدون و البراك
و
تسلم ايدك
على هالنتايج
انا اشوف 4 سنين جدام .. ما تشجع كلش
:(
اللى صدمني
الدائرة الاولى !!
كنت متوقعه فوزهم لانه عقليه البعض
ليلحين " مُتبعه " للأسف
اتمنى من اللى انجحوا وضع رايه الكويت في أولى مداخلاتهم
الجميل بأن "جمال العمر" تقهقر الى حيثُ ألقت :)
ومن ذكرتهم حلوين، وهذي هي الديمقراطية علينا تقبلها كما هي، الشعب اختار....لاحظت اختيارات الشعب؟
ربنا يعين
انا واحد ماصوت ولا راح اصوت
متشائم اي متشائم
واوافقك بجملتك
"لاطبنا ولا غدا الشر"
والشعب ليلحين ماتسنع ويبيله تثقيف اكثر.
فتى .. شلونك ؟؟
بس أقولك متى الحل القادم ؟؟
:P
يبا ما صارت بصيص. صار لنا سنين عايشين على هالبصيص.ترى أنا واحد من الناس مليت وطقت جبدي وأنا عايش على بصيص.
إي والله... نبي ديرة نعيش فيها حالنا حال الناس.
برميل النفط بيصك الألف وإحنا لي الحين نصب ماي بتناكر.
نبي تعليم مثل الأوادم حق عيالنا.أنا مت وأنا أنق بهالفلوس على مدرسين خصوصيين.
نبي نستثمر طاقة شبابنا هالفالتوه والسبة ماكو شي يسوونه غير القز بالمجمعات والترقم.
نبي هالأسر الكويتية تستقر وتهيع في بيوت مثل العالم حتى تستقر بدل الرعصة في الشقق والمدخول الضايع على الأجارات.
نبي ندش بطولة قدم ونفوز بالكاس ولو مرة عشان نطلع عيالنا بمسيرة ونرفع علم الكويت ونقول لهم شوفوا شكنا نسوي قبل.
أبي هالناس عمية ما تشوف شقاعد يصير بالبلد والسبة أنانيتهم وإختياراتهم الدايخة.
يا فتى الجبل يا خو قلبي ما ودي أكسر مـجاديفك. لكن الطيور طارت بأرزاقها وإحنا مبققين عيونا وعلى الله وعلى هالبصيص.
أنا أقول حق اللي يتشكون ويتحلطمون من الأوضاع مني ورايح.... عساكم بهالحالة وأردى. وقلعتكم
وسامحوني
مخرجات لا ترضي الطموح ..
ولن نرى الاصلاح والتنميه قريبا ..
تقبل مروري ..
kuwait
إن ما خلوكم تصومون أثنين وخميس غصب ما أطلع أنا 5:20
مجلس طالبان
تبقى المعايير مقلوبة
متأمل خير يا خوي فتى الجبل من وراء عبدالواحد العوضي؟
والى الان يبقى توزيع الاتهامات والطعن بوالاء اتجاه الغير.
الله يعينكم والله
ما طبنا ولا غدا الشر
مبروووك لكل للجميع ..
عسى الله يسخرهم للكويت
تسلم ايدك :)
لن أزيد على تعليق صلاح غير
عمر حالنا ما راح يتغير إذا لم يتغير ما بنفوسنا. دام القلوب متروسة و الخناجر متأهبة للطعن ما راح نروح مكان غير الى الوراء
الله يعين الجميع مثل ما قال صلاح
نحن في الكويت لم نصل للمرحلة التي وصلت لها ديمقراطيات كثيرة في العالم وهي انك تصوّت للكتلة او للحزب بناء على برنامجه وادائه ككل .. وانما لا نزال نقيم اشخاص كأشخاص وهذا ليس خطأ لكن بعد اقرار قانون الاحزاب بإذن الله يجب ان يتغير هذا الاسلوب بوجهة نظري المتواضعة ..
العوضي والروضان شكو ؟
هذا نتاج نبيها خمسة
احباااااااط
وكسرة قلب
ثلث الاعضاء تقريبا أسلاميين :((
الشكوى لله ، هذة هي الديمقراطية
لايعه جبده
مع اني حدي متشائم
صبا
التغيير ما يصير بين يوم وليلة
كويتي
ياخوي
السياسة ماكو فيها عدو ولا صديق دائم
والتحالف مو بالضرورة يكون بالعلن
بوسعد
يبقى ان الحكومة اهيا الكتلة الاكبر
ولازم تلعبها صح هذا اذا كانت فعلا اصلاحية
فويس
للاسف ان الزينين مو مرتبين نفسهم عدل
واي مي
هذا ان تمت الاربع سنين
الدنيا
عشنا تحت ظلام المتاسلمين والردة الحكومية قرابة ال 40 سنة
ف اشلون تبين الوضع يتعدل بين ليلة وضحاها
اوثوريس
صح هذي اهيا اخيارات الشعب اللي اهيا صنيعة السياسات الحكومية التعيسة مع القوى المتاسلمة
بس لازم نواصل محاولات التغيير
راي
اذا انت ما تصوت وغيرك ما يصوت عيل اشلون يتغير الوضع
على العموم هذا رايك واحترمه
حياتي
تمام
مو بعيد
عطيهم سنتين
آنا كويتي
صح هذي اختياراتهم اللي لازم نحترمها على الرغم من اعتراضي عليها
بس لا تنسى ان التغيير مايي بين يوم وليلة
كويت
اهيا ما ترضي ما ترضي
بس بنواصل محاولات التغيير
5:20
مو عشان جذي بينحل
صلاح
ياخوي آنا والله ما طعنت
بس آنا وقفت ضد الطبطبائي لما فضل بن لادن على ديرته
ووقفت بالمثل ضد عبدالصمد لما فضل حزب الله على ديرته
اما العوضي فاهوا حكومي واذا كانت الحكومة فعلا اصلاحية فراح تيره معاها حق الاصلاح
ثينكر
آمين
حلم
خلك مني
اشلون بتنظف قلبك وقلبي من اشكال حدس اللي بكل لون يتلونون؟
اكو ناس ما تنفع المهادنة معاهم ياخوي
بوجويس
والنعم بوجهة نظرك
وازيد عليها ان احنا لم نصل لي درجة الدولة
احنا للحين مجموعة من القبائل والطوائف لا اكثر ولا اقل
حمودي
العوضي والروضان حكوميين
واذا كان ناصر المحمد اصلاحي فراح يحيدهم يا معود نحو مشروع الاصلاح
والغريئ يتعلأ بأشاية
اسيل
هذا نتاج حكومات تعيسة احكمت هالديرة
الزين
بس ما راح نوقف
بنواصل المحاولة لي نعدل الاوضاع او نموت
بس
هذيلي مو اسلاميين
احنا كلنا مسلمين
هذيلي متاسلمين يستخدمون الدين لمشروع دولتهم اللي راح نتصدى لها
الاسامي حلوه
بس يبي لها تنقيح
فيه ناس ممكن تنزاد
ولا يعني الدائرة الرابعة والخامسة ما فيها احد :)
وبعدين راجع اسم الروضان ترى مو راكب ويا الباجيين
بوجاسم
مسلم من الرابعة
اما الباجي ف آنا ماذكرهم لأنهم يوا عن طريج الفرعيات اللي آنا ضدها
اما الروضان فاهوا حكومي ويمكن الحكومة تيره معاها اذا صج اهيا اصلاحية
شنو تقصد يعني فيهم بصيص امل بس ما تبي تذكر اسمائهم ولا شنو ما فهمت
mmmmm
سجل مشاركه لا تعليق
فتى الجبل
برغم الإختلاف مع حدس فهم جزء من النسيج الوطني و لا يقلون غارية على الوطن من أي أحد ثاني
و لا الطبطبائي و لا عبدالصمد و لا أي أحد ثاني
إذا إستمريت بالتفكير بهذه الطريقة فلن تجد أحد معك سوى الصقر الذي يا ما طبل و زمر لصدام من أجل المال
هل هذا يعني أن لا نتعاون مع الصقر مثلاً
نظفوا قلوبكم يا جماعة الخير
ما اقول الا الحافظ الله يا كويت !
يبدو ان اسم " فيـصل المسـلم " سقط سـهوا
مـواقفه وعمـله بالمجلس السابق
ممـتازه
رجـل نظيف ولا يتكسـب من مـنصبه
وكافي إجماع أبناء الدائره الثالثه على إختلافهم وطلع الأول
ولـي تـحفظ على " محمد الصقر " وتفائل بالخير ولازم نعطيهم وقت عشان نحكم ولا نستعجل
سعود
مرزوق الحبيني نجح بالفرعية بس بالتاكيد راح ينضم للسعدون
عبدالصمد ولاري ماراح ينضمون للسعدون بالعلن بس اعتقد ان راح تكون بينهم تعاون بالقرارات
مهندس
رايك لي وايد مهم
ابي مشاركتك ورايك
حلم
ماعندي اي مشكلة مع اي انسان واقولها مليون مرة
مشكلتي يالحبيب مع الافكار
آنا ضد افكار حدس والسلف وثوايت الامة وحزب الامة وحزب الله والقبلية والطائفية
لكن ما عندي اي مشكلة مع اي انسان
بس على حجيك فيصير عادي خل الكل يعطي السلف والكل يعطي حدس
على حجيك ليش نسوي انتخابات اذا كل الجماعات فكرها على الكويت
حدس اخوان ومشروعهم عالمي مو بس حق الكويت
السلف مشروعهم الدولة الاسلامية بكل العالم مو بس الكويت
الاحزاب الشيعية الاسلامية مشروعهم عالمي لكل شيعة العالم مو بس الكويت
بالنهاية ارد واقول مشكلتي مع الافكار مو مع الاشخاص
وبالمناسبة ياخوي على حجيك هذا عيل امدح حدس ليش تذمها؟
جوفنتينا
اللهم آمين
آنو
اجذب عليك لو قلت لك اسقطته سهوا
بس بعد التفكير اوافقك الراي ان اهوا من افضل الموجودين بالمجلس حاليا مع اختلافي معاه فكريا مو شخصيا عشان مانفهم غلط بعد
Post a Comment