المحطة الاولى
اهديها لكل اللي دافعوا عن مستر هايف وعدم وقوفه للسلام الوطني وان هالشي قضية مبدأ
اوكي...زين هايف بو المبادئ ليش دش الانتخابات واهما اللي كانوا يقولون عنها انها بدعة من الغرب الكافر؟
ووين صاحب المبادئ لما دش الانتخابات الفرعية واهيا نعرة عصبية نهانا عنها الاسلام علما انه بالاسلام لا فرق لعربي على اعجمي الا بالتقوى...والا صارت المبادئ تنباع وتنشرى على حسب المصالح؟
ــــــــــــــــــــــــــــــــــــــــــــــــــ
المحطة الثانية
اعلان الحركة السلفية تغيير المادة الثانية من الدستور لتكون الشريعة الاسلامية المصدر الرئيسي للتشريع بدلا من كونها حاليا مصدر رئيسي للتشريع...فهل راح ايينا يوم لا سمح الله يطالبون فيه بالخلافة الاسلامية وطبعا راح يبررون هالشي ان ايام السلف الصالح (الخلفاء الراشدين) ما كان اكو دولة اسلامية وراثية؟
بعدين ليش الاصرار على تعديل هالمادة بالذات علما انهم يقدرون القيام بعملية اقتراح القوانين اللي يبونها خاصة ان الدستور ما يمنع هالشي؟
الموضوع عيل فيه ان كبيرة
ــــــــــــــــــــــــــــــــــــــــــــــــــ
المحطة الثالثة
بالسابق...بأيام العز كنا نستنجد بالمجلس لحماية الدستور والقانون والدولة
اليوم وبفضل السياسات الحكومية التعيسة والل كان هدفها هدم الدستور
صرنا نستنجد بالحكومة لحماية الدستور والقانون والدولة من عبث خمة المجلس
ومبروك لكل قوى الفساد السابقة والحالية نجحتوا باللي خططتوله
بس تأكدوا ان دوام الحال من المحال والليل لابد وراه نهار وشمس ساطعة تحرقكم ان شاء الله
50 comments:
انا ناطرة هالشمس الساطعة اللي بتحرقهم
سدرة
اي شورانا ننطر
يعطيك العافيه
كلام جميل
بس على قولة اخوانا المصرييين
امتى وفين ؟؟؟؟
ليه متى
.!!
الله كريم
آنو
دام ان السلطة بدا يحوشها الطشار
ف ابشر ان شاء الله جريب
منو ينسى
احنا اللي يبناه على نفسنا
فتى الجبل,
بالنسبة لموضوع تعديل المادة الثانية, فهي وان كان تغييرها اصعب من تعديل بعض القوانين -اسلمة القوانين-
ولكن تعديلها بيحل المشكلة من الاساس.
لأن اي قانون بالمستقبل ما راح يصدر الا بشرط انه لا يتعارض مع الشريعة.
اما بالنسبة لنظام الحكم في الكويت,
محاولات تغيير النظام كانت من بعض اعضاء مجلس 38
وبعض الشيوعيين امثال احمد الربعي -مجاهد ظفار-
يعني كما يسمى التيار الوطني.
اما بالنسبة للسلفيين فهم يرفضون اقل مقدمات وصور الخروج على الحاكم مثل المظاهرات ...فتأمل.
ما اقول الا حسافه على عيالنا الوطنيين اللى سقطو بهالانتخابات , وطلعولنا ناس غريبه عجيبه , طقة هايف وماشابه ,
حسافه عليكم يا فيصل الشايع, اسيل ,
معاذ ,
وطنيين وتحبون ديرتكم و نظاف , بس شنقول , الحظ قصر معاكم , والله قهر
السلام عليكم
هدي اعصابك اخوي الفتى
مو الكل ينادي بالديموقراطية ؟
هذه نتايجها , ليش متضايقين خصوصا ان السلف عندهم ان طاعة ولي الامر واجبة , لذا لاتخاف من ناحية الخلافة الاسلامية ما تتغير البلد والحكم لآل الصباح , بعدين شنو فيها لما تتعدل المادة الثانية من الدستور وان يكون الدين الاسلامي المصدر الاساسي للتشريع , ما يتغير شيء كل ومافيها ان اي قانون راح يصدر يكون تحت قوانين الشريعة الاسلامية , بيييه اشدعوة اخوي فتى لي هالدرجة خايفين من شيء اسمه اسلامي ؟؟ عاد مو لي هالدرجة واعتقد انا قلتلك قبل فترة عن قانون تطبيق الشريعة الاسلامية واللجنه المختصة وان قانونها تلاشى اي عقبات في كيفية تطبيقها :)
ادري صدرك وسيع تتحمل كلامي :)
لك مني كل تحية واحترام
يا فتى الجبل لا نبرر عمل محمد هايف غلط وغلط ومليووووووون غلط
ولكن لا ننزع حقه من ناخبين أوصلوه لكرسي البرلمان أن كنا نؤمن بالديمقراطية ..؟
المادة الثانية لست أعلم لماذا حديثكم للتو عزيزي المطالبه بها تعالت وبكثره من سنة 2002 و2003
جميل الحديث عن الدستور وجميعنا يريده لكن يا فتى كم وكم قوانين خالفت الدستور وعدت أمام أعين من تروهم حماة الدستور ؟؟؟؟
محمد الهايف .. أحد جوانب الديموقراطية المظلمة
وبن هايف اشلون راح يقسم على احترام دستور علماني وين المباديء
اي والله لي متى
أنت ومحطاتك الثلاثة فوق راسي واللة
بردت جبدي
المحطه الاولى
قال تعالى " واطيعوا الله ورسوله واولي الامر منكم "
والحبيب مارد على ولي الامر لما دش فرعيه يعني مو راد على شي خله يستريح بس
--
المحطه الثانيه
لو يناقزون ما راح اتصير اخذها مني :)
--
المحطه الثالثه
راح يسافرون بالصيف :p
--
انت الحين حاطلي بكل محطه فيزا سوها شينغن وخلصنا :p
ذاااااااااااااابحتهم الماده الثانيه .. دوووووووووده ببطونهم .. مارااح تتغير لو يناهقووووووووون ..
اما الاخ هايف ما يدري انه لابد من طاعة ولي الامر و هالشي يعني ما ينزل فرعيه ولا شيخ مطير ولي امره !!
قلبي قارصني من التشكيل الحكومي ... اذا باقر بيرجع اقول كدينا خير .... يعني ما في فالديرة الا هو ما تم وزارة ما مسكها ... من العدل و الاوقاف لي البلدية و الحين بعد التجارة و الصناعة .... الله يستر بس :(
شو بنا نعموول
.... اللي نعرفه انه الوقوف للسلام الوطني احترام وعرف وطني لهذا الوطن ,,,يعني مو كفر ولا عدم المخافه من الله تعالي لانه السلام الوطني ليس بكائن بل رمز وطني خل يفهمنا اين الحرام في هذا ...
وهذا الظاهر فيه والله يعلم من الخافي الي في قلبه؟؟
بوجبل .. الله يهديك مو عاجبك شي في الدنيا :)
هونها يا خوووي .. عط النواب فرصة شوي
مبدأ مين والناس نايمين ياخويا
اعتقد ان هايف غبي لدرجه غير طبيعيه وان بيحرق نفسه بنفسه
عسى :)
------------
لا اهمه يبونها مثل السعوديه ولا تنسى طاعت ولي الامر واجبه
لا اسمع اليديدة
يقول لك عدم وقوف هايف حرية شخصية
لا بالله افتر مخنا
بالنسبه لهايفما اعرفه!! لكن ان كان فعلا مثل ما تقول...فهذا قمة التناقض
وما تشوف شر......لو كنت متابع اوبرا وينفري الاسبوع الي فات جان لقيت العلاج الفعال للجيوب...
نسيت اسمه لكن اهي اداة شكلها جنها تحفيه وينحط فيها الماي و تستخدم في علاج الجيوب الانفيه...اسال عنها بالصيدليه
:)
تهويش أنتخابات !!
هذا الميدان يا السلطان
Q8 Chili
يبتها ييبه!
قمنا نستنجد من الحكومة تحمدي الدستور
ويحا قلبي
يقول الشاعر الفحطل
ان لم تكن لي والزمان شرم برم
فلا خير فيك والزمان ترللي
حياكم في لبنان اونس
تكفى محطة رابعه
بالأمس متهم صفر
واليوم وزير ودربه خضر
تكفى محطة رابعه
بو حسين
عيل ليش انشوف بن لادن اللي يفتخرون فيه واهوا يدعو للجهاد على الانظمة العربية ومن بينها السعودي؟
وليش الاحزاب السلفية ببلاد المغرب العربي تبي تطيح بالسلطة؟
للاسف حجيك مو دقيق
آنو
الوطنيين بكل مكان
بس مالهم حس
someone
واحنا ياخوي لا طالبنا بحلهم ولا انقلبنا عليهم
بس من حقي الديمقراطي اني انتقدهم
والاسلام احنا مو خايفين منه يالحبيب
احنا خايفين من اللي يحتكر الاسلام بوجهة نظره وبس
هذيان
اذا كان من حقه الخطأ
فالاولى ان من حقي التصحيح
اما التعديل للمادة الثانية فرجعنا له لانهم ردوا للحجي عنه
محسد
للاسف وصل بالفرعيات
غير جذي ما يوصل
موك
مو من ثوابت امته الجذب والاحتيال
واي مي
ليما احنا نصحى
حسافتج
تمون
تبي فوقهم برد؟
مهندس
لو علي بدون فيزا كلش
جوفنتينا
عينهم على شي ابعد من المادة الثانية
آنو
ومنو تكفه اللي يستاهل ويبي يدش مثل هالحكومات؟
اكيد الزين بيرفض
سيليزيا
مادري
صبا
تحيا العشيرة وبس
الحارث
ان غدا لناظره لقريب
حمودي
والله قمت اشك ان الحكومة اهيا اللي تبي جذي
سعود
والله لو امير قبيلته جان فزله وقام
بوسعد
اخاف من الطبيب وكل ما يرتبط فيه
كويت شيلي
النملة لي طلع لها يناح
دنى زوالها
فويس
شفتوا عاد
مشاري
لا يا معود
لبنان عطها جم يوم ويردون حق الهواش
هذيان
محطة رابعة افا عليج
هذا مصير وضع الديمقراطيه بيد اناس ما يعرفونها!!
اذا يبون يسبون ويفرضون رايهم قالو ايي هذي الديمقراطيه اللي تنادون فيها!! واذا الشي ما مشى على هواهم دخلولك الدين غصب يعني يكون يقوون الحجه
باختصار متاسلمين! انا اقول هالهايف مو كفو الجنسيه والمتاسلمين لو يروحون يجاهدون بالعراق وافغانستان ويفكونا من شرهم وايد ابرك
اشدعوه هامتهم الكويت عاد!
آنو
الكويت آخر اهتماماتهم
Post a Comment