أمس الأحد وبالصفحة الأولى بجريدة الجريدة قريت الخبر التالي...(ترقية طيار بالكويتية على الرغم من رسوبه في اختبار الطيران ..لا وبمباركة الطيران المدني)...انتهى الخبر اللي ان صح فهو كارثة
تأخير مواعيد طيران ...بلعناها
يكنسلون حجوزات علشان ربعهم...هضمناها
أكل مو زين...مو مشكلة ما ناكل
خدمة تعيسة...ميخالف نخدم نفسنا بنفسنا
طيارات وسخة...نتحمل
كراسي مكسرة...تهون
بس طيار غشيم...لا والف لا
لأن هذا لعب بأرواح البشر
وأرواحنا ما تهون على نفسنا
وبالتالي يا معودين صكوا هالمؤسسة التعبانة وفكونا منها ومن خسايرها...خاصة ان الاستهانة اوصلت حق أرواح الناس
16 comments:
هولاء يردون هدم الخطوط الكويتيه الجويه
لكى يخصصوها
وطبعا شركاتهم هم الاوفر حظا
الكويتيه لغز كبير
وحله عند بعض المنتفعين
يبا مو غشيم هو سقط بالصفطة بس ولا يسوق تمام
الوطنية للطيران حاطه عينها على
الكويتية يا بوشملان
عدل فريج سعود
عيل الريال مو غشيم
في ناس عندهم فوبيا طيران
الله يعينهم بعد قراءة هالخبر :) .
اذا اهو غشيم بالسفطة مو مشكله يركبون سنسر حق طيارته
والله يا حمد آنا ما عندي فوبيا
بس لو شنو ماركب معاه ولا بالكويتية كلها
مال تحرقهم والله
باقي يومين على انتهاء المقابلة مع النائب علي الراشد حيث سيتم اغلاق باب الأسئلة المختص بقانون الأحزاب المقدم من السيد النائب
للمشاركة
www.secularkuwait.net
اذا طبيب ناسي مقص فى بطن مريض ما ادرى شناسى
هذا عادى هم يذبحله جم واحد
شدعوة خلوه يتعلم
زميلي العزيز
هذا الخبر بمثابه صدمة لي انا من حيث كيف انه الكويت او شركة الكويتية ان توظف شخص رسب في امتحان الطيران
عفوا لكن سوف تكون الاحداث التاليه هدر لأرواح الراكبين و ايضا للناس الموجودين على الارض في اي وقت سوف تقع الطائرة و سوف تكون هناك خسائر بشرية تقدر بالمئات
لاعزا في الكويت
تحياتي
وعقب تطفيهم بنعال نيدية على قولة النفيسي الله يرحمه
عدل مطقوق؟
شكرا على التذكير يا الشبكة
يتعلم على روس القرعان مشاري
مو على روسنا
لا تستغربين سوكي
شخصيا أنصح كل عزيز علي انه يسافر
على طيران ثاني غير الكويتية اذا توفر هذا البديل
there is a nonsense reply from kuwait airways to this issue
http://www.aljarida.com/aljarida/Article.aspx?id=26760
and here is aljarida answer to them
http://www.aljarida.com/aljarida/Article.aspx?id=26758
unfortunately it's true and there is much more to that. i have more information about this if you or any of the other bloggers interested to post it, happy flying.
anonymous
thanks 4 ur kind information
Post a Comment