ها نحن عدنا ننشد الهولو على ظهر السفينة
ها نحن عدنا ننشد الهولو عدنا للمدينة
ها نحن عدنا يا كويت الى شواطيكي الأمينة
المهم لا يكون أحد فيكم نسى عيديتي
----------------------------------
كنت ماحب أروح جنوب شرق آسيا...أكلهم مادري شلون صاير وريحة وسخة بكل مكان ومو مرتبين...المهم ما كنت أحب أروح هناك
بس نزولا عند نصيحة الربع قررت أزور سنغافورة...هذا البلد اللي كان بسنة 1970 عبارة عن أكواخ من شينكو وفقر منتشر بكل مكان
وأرض صغيرة ما فيها موارد...بس بيوم قرروا يستثمرون بأهم مورد عند أي دولة واهوا الثروة البشرية...بعدين شنو صار وشنو شفت
صار وشفت دولة قانون...صار وشفت دولة أمن وأمان...دولة نظيفة وشعب راقي مثقف خدوم...دولة اقتصاد واستثمار...دولة تطوير ونماء وازدهار...شفت شعب يحب ديرته ويعطيها مثل ما انها تعطيه
رجعت الديرة وأول ما دشيت المطار تحسفت على درة الخليج وعلى اللي قاعدين نسويه فيها...للأسف احنا شعب بلا وطنية
وتمنيت لو يصير عندنا نص اللي صار بسنغافورة جان صرنا بألف خير
بس الأمنيات عمرها ما تصنع الأوطان
الأوطان ما تصنع الا بالأفعال
22 comments:
الحــــمد لله عالسلامة
نورت الكويت
خلك من التحسر على الكويت الحين اهم شي غيرت جو وانشالله استانست
عليك بالعافية
حمد
الله يعافيك
بس الكويت بالقلب ماتنسي
لا تقارن
المقارنه غلط صدقني
اهني الناس ماتسوي شي وماتبي غير اسقاط قروض وزيادات ومعاشات وفلوس
الناس تحب الكويت
بس الي مو فاهمينه انهم لازم يعطون مو بس ياخذون
الله يعين .. وحمدالله على السلامه
q8i
الله يسلمك
وين هالحب
نسمع فيه وما نشوفه
حمدالله عالسلامة
و الفال لنا انشاءالله
الله يسلمك
مطقوق
سنغافورة دولة قمة في النظافة و الرقي. غالية و صغيرة و لكنها تعتبر نموذج لللإصلاح الإقتصادي و التعليمي
ليتنا نحتذي بهم و ليت أحد يستذكر زيارة صاحب السمو قبل سنتين مضت. ماذا نقلنا منهم؟
طبعاً لا شئ
زرت سانتوسا و شفت أسد ميرلين و شريت بخور من اليمني في شارع العرب؟
حمدلله عالسلامه
اي والله عدل كلامك
سنغافوره احلى دولخ بشرق اسيا
من كثر ما اهم محافظين على ديرتهم
حتى عل مايصير تاكل عشان التقكر تقطه بالارض
ويلزق ويصير شكل الرصيف او الشارع وصخ
اااااااااااااخ
رحوا شارع فهد السالم وشوفوا الفرق
ويا فتى الجبل
ماكل مايتمناه المرء يدركه تجري الرياح بما لا تشتهي السفن
إي والله صدقت :(( بس الأمنيات عمرها ما تصنع الأوطان
الأوطان ما تصنع الا بالأفعال))
إذا ودنا نصلح شي بالكويت خلّونا نبدأ من أنفسنا وبعدين الدائرة المحيطة بنا "العائلة والأقارب والأصدقاء" وشوي شوي نلقى مجتمعنا كله أنصلح..مو من كبر مجتمعنا عشان نوصل لحالة اليأس هاذي إن شاءالله فينا الخير وإن ما كان سيكون بالجيل اللي يتربى على أيادينا :)
عموما أشكرك عالموضوع الجميل ..أول زيارة لي ولن تكون الأخيرة إن شاءالله..وحمدلله عالسلامه ;)
مساء الخير
باني نهضة سانغفوره هو رئيس الوزراء السابق ، خصص فصل كامل في كتابه الي دون فيه تجربته في نهضة الدوله ، محتوى هذا الفصل هو كيف جعل الناس تحترم نظافة الطريق و عدم البصق في الشارع .
اذا ذهبت قوة القانون في أي دولة فعلى الدولة السلام ، وعلى الكويت السلام .
حمدلله على السلامه
مواطن
حمدلله عالسلامة
نعم
البلا فينا
ما عندنا غير التحلطم
والا الافعال
ماميييييييييش
!
ألف الحـمد لله عالسلامة
عزيزي فتى الجبل
ابتسمت عند قراءة كلماتك ، فشخصياً كنت قد زرت في فصل الصيف أصغر بلدين في العالم و هما الفاتيكان و موناكو
ما شدني فعلاً بهما هو وجود هوية للدولة فالفاتيكان دينية و موناكو (مجازياً) تجارية :)
البلدان المتطورة و إن كانت صغيرة لا بد و أن لها هوية ، و نحن من ضمن ما نحتاج في الكويت هو إعادة تشكيل الهوية
دمت بود ...
حلم
اي والله يا ليتنا نتعلم منهم
اي زرت سانتوسا ونايت سفاري ورحت شارع العرب اللي مافيه ولا عربي واحد وكله هنود وما شفت اليمني اللي يبيع البخور
الحساوية
الله يسلمج
شعبهم يحب ديرته وايد
ساد
حياك الله بكل وقت وأتشرف فيك
دايما ان شاء الله بهمة الشباب نعدل ونصلح الكويت وان شاءالله ليلنا مايطول أكثر من جذي
مواطن
الله يسلمك
والله رئيس الوزراء هذا نموذج راقي حق اللي يبي يبني ديرته ويا ليت حكومتنا تتعلم
فانكوفر
الله يسلمك
المشكلة ان الزينين ساكتين ومو قاعدين يسوون شي ولو ان الزينين ينظمون نفسهم ويحاولون يغيرون الغلط جان تغيرت أشياء وايدة وأكبر دليل شباب الدوائر الخمس اللي خلا الكويت كلها توقف معاه
وحرك الحس الوطني داخلنا وفرض نفسه على الحكومة والمجلس
حمادو
الله يسلمك
أي بلد يقاس بانجازاته ومو بمساحته
الحمد لله على السلامه ولاتقارنا بسنغافوره
قارنا بدبي على الاقل
الله يسلمك براك
دبي ماشين صح
بس سنغافورة أصح
وبالتالي حبيت نتبع الأصح
الصراحة القوانين عندنا على الورق فقط
قوانين المرور، قانون النظافة...إلخ لحد الآن احتمال أي شخص يطلّع راسة من جامت السيارة ويبصق أو وهو ماشي يبصق، يرمي الأوساخ سواء من السيارة أو وهو ماشي...إلى آخره من قلت الذوق والأدب، وفوق هذا هناك تساهل كبير في تطبيق العقوبات إلاّ على بعض الأجانب واللّي ماعندهم واسطة
في إحدى الدول المتطورة إذا وقّفت سيارتك في مكان ممنوع الوقوف، شركة قلص خاصة تقلص سيارتك وتأخذ أرضية ما يعادل ثلاثون دينار كويتي عن كل يوم (اليوم من دقيقة إلى أربع وعشرون ساعة) ويوم الأحد تسكر الشركة
كويتي
والله يا ليتهم يطبقون القانون
بس يدرون ان أول ناس راح تنضر من القانون اهما الحكومة وربع الحكومة من نواب وقوى فساد
Post a Comment