تطبيق الشريعة الاسلامية حلم سلفي قديم
السؤال الحين
تطبيق الشريعة راح يكون على اي اساس...السني والا الشيعي؟
واذا كان على الاساس السني فهل سيكون على نظريات اخوان البنا وسيد قطب...والا السلف...والا السلفية العلمية...والا ثوابت الامة...والا حزب الامة؟
واذا كان على الاساس الشيعي...فهل سيكون على الاساس الجعفري...والا الشيرازي...والا السيستاني...الخ؟
علما بان قانون واحد بالكويت عفس الدنيا فوق تحت بين المذاهب ككل وبين ابناء المذهب الواحد الا واهوا قانون الزكاة اللي ماعترفوا فيه الشيعة واثار بلبلة بين السنة لانه ينص ان الزكاة 1% بينما اهيا 2.5% على اساس المذاهب الاربعة السنية
هذا غير الصراعات الطائفية بالعراق اللي قاعدين نشوفها بين السنة والشيعة من صوب وبين الشيعة والشيعة من صوب ثاني (اقتتال جماعة الصدر مع جماعة الحكيم) والحروب بين السنة والسنة بافغانستان وكل هالشي نتيجة تمسك كل طرف بنظرته لتطبيق الشريعة على ارض الواقع...نفس هالصراعات راح تنتقل لنا في حال تم الغاء القوانين الحالية اللي معظمها من الاساس ما يخالف الشريعة الاسلامية فليش عيل التغيير؟
ــــــــــــــــــــــــــــــــــــــــــــــــــــــــــــــــــــ
وعلى طاري الزحمة اللي صارت امس
حبيت الفت نظر الديوان الاميري ان اكو اختراع اسمه هيليكوبتر يحطون فيها الضيوف وتطير فيهم بالجو من المطار لي اي مكان يبونه آمن لهم واخف حق خلق الله من الزحمة اللي صارت امس
16 comments:
السلام عليكم
اخوي فتى الجبل , ابي اسألك سؤال واتجاوبني فيه بشكل مباشر , هل انت تحب ان الشريعة الاسلامية تطبق عندنا اهنيه بالديرة , طبعا على المذهب السنى لان اهوه المذهب الاكثر انتشارا في الكويت او خل انقول لانه الاغلبية هي من السنه ؟
بعدين على فكرة تره الهيئه العليا لاستكمال الشريعة الاسلامية امخلصة الموضوع بكل جوانبه من اختلاف المذاهب الاربعة والملف جاهز للتطبيق واهو جاهز من ايام الشيخ جابر الاحمد الله يرحمه , وتم تسليمه له , ولكن عاد ليش ما تم تطبيقه عاد اسأل الحكومة , كلامي هذا اكيد و مو مجرد كلام ينقال ,
وبالنسبة لقانون الزكاة اعتقد اني رديت عليك في هذه النقطة في موضوع سابق
ولك مني كل تحية واحترام
انا اقول الي بخاطرة تطبيق الشريعة يشيل فشة و يروح السعودية ، افغانستان ، أي مكان ثاني بس مو بالكويت !!
أقول خل يستريحون اهم أكثر ناس نصابة و حرامية ؟؟
أل شريعة أل
الزكاة الي لازم توصل للفقير ، يستخدمونها حق دعاياتهم و حملاتهم الانتخابية !!؟
أي أسلام و أي دين
الدين عندهم وسيلة للوصول أللي غاياتهم ؟
فتى
أهو يوم !! نستحمل ؟
والله المستعان
أههههها
عشان جذي الزحمه!!
اذا عرف السبب!
someone
اعتقد ان قوانيننا الحالية مطابقة بشكل كبير للشريعة ولا داعي لتغييرها
بس
ارد واقول ان من الاساس قوانيننا مطابقة للشريعة الاسلامية
ف التغيير شنو يهدف له؟
someday
الله يغربلهم ما خاوني اطلع امس
استغفر الله العظيم من كل ذنب عظيم
لوعتوا جبودنا يا متأسلمين
فكونا واللي يرحم والديكم
و اللي مو عاجبه قوانين الكويت يطس أي ديرة
اللي يسمعهم قاعدين بديرة يهود مو ديرة مسلمين
سدرة
اوووووووووووه
هالشي خالصين منه
احنا بالنسبة لهم كفرة
بعد إذنك فتى الجبل ...
محاولات من "ارفع المستويات" لطمطمة تحقيق في شراء أصوات بالدائرة الثانية من قبل احد "الكباريه"ء
ليتحقق من يشاء وينشر من يريد محاربة الفساد
الجرايد صار لها يومين ساكته
وهذا وقت المدونين
لايعه جبده
شنو المعلومات اليديدة اللي عندك
لأني اليوم بصراحة قريت عن عصام الدبوس وجمال العمر بالجريدة والقبس
والا قصدك اكو احد غيرهم قاعدين يطمطمون عليه
شريعه اسلاميه ؟؟؟؟
ليش واحنا مو مطبقين الشريعه ؟
شيبون بعد ؟؟ توني ادري ان الكويت مو مطبقه الشريعه ,,,وكل هالمده احنا كفار
يعني دينا الي اهو دين اجدادنا غلط ولا ناقص ولا شنو بالظبط ؟؟؟؟
احمدك يارب
,,,,
اما علي الزحمه الي امس حدث ولا حرج
صج عفسه
I was thinking a9lan
oho el nas in general el Islam
b.8lobha...
look at it from a critical perspictive ...
you dont have to pray, fast, cover ur hair to be moslim...
IT IS NOT ALL ABOUT THAT..
ana 3rf nas el seyada ma tfar8hom o ohom asfal 5al8 allah...
and again u cant impose rules on free people...
and trust me when they be true muslems..there will be no space for seni and she3i...that dose not mean ena we wont differ, bs we will know that we all head to one source...and that is enough
صبا
كلنا نحمد ربنا
dasart
thats what i mean
تطبيق الشريعة شعار يدغدغون به مشاعر قواعدهم
مطقوق
ملينا من هالدغدغة
Post a Comment