Sunday, July 27, 2008

منوعات

يقولون ان اكو مشروع يديد راح تقدمه لجنة استكمال تطبيق الشريعة يقترح منع تدريس الفلسفة لطلبة الثانوية
مع ان الفلسفة تهتم بالتفكير والتنظير ومصادر التشريع الاسلامي من بينها الاجتهاد اللي يعني فيما يعني استخدام العقل
لكن لجنتنا الحلوة الظاهر ما تبي العقل والتفكير مثل حكومتنا واخذ يا حفظ واخذ يا تلقن بدون اي فهم
والظاهر انهم يشتغلون على مبدأ حسينوه اللي يقول
لا تحجى الشرع الكل ياكل تبن
____________________
رئيس حكومتنا رايح بجولة آسيوية عشان استكمال خطوات تحويل الكويت لمركز مالي وتجاري
هالمركز اللي صار مثل بيض الصعو نسمع فيه وما نشوفه
زييييييييييييييييييييييييييييييييييييييييييين
اليابان وبروناي وتايلاند اكو منهم فايدة وممكن نتعلم منهم
بس بورما وكمبوديا ولاوس شنو بنستفيد منهم حق مركزنا المالي والتجاري؟
____________________
غسل الادمغة
بغياب الحكومة

58 comments:

Mozart said...

هناك ماده اسمها الفلسفه الاسلاميه , و من يريد تعلم هذه الفلسفه فعليه أن يعرف جميع مداركها و مصادرها

يؤسفني كثيرا وجود لجنه سيئه الذكر مثل هذه , و من انشأها يعتقد انها ستمنع الغزو من الحدوث مره أخرى و كأن الأسلمه هي من ستحمي الدوله لا الحنكه السياسيه و البترول

ماذا سيحدث لدكاتره الفلسفه في المستقبل ؟

فتى الجبل said...

موزارت
بيشغلونهم بنشرجية

Salah said...

شافو الكويتيين وايد يتفلسفون بالمدونات، قالوا أكيد من مادة الفلسفة

والله أعلم

كويــتي لايــعه كبــده said...

تخلف يجر تخلف

الحين الزيارات هي اللي بتقلب الكويت الى مركز مالي؟
هي نفس الزيارات اللي ماخذين اعيال الخرافي يوقعون عقود مع الدول بدعم من "دولة" الكويت؟

المركز المالي على برج مبارك على مدينة الحرير وحقول الشمال ووو مجرد حجج للزيادة من السرقه

مدخل جديد لا أكثر

Anonymous said...

طبعا ودهم يمنعون الفلسفه ولو بيدهم يمنعون التفكير كلش وتصير انسان مطيع لهم
----------
مركز مالي وتجاري انا اقول يعطون كل مواطن كويتي خيشة بنك يقعد يبيعها على الدوار ابرك من تخطيطاتهم

فتى الجبل said...

صلاح
وشنو عقوبة اللي يتفلسف؟

فتى الجبل said...

لايعة
يبوقون ويبنون يمكن نبلعها
بس الربع يبوقون بدون ما يبنون

فتى الجبل said...

حمودي
حتى خيشة البنك بيخلونها شركة خاصة

Blog 3amty said...

الفلسفة أهي الطريقة الصحية للتعرف على الخالق والدين !

why me said...

شكوو الفلسفه تنلغي !!

yoohoo~~ said...

مو عاجبتهم مقولة ديكارت
"انا افكر انا موجود"
ما يبون احد يفكر و الفلسفة شكوو ؟؟؟

darkness said...

:(

انا قريت العنوان استانست قلت و اخيرا اخوي فتى بيوخر عن السياسه

:(

طلع نابي على شونه

:(

شخبارك شمسوي؟ شالدنيا فيك

شلونك مع الحر؟؟

سدرة العشـــاق said...

اعلق على شنو ولا شنو ؟

على إلغاء التفكير ولا المركز المالي الخيالي ولا النوادي اللي تنادي بإسم الدين و يشيشون عيالنا على الانتحار و ليس الجهاد و بالاخير اهما إمزبرين و قاعدين على جبودنا يا اخي طسوا باللي ما يحفظكم

Eng_Q8 said...

حتى الفلسفه بعد عاد شنو فيها الفلسفه غير برج ايفل بفرنسا اذا الكويت دوله عربيه

هذا الي استفدته من الفلسفه غير كتاب عالم صوفي

اقول اشرايهم بعد يمنعون الالعاب لانها تظهر مفاتن الجسم
---

اشلون طافتك هذي انا خابرك فطين اشلون نصير مركز مالي بدون البخور :) عشان جذي لازم يظبط بهالدول لزوم البخور الله يسلملي اياك

--

يا عمي بالنسبه للنك الي بايع ولده خل يوديه هناك مااقدر اقول شنو في اهناك لساني يعف عن الحديث اقولك اياها بيني وبينك

Hamad Alderbas said...

تعال الا شصار على الجولات الاسيوية السابقة ؟:)

someone_q8 said...

السلام عليكم
اتفق معاك اخوي فتى بالنسبة لبيض الصعو اللي راح نستفيد منه في بورما و كمبوديا , الناس تاخذ المثل الاعلى الصح واحنا ناخذ كمبوديا وبورما ومدام اهم مستمرين بهالتخطيط عيل لا طبنا ولا غدا شرنا بالقاااع


****************

بالنسبة للجنه انت قلت يقولون فا الخبر عبارة عن اشاعة ولما ينزل شيء رسمي من اللجنة اهنيه نتكلم عن صحة المشروع ام لأ , ملينا من وكالة يقولون

بالنسبة لللنك والكاتب المحترم الفضلي
فا اسمحلي كلامه كله عبارة عن اتهامات بدون دليل قريت كلامه كله لكن ما لقيت ولا دليل كلها اتهامات عاااامه
واذا كلامه صح على الاقل ايييب واحد من هالشباب اللي مقصوص عليهم مثلا ويخليه يقول شنو امعلمينه وذيج الساعة ولي امر هالشاب يشتكي على اللجنه بالمخفر ويرفع عليهم قضية , اخوي فتى ابي دليل ملموس مو كلام بالعوام اللي ما راح انخلص منه
لك مني كل تحية واحترام

بو محمد said...

بورما وكمبوديا ولاوس
حق البخور و الأطياب و دهن العود يا يبه
:-)

blacklight said...

اليوم الفلسفه وغدا علم الأحياء لأنه يمجد ويخلد نظريات داروين التي يصنفونها ملحده وكافره.

Q80 Blogger said...

مركز مالي !! لا وتجاري بعد

ودي ودي اصدق .. بس قويه قويه

فريج سعود said...

رئيس الوزراء والسر عندكم بالامان بيفتح له محل طيب وبيسميه
اطياب الاصلاحي للعود والبخور

Mohammad Al-Yousifi said...

الناس شغالين و ربعنا بيحلون مشاكلنا بالسفرات و الأناسة

MaCHBoS said...

اذا منعوا الفلسفه فيعتبر الانسان كائن حي و ليست كائن مفكر باجر يقولون راح نصكر المدارس و نرد على تعليم الملالوه يالله يا جماعه بسم الله الرحمن الرحيم قالوا وراي !!
اتمنى من وزيرة التربيه د.نوريه ان ترفض طلبهم بقوه و لاترضخ مثل بعض الوزراء اللي يخافون من النواب !!!

Anonymous said...

لجنة الماكو شغل حطت حيلها بالفلسفة

honey said...

والله صراحة انا ما درست ولا مرة الفلسفة !

لكن إحدى صديقاتي درست كورس فلسفة بالجامعة و الدكتور ملحد و كان على وشك إن غشككهم إبدينهم و دنيتهم و أزعجها الكورس و صارت إتخاف تحضر المحاضرة


المركز المالي بس راحت علينا حتى البحررين إسبقتنا

بس said...

الله يعينهم على جهلهم و غبائهم ؟؟

عالم تاسع

فتى الجبل said...

بلوق عمتي
اممممممممممم
اللي اعرفه انها مهمة حق تشغيل المخ

فتى الجبل said...

واي مي
جذي
مزاج

فتى الجبل said...

مياو
احنا من الاساس ما عندنا هالحكمة
العرب حكمتهم آنا ابلع عيل آنا موجود

فتى الجبل said...

داركنس
آنا تمام
انت ما ذبتي؟

فتى الجبل said...

سدرة
هذي الكويت
هذي الكويت
صل على النبي

فتى الجبل said...

مهندس
يبي يبيع ولده كيفه بالشيطان
بس المشكلة باجر هالولد يتفلسف علينا

فتى الجبل said...

حمد
ولا شي
قنص ووناسة

فتى الجبل said...
This comment has been removed by the author.
فتى الجبل said...
This comment has been removed by the author.
فتى الجبل said...

someone
تبي دليل
حادثة الاغتصاب اللي طمطموا سالفتها بوحدة من الجمعيات هالصيف

فتى الجبل said...

بومحمد
ولنا نصيب والا لأ؟

فتى الجبل said...

بلاك لايت
والله ماستبعد هالشي

فتى الجبل said...

كويتي بلوقر
البقرة تحج على قرونها
بس هالشي ما يصير

فتى الجبل said...

سعود
والله يسويها

فتى الجبل said...

مطقوق
يحبون سفرات بو بلاش

فتى الجبل said...

مجبوس
الحكومة مو قاعدة تخدم الكويت
الحكومة قاعدة تلعب سياسة لاطالة مدة قعدتهم على كراسي الوزارة
بالمختصر المفيد توقع من الحكومة غير المتوقع

فتى الجبل said...

محسد
هذا الفراغ وما يسوي

فتى الجبل said...

شهد
واكو ناس يقصرون الدشداشة ويطولون اللحية لاغراض ثانية غير التدين
يعني نمنع الدين بعد
واكو ناس يستخدمون الساطور بالذبح يعني نمنع السواطير
مو كل واحد استخدم الشي غلط نروح ونمنع هالشي خاصة اذا كان علم مفيد

فتى الجبل said...

بس
تاسع؟
احنا مالنا تصنيف كلش

someone_q8 said...

السلام عليكم
مشكور اخوي فتى على الرد , لكن كلام الكاتب يتكلم عن غسيل المخ للناشئين وتعليمهم امور مخالفة للشريعة الصحيحة
شنو علاقة حادثة الاغتصاب بالتوجيه العقلي للنشأ ؟
يعني بتقولي انهم يعلمونهم كيفية الاغتصاب في النوادي الصيفية في الجمعيات الاسلامية ؟؟؟؟؟
انا معاك باللي قلته ان حادثة الاغتصاب لا يجب ان تكتم على الناس حالها حال اي قضية تنشر بالجرايد
ولا احد يرضى ان يصير هالشيء
شكرا اخوي فتى وعساك عالقوة

bu-saad said...

لي عوده
:)

bu-saad said...

بشرنا عنك اخوي فتى الجبل....

حياك الله في المدونه...بوست بشان هذا القرار

bu-saad said...

صلاح

خخخخخخخ اطرف رد ضحكتني بهذي صدقت وانا اخوك.. خو احنا تخصص تفلسف:)

ولد الديرة said...

بعد هم ديكارت ما ادري شلون قايل

انا افكر اذا انا موجود

اي هم انا اتنفس اذا انا موجود

انا اشوف لميس اذا انا موجود

انا اروح يكرم السامع الحمام اذا انا موجود

الناس تشوفني اذا انا موجود

الناس ما تشوفني اذا انا موجود بس اهم يمكن عميان

انا اروح البحر الظهر بالقيظ انشوي بس هم انا موجود

انا اكل آش اذا انا موجود بس احتمال بيتنا بالمنصورية

انا اكتب عند فتى الجبل هم انا موجود وفتى الجبل قاعد يقول هذا والله فاضي

شهالتفلسف
!

علموا عيالنا شلون يكتبون اول

شلون يتحجون

شلون ياكلون زين

بعدين تفلسفوا

حياتي هدف مو عبث said...

أعتبره رجوع إلى الوراء

إذا فعلاً تم إلغاء الفلسفة من المناهج

Eng_Q8 said...

وينك ليكون سافرت ولا علمتني

العـجــوز said...

والله يا نهاش ياخوفي باجر يقولون اللي يفكر يبتكر ولا يبدع ولا يخترع شي يديد عقوبته الرجم

خلني ساكته يمه ابرك

Anonymous said...

بورما وكمبوديا ولاوس

عندهم خوش بخور و طيب و مسابيح
لزوم كشخة الحكومة

Anonymous said...

مختفي عسى ماشر ؟

someone_q8 said...

السلام عليكم
وينك اخوي فتى عسى ماشر ؟؟؟
صارلك فترة مو امبين , انشاء الله المانع خير
طمنا

الحارث بن همّام said...

كمبوديا علشان في اتفاق ان الكويت تزرع شجر العود الكمبودي علشان تصير الدولة الاولى في تصدير العود الكمبودي .. ونصير مركز مالي

bu-saad said...

لا لقاء بين الدين و الفلسفه فهما منهجان مختلفان ...فالاسلام لا يحتاج الى من يكمله فقد اكمله العليم الخبير((اليوم اكملت لكم دينكم و اتممت عليكم نعمتي)) ولا نحتاج ان نوفق بينه و بين الفلسفه و لا بينه و بين اليهوديه و النصرانيه و لا بين الشيوعيه و الاشتراكيه .. فغيره اما باطل او حق مخلوط بباطل فالاسلام ما جاء لتحكمه افكار البشر

قــــرار said...

عاد هذي اللجنة لها انجازات جميلة

الصراحة مع اني مؤيد لوجود هذي اللجنة بس أعارض فكرتهم ، لأن هذا علم
والاسلام بنفسه حث على العلم

يعطيك العافية عالموضوع : )