يقولون ان اكو مشروع يديد راح تقدمه لجنة استكمال تطبيق الشريعة يقترح منع تدريس الفلسفة لطلبة الثانوية
مع ان الفلسفة تهتم بالتفكير والتنظير ومصادر التشريع الاسلامي من بينها الاجتهاد اللي يعني فيما يعني استخدام العقل
لكن لجنتنا الحلوة الظاهر ما تبي العقل والتفكير مثل حكومتنا واخذ يا حفظ واخذ يا تلقن بدون اي فهم
والظاهر انهم يشتغلون على مبدأ حسينوه اللي يقول
لا تحجى الشرع الكل ياكل تبن
____________________
رئيس حكومتنا رايح بجولة آسيوية عشان استكمال خطوات تحويل الكويت لمركز مالي وتجاري
هالمركز اللي صار مثل بيض الصعو نسمع فيه وما نشوفه
زييييييييييييييييييييييييييييييييييييييييييين
اليابان وبروناي وتايلاند اكو منهم فايدة وممكن نتعلم منهم
بس بورما وكمبوديا ولاوس شنو بنستفيد منهم حق مركزنا المالي والتجاري؟
____________________
غسل الادمغة
بغياب الحكومة
58 comments:
هناك ماده اسمها الفلسفه الاسلاميه , و من يريد تعلم هذه الفلسفه فعليه أن يعرف جميع مداركها و مصادرها
يؤسفني كثيرا وجود لجنه سيئه الذكر مثل هذه , و من انشأها يعتقد انها ستمنع الغزو من الحدوث مره أخرى و كأن الأسلمه هي من ستحمي الدوله لا الحنكه السياسيه و البترول
ماذا سيحدث لدكاتره الفلسفه في المستقبل ؟
موزارت
بيشغلونهم بنشرجية
شافو الكويتيين وايد يتفلسفون بالمدونات، قالوا أكيد من مادة الفلسفة
والله أعلم
تخلف يجر تخلف
الحين الزيارات هي اللي بتقلب الكويت الى مركز مالي؟
هي نفس الزيارات اللي ماخذين اعيال الخرافي يوقعون عقود مع الدول بدعم من "دولة" الكويت؟
المركز المالي على برج مبارك على مدينة الحرير وحقول الشمال ووو مجرد حجج للزيادة من السرقه
مدخل جديد لا أكثر
طبعا ودهم يمنعون الفلسفه ولو بيدهم يمنعون التفكير كلش وتصير انسان مطيع لهم
----------
مركز مالي وتجاري انا اقول يعطون كل مواطن كويتي خيشة بنك يقعد يبيعها على الدوار ابرك من تخطيطاتهم
صلاح
وشنو عقوبة اللي يتفلسف؟
لايعة
يبوقون ويبنون يمكن نبلعها
بس الربع يبوقون بدون ما يبنون
حمودي
حتى خيشة البنك بيخلونها شركة خاصة
الفلسفة أهي الطريقة الصحية للتعرف على الخالق والدين !
شكوو الفلسفه تنلغي !!
مو عاجبتهم مقولة ديكارت
"انا افكر انا موجود"
ما يبون احد يفكر و الفلسفة شكوو ؟؟؟
:(
انا قريت العنوان استانست قلت و اخيرا اخوي فتى بيوخر عن السياسه
:(
طلع نابي على شونه
:(
شخبارك شمسوي؟ شالدنيا فيك
شلونك مع الحر؟؟
اعلق على شنو ولا شنو ؟
على إلغاء التفكير ولا المركز المالي الخيالي ولا النوادي اللي تنادي بإسم الدين و يشيشون عيالنا على الانتحار و ليس الجهاد و بالاخير اهما إمزبرين و قاعدين على جبودنا يا اخي طسوا باللي ما يحفظكم
حتى الفلسفه بعد عاد شنو فيها الفلسفه غير برج ايفل بفرنسا اذا الكويت دوله عربيه
هذا الي استفدته من الفلسفه غير كتاب عالم صوفي
اقول اشرايهم بعد يمنعون الالعاب لانها تظهر مفاتن الجسم
---
اشلون طافتك هذي انا خابرك فطين اشلون نصير مركز مالي بدون البخور :) عشان جذي لازم يظبط بهالدول لزوم البخور الله يسلملي اياك
--
يا عمي بالنسبه للنك الي بايع ولده خل يوديه هناك مااقدر اقول شنو في اهناك لساني يعف عن الحديث اقولك اياها بيني وبينك
تعال الا شصار على الجولات الاسيوية السابقة ؟:)
السلام عليكم
اتفق معاك اخوي فتى بالنسبة لبيض الصعو اللي راح نستفيد منه في بورما و كمبوديا , الناس تاخذ المثل الاعلى الصح واحنا ناخذ كمبوديا وبورما ومدام اهم مستمرين بهالتخطيط عيل لا طبنا ولا غدا شرنا بالقاااع
****************
بالنسبة للجنه انت قلت يقولون فا الخبر عبارة عن اشاعة ولما ينزل شيء رسمي من اللجنة اهنيه نتكلم عن صحة المشروع ام لأ , ملينا من وكالة يقولون
بالنسبة لللنك والكاتب المحترم الفضلي
فا اسمحلي كلامه كله عبارة عن اتهامات بدون دليل قريت كلامه كله لكن ما لقيت ولا دليل كلها اتهامات عاااامه
واذا كلامه صح على الاقل ايييب واحد من هالشباب اللي مقصوص عليهم مثلا ويخليه يقول شنو امعلمينه وذيج الساعة ولي امر هالشاب يشتكي على اللجنه بالمخفر ويرفع عليهم قضية , اخوي فتى ابي دليل ملموس مو كلام بالعوام اللي ما راح انخلص منه
لك مني كل تحية واحترام
بورما وكمبوديا ولاوس
حق البخور و الأطياب و دهن العود يا يبه
:-)
اليوم الفلسفه وغدا علم الأحياء لأنه يمجد ويخلد نظريات داروين التي يصنفونها ملحده وكافره.
مركز مالي !! لا وتجاري بعد
ودي ودي اصدق .. بس قويه قويه
رئيس الوزراء والسر عندكم بالامان بيفتح له محل طيب وبيسميه
اطياب الاصلاحي للعود والبخور
الناس شغالين و ربعنا بيحلون مشاكلنا بالسفرات و الأناسة
اذا منعوا الفلسفه فيعتبر الانسان كائن حي و ليست كائن مفكر باجر يقولون راح نصكر المدارس و نرد على تعليم الملالوه يالله يا جماعه بسم الله الرحمن الرحيم قالوا وراي !!
اتمنى من وزيرة التربيه د.نوريه ان ترفض طلبهم بقوه و لاترضخ مثل بعض الوزراء اللي يخافون من النواب !!!
لجنة الماكو شغل حطت حيلها بالفلسفة
والله صراحة انا ما درست ولا مرة الفلسفة !
لكن إحدى صديقاتي درست كورس فلسفة بالجامعة و الدكتور ملحد و كان على وشك إن غشككهم إبدينهم و دنيتهم و أزعجها الكورس و صارت إتخاف تحضر المحاضرة
المركز المالي بس راحت علينا حتى البحررين إسبقتنا
الله يعينهم على جهلهم و غبائهم ؟؟
عالم تاسع
بلوق عمتي
اممممممممممم
اللي اعرفه انها مهمة حق تشغيل المخ
واي مي
جذي
مزاج
مياو
احنا من الاساس ما عندنا هالحكمة
العرب حكمتهم آنا ابلع عيل آنا موجود
داركنس
آنا تمام
انت ما ذبتي؟
سدرة
هذي الكويت
هذي الكويت
صل على النبي
مهندس
يبي يبيع ولده كيفه بالشيطان
بس المشكلة باجر هالولد يتفلسف علينا
حمد
ولا شي
قنص ووناسة
someone
تبي دليل
حادثة الاغتصاب اللي طمطموا سالفتها بوحدة من الجمعيات هالصيف
بومحمد
ولنا نصيب والا لأ؟
بلاك لايت
والله ماستبعد هالشي
كويتي بلوقر
البقرة تحج على قرونها
بس هالشي ما يصير
سعود
والله يسويها
مطقوق
يحبون سفرات بو بلاش
مجبوس
الحكومة مو قاعدة تخدم الكويت
الحكومة قاعدة تلعب سياسة لاطالة مدة قعدتهم على كراسي الوزارة
بالمختصر المفيد توقع من الحكومة غير المتوقع
محسد
هذا الفراغ وما يسوي
شهد
واكو ناس يقصرون الدشداشة ويطولون اللحية لاغراض ثانية غير التدين
يعني نمنع الدين بعد
واكو ناس يستخدمون الساطور بالذبح يعني نمنع السواطير
مو كل واحد استخدم الشي غلط نروح ونمنع هالشي خاصة اذا كان علم مفيد
بس
تاسع؟
احنا مالنا تصنيف كلش
السلام عليكم
مشكور اخوي فتى على الرد , لكن كلام الكاتب يتكلم عن غسيل المخ للناشئين وتعليمهم امور مخالفة للشريعة الصحيحة
شنو علاقة حادثة الاغتصاب بالتوجيه العقلي للنشأ ؟
يعني بتقولي انهم يعلمونهم كيفية الاغتصاب في النوادي الصيفية في الجمعيات الاسلامية ؟؟؟؟؟
انا معاك باللي قلته ان حادثة الاغتصاب لا يجب ان تكتم على الناس حالها حال اي قضية تنشر بالجرايد
ولا احد يرضى ان يصير هالشيء
شكرا اخوي فتى وعساك عالقوة
لي عوده
:)
بشرنا عنك اخوي فتى الجبل....
حياك الله في المدونه...بوست بشان هذا القرار
صلاح
خخخخخخخ اطرف رد ضحكتني بهذي صدقت وانا اخوك.. خو احنا تخصص تفلسف:)
بعد هم ديكارت ما ادري شلون قايل
انا افكر اذا انا موجود
اي هم انا اتنفس اذا انا موجود
انا اشوف لميس اذا انا موجود
انا اروح يكرم السامع الحمام اذا انا موجود
الناس تشوفني اذا انا موجود
الناس ما تشوفني اذا انا موجود بس اهم يمكن عميان
انا اروح البحر الظهر بالقيظ انشوي بس هم انا موجود
انا اكل آش اذا انا موجود بس احتمال بيتنا بالمنصورية
انا اكتب عند فتى الجبل هم انا موجود وفتى الجبل قاعد يقول هذا والله فاضي
شهالتفلسف
!
علموا عيالنا شلون يكتبون اول
شلون يتحجون
شلون ياكلون زين
بعدين تفلسفوا
أعتبره رجوع إلى الوراء
إذا فعلاً تم إلغاء الفلسفة من المناهج
وينك ليكون سافرت ولا علمتني
والله يا نهاش ياخوفي باجر يقولون اللي يفكر يبتكر ولا يبدع ولا يخترع شي يديد عقوبته الرجم
خلني ساكته يمه ابرك
بورما وكمبوديا ولاوس
عندهم خوش بخور و طيب و مسابيح
لزوم كشخة الحكومة
مختفي عسى ماشر ؟
السلام عليكم
وينك اخوي فتى عسى ماشر ؟؟؟
صارلك فترة مو امبين , انشاء الله المانع خير
طمنا
كمبوديا علشان في اتفاق ان الكويت تزرع شجر العود الكمبودي علشان تصير الدولة الاولى في تصدير العود الكمبودي .. ونصير مركز مالي
لا لقاء بين الدين و الفلسفه فهما منهجان مختلفان ...فالاسلام لا يحتاج الى من يكمله فقد اكمله العليم الخبير((اليوم اكملت لكم دينكم و اتممت عليكم نعمتي)) ولا نحتاج ان نوفق بينه و بين الفلسفه و لا بينه و بين اليهوديه و النصرانيه و لا بين الشيوعيه و الاشتراكيه .. فغيره اما باطل او حق مخلوط بباطل فالاسلام ما جاء لتحكمه افكار البشر
عاد هذي اللجنة لها انجازات جميلة
الصراحة مع اني مؤيد لوجود هذي اللجنة بس أعارض فكرتهم ، لأن هذا علم
والاسلام بنفسه حث على العلم
يعطيك العافية عالموضوع : )
Post a Comment