اقروا اول شي هالخبر
زين اذا سلمنا بصحة حجيك واستنتاجاتك
ما تقول لنا يالحربش ليش بالستينات لما ما كان عندنا هالكم من الجمعيات اللي تلعب على وتر الدين وكانت الديسكوات مرخصة بالديرة ومعاها الويسكي بكل انواعه مرخص والتعليم كان مشترك والانفتاح بالبلد كان بكل اتجاه لدرجة ان بناتنا قطوا العباية والبوشية وبدت البعثات الدراسية للبنات بره الديرة....الخ..ليش بذاك الوقت كانت الديرة بخير والفلس فيه البركة؟
ليش من عقب ماصكوا الديسكوات وامنعوا الويسكي وحاربتوا التعليم المشترك والمرأة وانتشرت جمعياتكم الدينية اللاعبة على اوتار الدين انتشرت عندنا الجرايم وشقق الدعارة وزاد تهريب الويسكي والمخدرات والواسطة والرشوة والبوق اشكره؟
تدري ليش؟
لأن الناس اول كان قلبها ابيض ونظيف...الناس اول كانت فيها الطيبة بالفطرة
الناس اول كانوا دينين بدون تطرف...ومنفتحين بدون تحلل وتسيب
اليوم وبمباركة جمعياتكم المتاسلمة صاروا الناس نار وشرار...صار قلبهم اسود..ومن كثر الكبت صاروا مثل الذيابة كل واحد ينهش بلحم الثاني...انتشرت القبلية والطائفية بسببكم...صارت العنصرية عنوان لتعاملنا مع الطرف الآخر
واذا كان اكو غضب علينا من ربنا فانتوا اللي يبتوه بتلاعبكم بالدين لهدف الوصول لمصالحكم الشخصية
بعدين تعال
مو يمكن اللي قاعد يصير ابتلاء من الله لعباده المؤمنين؟
بس الظاهر انك تبي تمشي فكر الناس بالاتجاه اللي جمعيتك تبيه وبس
32 comments:
فعلاً النفوس تغيرت, وصاج هذا من تلاعبهم بالدين
بس الدور علينا إحنا يالنايمين ننفض الكسل عنا ونوقفهم عند حدهم
تدري شنو وجه التشابه ما بين اليهود ومطاوعتنا؟
الأثنين يستخدمون سلاح التخويف ضد من يعارضهم... الأول يتهمك بمعاداة السامية والعنصرية والثاني يهددك بغضب ينزل عليك من رب العالمين... ربعنا أكشخ, مو؟
يعني اللي مسمي ... مصلي وماشي تحت راية نائب مطوع ومصدق إنه مصلح
راح إيي اليوم اللي لابد بيسمع من شيخه تصريح عوي ... فتوى فاصلة ... إقتراح هدام للمجتمع
لكن هل يعترض؟ ... إيييييييييه يا نهاش
الساكت عن الحق شيطان أخرس, والديرة بكبرها قلبت طرمة
بس قول لي ...عاد اهوا صج حلو؟
:p
لاحول ولاقوة الا بالله...
الله يستر من الياي
صج ديرتنا مافيها بركة
الزين
حده حلو ولا توم كروز
وردة
من اللي اهما سووه فيها
كلام متخلف من شخص متخلف
بالذمه... هذا دكتور جامعة؟!؟
ويقولون ليس الناس تبي التعليم الخاص.
لايعه جبده
مو بس دكتور
الا اهوا نائب بمجلس الامة
يا ريتك ما ذكرتني
عاد انا ما أواطن توم كروز
لو قايل لي أرنولد شوارزنجر وايد أرحم :p
صح كلامه ما جذب
هذي عقوبه الهيه بس مو للي ذكره الحبيب انما لوجود ناس قامت تلعب بالدين وتجعله غطاء لما يفعلونه ووسيله للوصول كفايه لعب يا متأسلمين والله الدين بري منكم
صح لسانك يا نهاش
لاعه جبده
ان الذكرى تنفع المؤمنين
الزين
ارنولد حلو
الله يهديج وينه وين الحلاة
مهندس
صح بدنك
حبيت اسلم
تدرى سدرة موصيتنا كلنا ندير بالنا عليك
:)
الدين براء ممن يجعلونه وسيلة لمآربهم
فتى الجبل وبعدين وياك وبعدين ترى باشتكي عند سدرة كل ما حجيت قلت قبلية يا فتى عشرة وعشرين وخمسين ترى ما يمثلون من أمتدادهم قبلي
بس عاد الله يهديك
صح لسانك
فتى ..
عيل لما تنهد الكعبة مرة و مرتين و ثلاث هذا غضب إلهي على الكعبة؟؟
كلام مافي منطق شنو علاقة زيادة الأسعار في الغضب الإلهي؟
اذا السالفة جذي يعني الله راضي عن الاوروبيين عندهم خوووش طقس وبحبوحة اقتصادية وثقافية وتعليم راقي ومتطور ورعاية طبية متقدمة
وحكومات ديموقراطية محترمة وحقوق انسان
هاردلك الحربش
يوم ضرب تسونامي قالوا غضب ويوم حاش باكستان زلزال قالوا بلاء واختبار تصبرهم :)
يعني الحين الغلاء بالكويت غضب بس الغلاء اللي بالسعودية بيسمونه بلاء واختبار لصبر المؤمنين :)
الحبايب جنهم راديو من محطة لي محطة عالمود :)
حمد ..
والله يبتها :)
يبه, أصلا هو نفسه مو مقتنع بهالكلام. بس صدقوني فيه ناس للأسف يمشي عليها هالكلام. وهذوله اللي رازينه مع ربعه وبالشينا فيهم
براقش
يا حظي فيها وفيكم
مشكورة
هذيان
لما اقول قبلي فما يعني كل ابناء القبايل مو زينين تلرى عندي ربع وايد منهم انما هالشي يا مع سياق الموضوع
ولما اقول حضر فمو معناته الحضر ملائكة
كل الطيبين الحضر والبدو والعيم
الشيعة والسنة والمسيحيين على راسي
والله لو يهودي يحترمني هم بحطه على راسي
موك
صح بدنك
بوتشخيص
هذا اللي طلع بمخه المبدع جدا
محسد
آآآآآآآآآآآآآآخ
يا ليتك كنت بالندوة وقلت له هالحجي
حمد
اي والله صاج
بو تشخيص
اشدعوة يا يبه ليش المدونة حق الانفايتد بس
ترى اتغشمر معاك
مدونتك وانت حر فيها
آنا كويتي
حجيك مضبوط
فتى
هههه لالا والله ظلمتني تصدق سويتها بس ما بطلتها كلش .. أخاف أكتب و ما ألتزم فيها و أفا عليك أصبلك مفاتيحها.. المدونة و صاحبها تحت أمرك :)
الاول تحول ياخووي
الحين الكل يمشى ورى مصلحته وماهمه غيره
بوتشخيص
على راسي من فوق
كل ما فيها اني حبيت ارد لك زيارتك الحلوة لي
شيماء
والله الديرة صارت مجموعة من القراصنة ما همهم الا البوق
Post a Comment