الفرق بين الفوضى والديمقراطية شعرة صغيرة
هالشعرة اهيا القانون
اذا الدولة التزمت بتطبيق القانون على الكل تحولت الفوضى لديمقراطية ترقى بالدولة للتنمية والتطور
واذا تم كسر القانون تحولت الديمقراطية لفوضى وفقدت الدولة هيبتها وتخلفت
امس انتقدنا الحكومة على كسرها للقانون اللي ادت لفوضى عشنا فيها طيلة اربعة عقود
اليوم وبعد الاجراءات الحكومية الجادة لتطبيق القانون واعادة الهيبة للدولة والدستور ومؤسساته فاحنا نشيد بهذي الاجراءات ونوقف معاها عشان ننعم بالنهاية بديمقراطية حقيقية بدل فوضى القبلية والطائفية اللي كنا عايشين فيها
اليوم نقول للحكومة لا تتراجعين كالعادة عن التزاماتج تجاه رفاهية ومساواة جميع ابناء الشعب جدام القانون
واللي يتحجج بان التشاوريات مثلها مثل اختيار التكتلات لمرشحينها نقوله انت غلطان ونص
التكتل فيه الحضري والبدوي والعيمي والسني والشيعي يعني يمثل كل اطياف المجتمع الكويتي علما باني ضد اي تكتل قبلي او طائفي
اما تشاوريات القبائل فما فيها الا ابناء القبيلة وبالتالي مرشحها ما يمثل الا قبيلته والقبيلة مو اهم من الكويت واهلها
الكويت فوق الكل....الكويت فوق الكل....الكويت فوق الكل
برافو يا حكومة....برافو يا وزارة الداخلية
38 comments:
chuk chuk chuk
قاعدة اصفق للحكومة
ما بغت تطلع من الكهف بس زين ما كملتها 300 سنة
:P
سدرة
ياعلها صحوة دوم مو يوم
نتمنى الاستمرار في تطبيق القانون بكل حزم وجدية
هلا والله
بالقانــــــــــــــون
صحححححححح السااانك
وعساهم دوم جذى مو يوم
:/
راعي
نتمنى هالشي من الحكومة لمواجهة همجية القبلية والطائفية اللي تبي تهدم الدولة
منو ينسى
فرحتي ماتنوصف لما اشوف دستولرنا وقانونا مطبق عشان مدنية الدولة
كاريزما
آمين
آمين
آمين
عشان الكويت واهلها
نعم القبيلة ليست اهم من الكويت
وبرافو يا حكومة
والقانون يجب ان ياخذ مجراه
وان يكون فوق الكل ولا احد فوق القانون
خايف ان الحكومة تجبن من الضغط
الله يستر
وأخيرا بينت أنياب الحكومة وعسى تكمل
جان زين تستمر بهل قوه .. بس شهرين لي جدام
أبلغ رد على من يشكك بإصلاحية الشيخ ناصر المحمد
ملاك جريدة سراق الوطن ميتييييين قهر اهم واللي وراهم
كلام مختصر مفيد.. أحييك
لازم تتعلم الحكومة إن تطبيق القانون على الكل وبدون إزدواجية أو تردد له نتائج إيجابية على المدى البعيد,يعيد للدولة هيبتها,ويضع الكويت في مصاف الدول المتحضرة. ولا تلتفت للأصوات النشاز المطالبة بإنتهاك القانون وهيبة الدولة لأغراض إنتخابية
أتمنى ما يكون إصرار الداخلية على تطبيق القانون مجرد إجراء وقتي بسبب غياب مجلس الأمة
وكل شي راح يبين بعد إنتهاء الإنتخابات و مدى جدية الحكومة
الكويت فوق الكل .. الكويت فوق الكل .. الكويت فوق الكل .. الكويت فوق الكل .. الكويت فوق الكل
صح السانك يافتى الجبل
الكويت فوق الكل واهم من الكل
علي
اي والله برافو
مطقوق
صح هالشي حتى آنا خايف منه
بس لازم نساندها لما تسوي الصح
لعل وعسى
حسافتج
بس ان شاء الله يكونون سباع مو ضباع
كويتي
لا يا معود
ان شاء الله دوم
محسد
وان شاء الله ايي الدور على علي الخليفة واحمد وطلال الفهد
آنا كويتي
وان غدا لناظره لقريب
سما الكويت
ياعل ربي يحفظها
دساستر
صح بدنك
الكويت فوق الكل
انشالله هالشي الكل يقوله
والكل يطبقه
يعطيك العافيه خيو
اعجبتني الحكومة بحزمها بتطبيق القانون
وانشالله لا تتوقف و تطق بريك عند مخالفات البعض
تحياتي
اي نعم الكويت فوق الكل
نعم للكويت
ولا للقبليه
وبرافو ياحكووووووووومه
الله يستر
خوفك اليوم كلام وفعل وباجر غير
بس اهم شي ان يمشون الكل على القانون خلاص عاد والله زهقنا كل شوي ناس تتمشى وتركض وتزحف فوق القانون
كافي
الله يا دنا زوالهم
جوج و مأجوج و الفال حق ربع حزب الله
ما كو أحد يزعل من تطبيق القوانين ، لكن - وألف آه من لكن - هل هالصحوة حقيقية ومستمرة ؟
نتمنى ذلك ...
سنعه
الله يعافيج
مهندس س
احنا خايفين من هالبريك
سعود
وغصب على اللي ما يرضى
شيماء
ويا ليتها دوم جذي
سيليزيا
اي والله كفاية
عتيج
الفال حق كل اللي يخلي مصلحته فوق الكويت
بو بدر
الحق العيار لباب الدار
Post a Comment