ليش الكويتي لما يراجع المرور يدور له مليون واسطة عشان يخلص شغله
ولما يدش فرع البنك ينطر بالطابور نفس الاوادم مع ان المرور والبنك كلهم بنفس الديرة؟
ليش الكويتي لما يركب الكويتية يحولها حق مدينة ملاهي
ولما يركب اي خطوط طيران ثانية يقعد عاجل نفس بقية خلق الله السنعين؟
ليش الكويتي بالقطاع الحكومي ما يشتغل الا ربع ساعة
واللي بالقطاع الخاص يكرف مثل بقية البشر؟
ليش الكويتي بديرته يعتقد انه فوق كل الناس
ولما يسافر بره يصير مثل الحمل الوديع؟
ليش...وليش...وليش؟
الكويتي باللون الاحمر تعود انه يعيش بدون قانون...يعيش بغابة البقاء فيها للاقوى...فصار وحش ينهش الاكو والماكو لأنه بدون هالطريقة ما راح يعيش
الكويتي باللون الازرق عاش بالقانون...عرف اللي له واللي عليه...فصار انسان محترم يمشي على حسب القانون اللي بالتأكيد راح يلقى راحته معاه
القانون يا جماعة حياة وسلوك تنتهي بالراحة والامان
والتعدي على القانون هم وغم وقلة راحة وقلة امان
وعلى كثر مانتقدنا هالحكومة الا ان احنا هالايام نوقف معاها ونشد على ايدها بعزمها القوي لتطبيق القانون اللي حسسنا ان احنا فعلا اوادم عايشين بدولة مؤسسات دستورية قانونية مو وحوش عايشين بمضارب بني عبس على النهب والنصب...علما ان اللي انهدم بسنين فاهوا بالتأكيد ما راح ينبني بيوم لكنا مستعدين ننطر ونحرث البحر اذا مو عشانا فاهوا عشان ديرتنا الكويت وبقائها وعشان عيالنا واحفادنا
36 comments:
صج
منو يقدر
يجاوب
على كل
ليـــــــــــــش
اتوقع
احنا ولا
منو ؟
منوينسى
لو يطبقون القانون جان ما شفنا هالبلاوي والتعديات اللي بالديرة
أعتقد أن وزارة التربية هي المسؤولة عن عنجهية الجيل
فأذا كانت صارمه وكسرت شوكة الطلبة بتعدلون
بالعلم بالصغر كالنقش بالحجر
حسافتج
التربية جزء من الحكومة والحكومة كلها ماتطبق القوانين
موبس الكويتيين
شوف الامريكان بعد شصير فيهم لمه ايون الكويت
لا يسوقون عدل ولا يحترمون أحد
لان يدرون الديرة ما فيها قانون!
صلاح
كل اللي عايشين بالديرة يخالفون القانون لأن ماكو قانون
صح إلسانك
القانون حلو ينظم حياة الناس وهذا الفرق بين حياة الأوادم والحيوانات مكرم السامع اللي بالغابة
يعطيك العافية
مو تصيف
أحب أقرالك
كتاباتك دوم تتسم بالوطنية
صح إلسانك
اخوي نهاش
صح لسانك
ماقلت الا الصح
عزيزي عندما تعطي المواطن حقوقه وتوعيه لواجباته سوف تنمي فيه روح الألتزام
لكن المواطن الكويتي
يتأرجح بين حكومة ومجلس أثنينهم أردى من بعض
أيييييييييييه
ولنا الله
الكويتي مشاغب
الحبيب فتى الجبل
نظام الوزرات يبيله تغير شامل اساسا لانه على النظام المصري القديم اقصد نظام استلام وتسليم المعاملات
واحسنت عزيزي
ما في تاسيس
ولا احترام للقانون
لأنه بديرة بطيخ طال عمرك :)
صدقت عزيزي
القانون يخليهم يمشون سيده
والعصى لمن عصى
وماوضعت السلاطين الا للشياطين
وخل بعدها يمشون بحارة الامان
او يطوفون دور
او يستخدمون الواسطة
صار كسر القانون القاعدة واحترام القوانين استثناء والسبب ضياع هيبة القانون والدوله وتفشي الواسطات...يعني ابسط شي وابسط معامله ندور لها واسطه
إخواني المدونين
تابعوا المرشح حمد الحسن بالدائرة الخامسة عنده طرح مميز و واعد
وانشالله بوجوده و الشباب الوطني أمثاله نشوف الوطن في تقدم وازدهار
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=377215
السلام عليكم
اخوي فتى الحبل , خل الحكومة تطبق القانون على الكل بدون تمييز , وخل الناس يكون عندها وعي باللي اتسويه , ان شاء الله الديره راح تتعدل حتى ولو مو بشكل كامل لكن على الاقل الواحد يحس ان هناك فيه قانون يحترم
لك مني كل تحية واحترام
اخوي نهاش
صح إلسانك
ومثل ما قلت
لوووووووووو
لو يطبقون القانون جان ما شفنا هالبلاوي والتعديات اللي بالديرة
سدرة
صح بدنج
والله يعافيج
الدنيا
حياج
وطن النهار
شاكر لك الزيارة الحلوة
هذيان
اي والله
معاج حق
مطقوق
واسوأ مشاغب
موك
ما نبي نظامنا على الطريقة العربية
نبي نظام عصري على الطريقة الامريكية
صبا
والله مسكين هالقانون
يحطونه عشان يكسرونه
محسد
والله حرام
علي
غربلونا الله يغربلهم
تكانة
حسافة على الكويت
عبثي
ان شاء الله
عبثي
مع تمنياتنا للافضل انه يفوز بالانتخابات
someone
الكمال لله
بس احنا لازم دوم نسعى له
هدب
متنا من كلمة لوووووووو
كلمة قانون
تعلمناها ودرسناها وربونا اهلنا عليها
ان القانون قانون على الجمييع
بس بديرتنا القانون يطبق على ناس وناس
لا له هيبته ولا له احترامه
بالكويتى لا له قيمه ولا حشيمه
://
كاريزما
وبالتالي صارت ديرتنا مالها حشيمة
حتى الغريب ما يحترمها
Post a Comment