قبل لا ندش في الموضوع نبارك للتحالف الوطني الديمقراطي ثباتهم على مبدئهم رغم الاحتمالات الكبيرة للخسارة وذلك بترشيحهم امرأة من ضمن قوائمهم...ونتمنى من النساء دعم هذي الجهود لايصال الصوت النسائي للمجلس بدل التبجبج عقب كل انتخابات ان المرأة ما راح توصل لأن المجتمع ضدها وبدل المطالبة بالكوتا الغير دستورية علما ان اصوات النساء تمثل 55% من مجموع الاصوات الانتخابية
ندش الحين بموضوعنا
الطبطبائي شخص متأسلم كان من ضمن التجمع السلفي قبل سنوات ليما تم رفض ترشيحه من قبلهم ونزل عقبها بروحه وبعدين انضم للسلفية العلمية...اهوا شخص ذو ويه كاريكاتيري بمعنى انك من تشوفه تضحك ليش مادري؟ يمكن لأنه يذكرني بكعكي اللي بافتح يا سمسم
أمس ببرنامج الاعلامي محمد الوشيحي على قناة الراي ذكر الطبطبائي في رده على احد المداخلات انه من المهتمين والمدافعين عن قضايا المال العام
السؤال...هل يعتبر انضمامك للكوكبة التعيسة من الكتاب المنضمين لجريدة حرامي الناقلات واللي باق الديرة وقت الاحتلال واثناء ما كان شعبها بين شهيد وأسير ومشرد من ضمن مساعيكم الكريمة للدفاع عن المال العام وذلك بقبضك راتب من مال الكويت المنهوب؟
وهل تم ارجاع هذي الاموال ( الرواتب ) الى بيت مال المسلمين يزاك الله الف خير؟
قلت انك تقبل وكيل وزارة يهودي ولا تقبل ليبرالي ان كان هاليهودي صالح
السؤال...هل عدم تقبلك للتجمع السلفي لأن التجمع غير صالح وان اليهودي هم احسن منهم؟
بالمقابلة ذكرت انك ضد دخول المرأة للمجلس بس ناشدت لولوة الملا للترشح للانتخابات
اشلون يعني فهمنا...الحين انت ضد والا مع؟
قلت ان الاختلاط بالشريعة ليس حراما
اذا الاختلاط مو حرام عيل اشحقه تبون تقيدونا وتمنعون التعليم المشترك عن اللي يبيه؟
في النهاية ماقول الا يا زين المبدأ ويا زين ثبات الانسان عليه
بس الظاهر ان اللعب على الناس صفة مهمة من صفات اهل الاحزاب المتأسلمة
37 comments:
المهم مصلحته
ان شاء الله ما يفوز
و يا سبحان الله اليهودي أحسن من الليبرالي المسلم ... عجبه
سدرة
لو احنا قايلين ان اليهودي احسن منهم جان كفرونا
الطبطبائي
مثل الغراب اللي بقلد مشية الحمامة
لاهو قلدها ونسى مشيتة
ليت من يصيدة بداعوس وحلق حياتة
ولحيتة
وبنشوف شلون ينجح
الطبطبائي حلاته ساكت
ايام نبيها خمسة سوالنا بلبلة يوم ياب طاري الجهرا و صليبخات
حسافتج
حتى الغراب احسن منه
مطقوق
والمشكلة انه دكتور جامعي
"ان مسلم وسطي ومعتدل"
؟!؟!؟!؟!
اللي ماني فاهمة ان شلون في ناس تصدقه وتصوت له؟
شخبار شواطئ العراة في كانكون؟
اللحيه اكسسوار للمجلس مو اكثر
لايعة جبده
اللي يصوتون له مثله مسلمين وسطيين:p
يبا الطبطبائي من زمان طايح من عيني، خصوصاً عقب ما فاحت ريحة نقله لأصوات من المناطق الخارجية الى كيفان
اتفق الى حد ما مع الشخص اللي اتصل امس و قال للطبطبائي: ما شفنا منك إلا الشيشه و الشيشان
بس من الحسنات اللي تحسب للطبطبائي هو ثباته على موقفه في استجواب الصبيح، احسن من العمير و باقر اللي قضبوا العصا من النص
يحليله طبطب
المشكله عندنا إننا ما ننتقد الشخص لأفعاله .. إنما لشكله وخصوصياته
على فكره هذا أسلوب الضعفاء
:)
الكرسي حلو وانا اختك
اذا يهودي يوصله
يمد ايده له
ليش لا
تفضلو بزيارة موقعنا والذي ينقل آخر الاخبار والتطورات في الدائرة الثانية بكل شفافية بدون اي تحيز لأي مرشح كان
وأرجو من صاحب هذاالموقع ان ينشر عنوان موقعنا وشكرا
http://ommah2.blogspot.com
الله لو حجوة اليهودي قايلها واحد ليبرالي
جـــان أعتبروه مرتد وأقاموا علية حـد السيف
يااااارب مااا يطلع بهالأنتخابات
الدين ليس الا مطية لمآرب المتأسلمين للوصول لكرسي الوزارة او البرلمان
او لتحقيق مصالحهم الشخصية ومصالح الحزب الذي ينتمون اليه
الطبطبائي مو نكتة .. فيلم كوميدي
10/10
و فوقهم ممتاز و أحسنت بعد
إلقاء و بالحجة بعد
بس تدري عاد، هذا واحد جمبازي
و اللي مثله هم اللي ماشي سوقهم
ما يهمني الطبطبائي أبــدا
اللي يهمني طرحنا كمدونين ما ينزل
لحد السخرية و الاستهزاء
الكل يقدر ينتقد الاخر ما في مشكلة
فا حبيت اسجل اعتراضي على اسلوبك
استفزني صراحة
:)
مشكلة الطبطبائي انه بسيط
ما يلعب سياسة
على فكرة قبل لا احد يطمر من مكانه ترى هذا تحليل ناس بالمجلس معاه و يعرفونه احسن مني و منكم
مو دفاعا عنه مالت عليه
لكن هذي الحقيقة ولهذا يرى الناس تصريحات غير سياسية منه
المهم
ذكرتني بقصة الميرزا اللي عنده فيديو يقول فيه الشيعي الفاسق افضل من السني التقي
انا اقول لو يلفقونها ربع هالميرزا وايد احسن
لا يشور فيهم السيد
ترى سيد ها
ادب سيس :P
اظن اني في حدود 36
شكرا عزيزي و المسامحة الشيخ
الحين راح يبين ان الناس يفهمون والا لا
واذا فاز انا اقول لحد يتحلطم ويقول الطبطبائي ذبحنا
حسام
بس يا ليت مواقفه تكون عشان الكويت
مواقفه حق نفسه وبس
حمودي
اووووووووف
حدي معجب فيه
حياتي
المفروض بالشخص اللي يبي يعلق يقوا كل اللي مكتوب
انت يا اما انج خليتي كل اللي مكتوب وركزتي على كلمة كعكي بس
او انج من الاساس ما كملتي البوست
الريال عزيزتي فضل اليهودي على الليبرالي المسلم...كيفه بس لو آنا قايلها جان كفروني
الريال يا اخيتي متناقض يقول آنا ضد دخول المراة المجلس بس ادعو لولوة الملا للترشيح
الريال يعترف ان الشريعة ما حرمت الاختلاط واهوا منع الاختلاط
هذا اختصار للبوست عيل ليش بس ركزتي على كلمة وحدة
سنعه
ليش السلف الصالح اللي اهوا يتبعهم قالوا جذي؟
الدائرة
تامرون
دللي
من حلج الطبطبائي حلال وحق
من حلوجنا قمة الباطل
محسد
اي والله فيلم
بومحمد
جمبازي عود
احلا
اعتراضكم على الراس مع المحترم
بس آنا ليبرالي مسلم وافتخر ( وعلى فكرة لفظ الجماعات الاسلامية الليبرالية انتشر مؤخرا للي ما يدري ) فاذا اهوا يقول ان اليهودي احسن مني كيفه
بس من كامل حقي ارد عليه بنفس الاسلوب
ولد الديرة
حياك
وهذي مدونتكم قبل لا تكون مدونتي
بس عاد الطبطبائي بسيط؟
كل هذا وبسيط؟
الا سعلو وذيب بس يسوي روحه خبل
مهندس
والله صاج
لا والمشكلة ان هالمرة اهوا بدائرتي
هذا قرادة إسمها الطبطبائي مو نكتة
وهو ما لات إيد أحد وقال له صوت لي غصب
بس للأسف إن الناس هي اللي توصله للمجلس
وتالي نبتلش بنوعيات من النواب مثله, أقل شيء أوصفهم فيه أنهم مصدر تأزيـم. بالله عليكم أكو واحد متزن وعاقل ومتدين, ما عنده أقل مستوى من الإحترام لمشاعر غيره؟
ويـحط أبناء بلده من المسلمين أقل من اليهود
مو قرادة؟
قريت البوست كله
وعشان جذي رديت .. ولا ليش أرد
أنا ما قلت لا تنتقد إنتقد عادي ما في أي مشكله
لكن خل إنتقادك يكون قوي دون تدخل شكله ولا شكل ويه
وأنا أحب إنتقادك جدًا وأتابع مدونتك
وأتمنى لو تبتعد عن النقد على الشكل لأنه الشكل من خلق الله لا من خلقي ولا خلقك
:)
آنا كويتي
حلال عليه
وحرام على غيره استخدام هالاوصاف
آنا كويتي
ردي عليك مثل ما قالت سدرة
حياتي
حياج بكل وقت
ومشكورة على نقدج الهادف
سدرة
مشكورة على الرد عني
يا ريت يرتقي الحوار ولو درجة واحدة بس
يعني ماله داعي شكله ويها بالموضوع
(وما أتوقع كل واحد فيكم وسيم عشان يتطنز على شكل الرجال)
وقبل ما تقولون الرجال يفضل اليهودي على الليبرالي يا ريت كل واحد يقرا السؤال اللي سئلوه ورده على السؤال بالضبط قبل ما تتفلسفون وتكبرون الموضوع جنكم مو مصدقين خبر
Post a Comment