التعليق
البيت بيت أبونا والغرب ناشبونا
ومع احترامنا الكبير والشديد للشقيقة السعودية فهل اهما يرضون ان احنا نتدخل بمشاريعهم على أراضيهم؟
واللي يتحجج بأن هذي المنطقة كانت محايدة وفيها مشاريع مشتركة فنرد عليه ونقوله ان الخفجي كانت من ضمن المنطقة المحايدة...فهل راح تاخذ السعودية موافقتنا عند اقامة أي مشروع نفطي بالخفجي؟
انزين ما يبون بعد ناخذ موافقتهم على مشروع ميناء بوبيان وجسر يابر الاحمد والمدن الاسكانية اليديدة؟
يعني ضاقت عليهم ديرتهم اللي مساحتها مليونين كلم ويايين يناشبونا على ديرتنا اللي مساحتها ما تتعدى مساحة عاصمتهم؟
ولي متى احنا طوفة هبيطة الكل يطورقنا ويشوتنا على كيفه؟
ماقول الا لنا الله اهوا اللي حافظنا بحفظه
_____________________
Man United 1 ( In Substitute )
Roma Zero & Out
Thats way we are the CHAMPION
38 comments:
:)
الله كريم
والله الشرهة على ماني قايلة منو
اللي قايل الكويت حدودها للسور بس
و حطوها في بالهم ربعنا و كل يوم يقرظون منا
الشكوى لله
شيماء
اي صح
سدرة
ما علينا من اللي في بالهم
علينا من الحدود الرسمية
هاو شلون ماعلينا من اللي في بالهم
فيك خير روح اخذ متر من ارضهم و شوف شسوون
الارض غالية حتى الشبر ما نتنازل عنه
صار مخامط !!
بالضبط علينا من "الحدود الرسمية" و اللي علمك الخفجي كويتية بقدرة قادر صارت سعودية سبحان الله
:)
بسبب قوة ربعنا
سدرة
آنا قصدت اول ما كان اكو معاهدات رسمية
الحين اللي راح راح وما نقدر نرده
عشان جذي ركزت على الحدود الرسمية المسجلة بالامم المتحدة
والا مساحة الكويت كانت مو بس ليما الخفجي الا ليما بوحدرية يعني 120 كم عقب النويصيب
موك
عاد القوة لحد يتحجى عنها
ربعنا اقوى من ستيفن سيجال اللي يبدا الفيلم ويخلص واهوا مانجرح لا وذابح وطاق كل اللي مثلوا بالفيلم
Weak goverment!
--------------
Mabrook fowz Man U
shoof shloon elroo7 alreya'9eyah
:)
صلاح
زين ليش باوروبا ما يصير جذي
يعني
ليش فرنسا ما تاكل حق لوكسمبورغ الامارة الصغيرة اللي يمها؟
ليش المانيا ما تاكل حق الدانمارك؟
لو السعودية تعرف جدية الحكومة وقوتها في التعاطي مع المسائل السيادية لما وصلت بها الجرأة للمطالبة بتحديد مكان المصفاة داخل الاراضي الكويتية
السعوديين مصخوها وايد
امس قاروه واليوم المصفاة وباجر شنو ؟
فوضى هي؟
من متى صرتوا التشامبيونز؟
وراكم شغل ،، شغل يا فتى الجبل
:)
مره كتبت عن نفس الموضوع فعلا أمر غريب ..
بس صدقني ماراح تكون التشامبيونز (( وراك برشلونه ))
اي و الله نشبه
و مو اي نشبه كل مالها اطول و تشمخ
الشكوووووى لله يا فتى الجبل
اخوي
لما الديره تتخلى عن حبه رمل
بتخلى عن مصفاة واللي اكبر من مصفاة
شتقول وشتخلي
السالفه قديييمه
والارض راحت بلاش
خلها على الله
فتى الجبل
روما خلصنا منه يا ويلك يا الياي
وحياتي من غيرك سلطه يا المان
:P
على راسي يا فتى الجبل طلعت مانشستراوي
يحرام يا روما صج المثل هذا
كل الطرق تؤدي إلى مرمى روما
بس هالمره طلعوا بس ب 3 اهداف ذهاب واياب
وانا اليوم متشقق لان المان فازوا رحت الجامعه ولابس فنيلتهم وكل ما سألني واحد اقووله القصه
يعطيك العافيه على البوست
واحلى شيء فيه اخر شيء
و ياويل البرسا
صدقت
مادري لي متى بنصير طوفة هبيطة
بالمبارك و ألف مبروك :))
و هاردلك حق ألي في بالي :p
لوووووووووووووول
إذا عرف السبب بطل العجب :)
محسد
باجر كل الكويت
حلم
ان شاء الله الكاس حق
مانشستر
سما الكويت
قطارنا ماشي ماشي باذن الله
طفلة
الله يستر
سنعه
ماتروح واحنا موجودين ان شاء الله
مطقوق
ونعم بالله
عبثي
شكرا
بوراشد
المان له نكهة خاصة
نكهة البطل
كويتاوي
يكفي ان احنا فزنا عليهم بالبدلاء
علي
ليما يردون الاعتبار للدستور والقانون ويشوفنا العالم نحترم ديرتنا راح وقتها يحترمونا غصب
بس
اللي فبالج شكله زعلان حتى تعليق ما حط
اشدعوى يبا اشدعوى مهندسنا
ماكو تعليق عشان خسارة روما
عتيج
مالت عليهم وعلى اسبابهم
ترى الموضوع قانوني بحت على فكرة
هالمرة صج قانوني
هو نشبة نشبة
بس قانوني
بضياع ثلثي اراضي الكويت في اتفاقية العقير المشؤومة والتي مثل الكويت فيها الوكيل السياسي البريطاني في الكويت الميجور مور ضاع على الكويت اكبر حقل نفط بحري في العالم وهو حقل السفانية وكان السبب الرئيسي في ضياع هذه الاراضي هو غياب حاكم الكويت الشيخ احمد الجابر رحمه الله ووعد الميجور مور له بأنه سيحافظ على هذه الاراصي وانه لن يفرط فيها مهما كان الثمن
وعند حضوره للمؤتمر كان يمثل السعودية الملك عبدالعزيز رحمه الله المعروف بدهائه السياسي و بعناده الشديد في مسألة الحدود
اما العراق فكان يمثلها وزير المواصلات صبيح بك ((طلع صبيح اسم عراقي:)
المهم ان هذا المؤتمر كان بدعوة من برسي كوكس الوكيل السياسي لمنطقة الخليج والعراق
احتد النقاش في بداية المؤتمر بين عزوز ال سعود وبين صبيح بك الصبيح
عزيز يقول قبائل الشمال اللي عندكم امتداد لقبائلنا والاراضي التي هم فيها هي مراعي لمواشيهم منذ قديم الزمان
فرد عليه صبيح بك وقال:ولك يابا ... هاي قبائل شمر وعنره في سوريا ليييش ما تطاليب بمراعيهم من فرانسا
قال برسي كوكس: تعوذوا من الشيطان انت واياه ،، جنوب العراق لكم يا صبيح وجنوب الكويت لابو سعيّد وانت يا ميجور مور روح صلّح لنا برّاد شاهي والحلا برّرررررا
ووووووووووووووووووووووووووووووووووو
ويكون بعلمك قبل اتفاقية العقير ارسل الشيخ سالم الصباح الى الملك عبدالعزيز بعد معركة حمض يقول له لازم نرسم الحدود ووافق عبدالعزيز لأنه ما صدق على الله يفتك من شر سالم اللي كان مثل ابوه عنيد فمسألة الحدود ، فارسل الشيخ احمد الجابر الى الهفوف عند الملك عزيز ووقع الاتفاقية ،، وبعد ماراح الشيخ احمد متوجها للكويت وصل للهفوف خبر وفاة الشيخ سالم المبارك ،، فسجد عبدالعزيز شكرا لله وارسل ورا الشيخ احمد باسرع ما يمكن ،، فلما رجع لشيخ احمد لعبدالعزيز ، اخذ عبدالعزيز الاتفاقية ومزقها وقال:
انا يا احمد سيفك .. اضرب فيني من تشاء
وارضي هي ارضك وما بيننا الا مثل ما بين الاخوان
فضاعت هذه الفرصة مرة اخرى:)
ومن اشهر الاراضي اللي راحت على الكويت هي منطقة السفانية و الصمان بكبرها
ووادي العجمان اكبر تجمع للمياه الجوفية في الخليج ..والان ارامكو شغّالة في وادي العجمان ويتوقعون وجود مكمن غاز طبيعي يغطي على حقول قطر
!!
ولا عزاء لاهل الكويت
ولا مستفيد الا اصحاب المزدوجة
ولد الديرة
ابن ام الهيمان
شكرا لمساهمتكم بالتعليق
Post a Comment