مرت حوالي ثلاثة عقود على تحالف الحكومات المتعاقبة مع تيارات أحزاب الاسلام السياسي
وكان من نتائج هذا التحالف تخلف البلد وتراجع مراتبه في جميع المجالات
وكذلك تزايد معدلات الجريمة بكل أشكالها وارتفاع معدلات تفكك الأسر الكويتية
وانتشار مخيف للتجمعات القبلية والطائفية وتشتت أبناء الوطن الواحد
وغياب التسامح والطيبة اللي كان يتسم فيها المجتمع الكويتي قبل هذا التحالف
وعدم التقيد بالقوانين ودولة المؤسسات وأصبح الكل فوق القانون
كل هذا وأكثر يصير
في نفس الوقت اللي تتفاخر فيه أحزاب الاسلام السياسي بسيطرتها على الشارع
ومبروك عليهم هذي السيطرة اللي قاعدة تخرب الديرة ومبروك حق هالشعب اللي ساكت على أفعالهم الردية ومخلي لهم الخيط والمخيط وجنه الديرة مو ديرته
واللي أحب أعرفه
اهوا متى بتصحى هالحكومة وتعرف ان هالتحالف بيدمر البلد
متى بترد حق رشدها وتنظف نفسها من وساختهم
متى بتخاف على هالديرة وتتحد مع اللي يبون الخير لها وللشعب
متى بتعرف ان أول متضرر من هالتحالف اهوا الحكومة نفسها
22 comments:
آنا أقول لك متى، لماّ ينتهي مفعول المخدّر والمشكلة إذا انتهى هم ما كو فايده لأن الإلتهاب وصل مكان القيادة اللّي تامر وتنهي
إذا مؤيدين بن لادن اللّي كفّر الأولي والتالي صاروا من أصحاب القرار، فتعتقد ان فيه بصيص أمل
طبعاً أتمنى يكون فيه أمل وعزم يهدِم الفساد ويعيد العدالة والمساواة علشان ما نحتاج إلى واسطات
لا اعلم كيف استنتج الجميع بانه هناك تحالف بين الحكومه والاسلاميه
انا مو شايف جذي الصراحه
ثانيا ليش كل مصايب الدنيا قاطينها على الاسلاميين !!
اختلف معاك يا نهاااش يا رجل الجبل :)
جواب متى سهل
اذا حجت البقر على قرونها
كويتي بلوقر
عيني بعينك؟
ماكو تحالف؟
حلت جميع الجمعيات ما عدا واحدة في عام 1976 بل تم توزير رئيسها. بنك إسلامي واحد محتكر للخدمة حتى 3 سنين مضت. سيطرة على وزارة التربية حتى أحمد الربعي و سيطرة على الأوقاف و الشئون و حالياً النفط
جمعيات مخالفة و تبرعات غير مراقبة و أحزاب ظاهرة و إرهاب فكري تحول الى جسدي
ماذا حدث لقضية فتاة التجاري و الشيشان و أسلحة البوسنة و بو عباس؟
هذول محد يقدر عليهم و هم الحكومة الخفية في هذا البلد
:)
عموماً .. أنا دعوت زميلنا الطارق لكتابة موضوع للرد على هذه التهم .. و قد قام مشكوراً بذلك .. و سأنشره بعد إسبوع
بتصحى الحكومة طال عمرك بعد ما تتدمر البلد ويخلص النفط
الجواب غير متوفر الآن
الحكومة مفوشحة على قولة الصرعاوي
متى؟ عندما يكون الفاعلين في الحكم على ثقافة تتعدى المراحل الإبتدائية و المتوسطة.ولهم دراية بتحديات هذا القرن، وكيف يتعامل معها غيرهم على المستوى العالمي. هل هذا طلب عسير ونحن في القرن الحادي والعشرين
بالمشمش
كويتي
الله يسمع منك
q8i
كل هالتراخي وتلبية طلبات التيار الاسلامي مو شايفهم ...معقولة؟
عيل يبيلك نظارة:p
براقش
خوش سهولة
حلم
أبلغ رد على المشككين بهذا التحالف
العسكر
اييييييييه
خير ان شاء الله
مطقوق
ما يحوشها تمزق من هالتفوحش
anonymous
بالكويت اللي تطلبه حده صعب
لأن المعيار مو الكفاءة
معيارهم اللي سبق لبق
عاجل
بالمشمش والخوخ
ماني عارف شنو علاقة تحالف الحكومة مع (تيارات أحزاب الاسلام السياسي) على قولتك .. مع التفكك الأسري ووتشتت أبناء الوطن الواحد وغياب التسامح والطيبة
؟!
طوّل بالك
يالحارث
آنا كل اللي كنت أقصده ان الخراب طال كل مناحي الحياة بس حبيت أختصر
حلم جميل بوطن أفضل
تذكروني بلي يقولون اليهود ورا تفجير برجين نيويورك مو بن لادن
كل هل ادله يا الحبيب اشياء عاديه
الفساد كل مكان بالديره
يعني بيت التمويل الحين اهو التحالف
وتقول الحين ماسكين النفط
مامداهم يمسكونها
لا والحين بياخذونها
مادري انا اختلف لأنه الشي مو واضح
حجي دواوين يعني .. مو خوش ادله :)
شكرا على الرد يا الحبيب .. وناطرين الطارق بمدونتك
وعلى طاري الي يقول نظاره ... اشدراك عاد .. تره معاك واحد من ذوات الاربعه
يبي تشطيب الصراحه
تحياتي للجميع
q8i
اشدعوة ترى آنا لي اسم ينادوني فيه
وما ينقال لي على طاري اللي قال
وتراني هم بوأربع عيون بس أشوف عدل
عموما الاختلاف في الآراء لا يفسد للود قضية
فتى الجبل
هلا والله اخووووي نهاش
سامحني مادريت انت الي كاتب التعليق طالع عندي الي كاتبه
Anonymous
فقلت على طاري الي قال
عموما مادام اثنينا بو اربعه عيل في عامل مشترك
يعني الاختلاف بسيط راح يكون :P
تحياتي
q8i
مسموح
والعتب على قدر المعزة والمحبة ان شاء الله
Post a Comment