Thursday, June 19, 2008

التنمية هل هلالها

مبروك لاهل الكويت...مبروك يا اهل الديرة
التنمية هل هلالها...ومشاريع تحويل الكويت لمركز مالي وتجاري بلشت
اولا
مشروع محاربة جميع المؤسسات المالية التقليدية لصالح مؤسسات التمصلح على حساب الدين
ززززززززززززززززين
ابي افهم شي
ليش المؤسسات المالية المتمصلحة على حساب الدين تحط اموالها بمصارف امريكية وغربية غالبا ما يسيطر عليها اليهود والنصارى يزاكم الله الف خير؟
اساسا ليش البنوك المتمصلحة على حساب الدين تفتح حسابات بالبنوك التقليدية داخل الكويت؟
يعني هالشي ما يعتبر مساهمة في نماء الدول الغربية اللي تتعامل بالربا على قولتهم
ما يعتبر هالشي مساهمة في تمويل مشاريع قد يدخل فيها الخمر والميسر والدعارة يزاكم الله خير
علما ان معظم هذي الحسابات جارية يعني تكلفتها على البنوك الغربية صفر وبالتالي تقوم البنوك الغربية باستخدام هالاموال في تمويل مشاريع عديدة ببلدانهم وطبيعي يكون من بينها مشاريع غير اسلامية لا ويمكن محرمة شرعا يزاكم الله خير

ثانيا
مشروع اهمال المصدر الوحيد للدخل بالكويت الا واهوا النفط لصالح لجان التدخل في شئون خلق الله
زززززززززززززززين
سؤالي للاعضاء المتاسلمين في مجلس الامة
الا يعتبر مجلسكم المختلط ظاهرة سلبية على الاساس المعتقدي لكم يزاكم الله الف الف خير؟
اذا اي فالمفروض انكم ما تشاركون بالجلسات
واذا لأ فالمفروض انكم تسقطون قانون منع الاختلاط يزاكم الله خير
وسلم لي على الدين اللي على المزاج

44 comments:

Mok said...

نهاش مشكلة

المشكلة هذول طموحهم واسع واكبر من اللجنة الظواهر الدخيلة ومصرف

kila ma6goog said...

الله يبشرك بالخير

Eng_Q8 said...

سلملي على التنميه

مُحَسّدْ said...

هذا اللي يبونه الكويتيين

DiLLi O MiLLi said...

يوبه هذول مالهم شغل بالدين
هذول لابسين عباءة الأسلام .. لتسهيل تنفيذ أجندتهم الخاصة
السالفة سالفة مصالح خاصه


عتبي على اللي أنتخبهم

Salah said...

قريت مبروك قلت زين في خبر حلو... من زمان

!!!!!!

الله يعين

GucciYa said...

ابوي فتى

التنمية حط على الف خط اوكي لانه ماكو قوانين وقرارات الي تحدد الكويت والي يصير اكبر دليل الظواهر السلبيه الي ماينعرف شنو بيصير بالديرة تقدر تقول الله وكيلك بتصير الديرة سيرك وموغريبه رجل دين يمد ايده على بنات ولا يعلى صوت ويمكن يقوم اب تصرفات الشرطي او اكثر والي يمسكونهم مايندرا وين يحطونهم.

لو صج في تنميه جان منزمان مبينه لكن وين ياحظي.

السلام على التنميه واذا شمينه ريحتها بعد

تحياتي

http://3tawyatelfreej.blogspot.com/

JuVeNTiNa said...

Mabrooooook ..GERMANY ;p

والله مو هينييين هالمكاين تصلحت

فريج سعود said...

يا معود هذيل حاربوا المرأة ونجحوا باصواتها تبيهم يهدون المجلس

حياتي هدف مو عبث said...

هههههههه

أضحك من قلب

لما أقرا

يزاكم الله خير

:p

الــــوجــــد said...

الله يبشرك بالخير

:)

MaCHBoS said...

ضحك على الذقون لوووووول بنوك اسلاميه قال ؟ شكلهم يستثمرون من الحين حق الانتخابات اليايه لووووول

تبا لك يا فتى انها بنوك اسلاميه غربيه بحمدالله تعالى اسسناها لوووول

wa6an-alnhar said...

يزاك الله خير ياخوي

انت مو فاهم المغزى يزاك الله خير

الاخوان يجاهدون بشكل غير مباشر يزاهم الله خير

و ادخلو معقل الكفار للقضاء عليهم و
الله حسبهم


نهاااش
التناقض اشلون صاير يزاك الله خير
:)

someone_q8 said...

السلام عليكم
اخوي فتى
تبي تنمية ؟؟
من صجك ؟؟
اذا ربعنا على اتفه الاسباب يسوون منها حكاية ورواية
على فكرة اخوي فتى مصطلح المتأسلمين نفس مصطلح الظواهر السلبية مو واضح
يعني اذا بقولبها يمين شمال راح اشوف ان معناة هالكلمة ان المجلس يا انه كله كفار او بوذيين يمكن يمكن
مادري الاعضاء اقدر اقول عنهم مو مسلمين ؟؟؟ او شكل اسلامي بجسم كافر ؟؟؟
وهم يزاك الله خير :)

Mamloo7a Q8ia said...

وينا وين التنميه؟؟

خلاف يخلف علينا
اذا هالمتأسلمين موجودين بمجلسنا

خلها على الله يا وخيي

أبــو بنــــدر said...

http://aljarida.com/aljarida/Article.aspx?id=65545

؟؟؟؟؟؟؟؟؟

المضف طلعك وطلع جريدة الجريده ومحمد البغلي كذابين مع احترامي لك عزيزي فتى الجبل .

ومو هذا العشم فيك
في التأني السلامه وفي العجلة الندامه
------
والصحيح ما جاء في تصريح مدير عام الهيئة العامة للصناعة الدكتور علي فهد المضف وهذه مقتطفات منه رجاءا فتى تثبت من أخبارك ولا تعتد بجريدة الجريدة !!!

لأنها غير حياديه

وشكرا
-----
نفى مدير عام الهيئة العامة للصناعة الدكتور علي فهد المضف صحة ما نشر في احدى الصحف المحلية امس الاربعاء بشأن ابلاغ الهيئة لعدد من البنوك التجارية عدم رغبتها في تجديد امد الودائع التابعة لها في هذه البنوك نظرا لنيتها نقل هذه الودائع الى بنوك اسلامية اخرى. واعتبر المضف في تصريح لوكالة الانباء الكويتية (كونا) هذا الخبر بأنه "غير صحيح" مؤكدا ان الهيئة العامة للصناعة لم تبلغ البنوك التجارية التي تتعامل معها بعدم رغبتها في تجديد امد ودائعها فيها وان الهيئة لم تصدر منها اية توجيهات بهذا الخصوص الى هذه البنوك . وكانت احدى الصحف المحلية اليومية قد ذكرت بأن "كشفت مصادر مصرفية مطلعة ان الهيئة العامة للصناعة ابلغت بنوكا تجارية تقليدية عدم رغبتها بتجديد امد الودائع التابعة لها في هذه البنوك رغبة منها في نقل حسابات الودائع الى بنوك اسلامية اخرى والتى قدرتها المصادر المصرفية بعشرات الملايين من الدنانير".

http://alshahedkw.com/index.php?option=com_content&task=view&id=11206

http://www.awan.com/node/82374


---

:(((

Selezya said...

الله يسامحك صدقت

Shaima'a Alkandari said...

@@

بس مريت وقلت خل اسلم عليك ياخوي

الظاهر ديرتنا صايره فيها سوالف وتطورات خطيره

كويــتي لايــعه كبــده said...

بيت التمويل مقطع الدين

ما قط احد بالدين وثم بالسجن
معادلات الفائده عفوا الربح مخترعينها هم مو دارسينها موظفيهم بالجامعه بجانب زملائهم (الآن بالوطني)ء
مو متعاقد مع "البريطانية" على كم طياره وهم ما يقدمون خمور عليها

لا يوجد شيء اسمه بنوك اسلاميه
هناك بنوك بتسويق اسلامي

حتى
HSBC
سوى له حسابات اسلاميه

stephanie de monaco said...

شلون تبيهم يبوقون يزاك الله خير

!!!!

Eng_Q8 said...

وينك مختفي عسى ما شر ؟

فتى الجبل said...

موك
ادري
هدفهم الخلافة الاسلامية
يزاك الله خير

فتى الجبل said...

مطقوق
اي خير

فتى الجبل said...

مهندس
تنمية سلق البيض

فتى الجبل said...

محسد
صاج

فتى الجبل said...

دللي ومللي
هذيلي صنيعة السياسات الحكومية

فتى الجبل said...

صلاح
آنا بقعد ورا هالمتاسلمين ليما اموت او يفجون عنا احسن من الغالبية الصامتة اللي ساكتين وجن الديرة مو ديرتهم

فتى الجبل said...

جوشيا
ومنو اللي قال ان احنا اساسا دولة
احنا مجموعة عشاير وطوائف فوضوية ومصدقين ان احنا مجتمع مدني

فتى الجبل said...

جوفنتينا
يا يبه الالمان يعطونا خط
مو مثل الباجي اللي حدهم هدة حصن

فتى الجبل said...

سعود
عشان مجلسهم المتاسلم يسوون كل شي

فتى الجبل said...

حياتي
يزاج الله خير
هاهاهاها
تضحك صح؟

فتى الجبل said...

الوجد
والقادم اسوا

فتى الجبل said...

مجبوس
انتبه لكلامك يا ابوجهل
هل نسيت انني ابو لهب رفيق دربك
كيف تقول لي تبا لي
على فكرة يا شقيقي ابو جهل ما رايك ان نؤسس بنكا متاسلما حتى نكون مع الخيل يا شقرا
ونسميه بنك ابوجهل وابو لهب المتاسلم ليميتد؟

فتى الجبل said...

وطن النهار
شوفي السلفي جميل السلطان وشركاته اللي تملك بمركز سلطان واجيليتي اللي ينقلون للمريكان اليهود والنصارى الويسكي والمعدات اللي تقتل المسلمين
واستثماراته في قطر اللي ينتشر فيها الخمر من صوب واللي يدعو له من صوب وتعرفين التناقض يزاج الله خير

فتى الجبل said...

someone
لما اييون ناس يزايدون على اهل الديرة المسلمين المصلين المزكين ويسوون روحهم الكل بالكل تعرف شنو معنى متاسلمين
المتاسلم اللي يزايد علي بالاسلام وآنا مسلم نفسه يزاك الله خير

فتى الجبل said...

مملوحة
الحكومة والمجلس مثل مثل
كلهم رايحين فيها

فتى الجبل said...

بوبندر
اولا اتمنى شوية احترام لأني اقدر اقول عنك جذاب بس تربيتي ما تسمحلي
ليش اقدر اقول عنك جذاب؟
لأن اللي ينقل الخبر يا فهيم لازم ينقله كله
وانت نقلت خبر المضف وحذفت رد الجريدة يا حلو يزاك الله خير
بس ما عليك شرهة جذي ربوكم بالمعسكرات الصيفية المتاسلمة

فتى الجبل said...

سيليزيا
خوش دقة
عدل؟

فتى الجبل said...

شيماء
اي ديرة؟
ديرة طالبان اليديدة؟

فتى الجبل said...

لايعة
تعال فهم الطنق اللي موجودين عندنا بالديرة

فتى الجبل said...

ستيفاني
لا لا لا مو بوق
هذا حلال يزاج الله خير

فتى الجبل said...

مهندس
استراحة محارب

Anonymous said...

ايديك على الجرح دووم يا فتى الجبل بس شفايدة الحجي اذا محد يسمع

سلاماااات يالغالي سلاماااات

فتى الجبل said...

آنو
الله يسلم الكل
جني اعرف انت منو
ليش منخش؟