Sunday, June 15, 2008

معسكرات التأسلم الصيفية والرعاية الحكومية

من يوم مانقطعت نشاطات الاندية الصيفية اللي كانت تترس فراغ الشباب اثناء العطلة الصيفية باشياء هادفة يقدرون من خلالها تنمية وتطوير قدراتهم العلمية وصقل مواهبهم اللي يتميزون فيها...من ذاك اليوم اطلعت لنا معسكرات تيارات التاسلم الصيفية اللي تقوم باذكاء وانماء المواهب العنصرية والطائفية لمرتاديها على مبدأ هذا شيعي وهذا سني ولمشاركة الاخوان المجاهدين في افغانستان والعراق بجهادهم ضد الكفرة الفسقة ومادري ليش ما يدزونهم اسرائيل بس الظاهر بينهم وبينها معاهدة صلح والنتيجة اهيا العبث الطائفي القبلي الفئوي اللي قاعدين نشوفه بالديرة وعدم تقبل الراي الآخر والانغلاق الفكري والغاء الدولة المدنية لصالح دولة كل من يقدر يفتي خل يفتي


واللي يبط الجبد ان الدولة تحتضن مؤسساتهم المالية وتقدم لها كل الرعاية مقابل اهمال بقية المؤسسات المالية اللي لها تاريخ عريق بالدولة علما ان فوائد مؤسسات التاسلم المالية اعلى من التقليدية ومشاكلها مع المقترضين اكبر

طبعا اسميها فوائد مو ارباح لأن للاسف النظرية الاسلامية المالية غير مطبقة بالشكل السليم فعليا


__________________________________

في الختام

رسالة موجهة الى

احمد فهد الاحمد

رئيس جهاز الامن الوطني اللي ماله شغل

رئيس اللجنة الاولمبية الآسيوية

رئيس الاتحاد الآسيوي لكرة اليد

الراعي الرسمي لمسابقات مزاين الابل

الراعي الرسمي لمسابقات قلطات قناة العفن

رجل كل المناصب...الرجل السوبر مان...الرجل بتاع كله

تكفة...تكفة...تكفة

اني اسألك انت واخوك وفداويتكم الرحيلا على قولة القايل

وفكوا رياضتنا من عقلياتكم وشروركم وبلاويكم

26 comments:

Kuwait said...

لووووووووووووووووول ..
عجبني الموضوع الي بآخر البوست ..
وأنا بعد أناشدهم من هذا المنبر الديمقراطي الرحيل ..
وكافي مناصب :)
الرجل الحديدي ..
يعطيك العافيه عالبوست ..
تقبل مروري ..
kuwait

Blog 3amty said...

واااااهاهاها .. أخاف أعلق يتلوني :P

أكتفي بتعليق أختي كويت :P


blog 3amty

كويــتي لايــعه كبــده said...

تتسائل وانت عارف ان الدوله رعتهم ورعرعتهم للتصدي للقوميين وثم التيار الوطني.

بركات فرق تسد

وآخر البوست احلاه
:)

بس ما بنيه واخوانه يحلون عن الرياضه بس
;)

kila ma6goog said...

و انا أيضا أكتفي بتعليقات الأخوة اللي فوقي

حياتي هدف مو عبث said...

بالنسبة للأندية الصيفية

الحق حق .. يمكن يكون هالشي لمجموعة صغيرة فقط

وهذا غلط من غير شك

لكن لازم نعرف ان مو الكل غلط

ومو معناة ان كل نادي صيفي معناة ارهااب

التعميم خطأ

:)))

Eng_Q8 said...

متى بنتحرر منهم

فريج سعود said...

حتى انتوا يا الفتوى والتشريع
احنا من وين نلاقيها

someone_q8 said...

السلام عليكم
اخوي الفتى على فكرة اللنكات مو شغالة عدل يعني الموضوع مو امبين
وبالنسبة لموضوع احمد الفهد انسى ما راح يتغير شيء والصورة المنشوره في جريدة الشاهد يوم افتتاح المجلس اللي فيها الشيخ احمد الفهد يسوق سيارة سمو الامير خير رسالة للكل
عادي تعايش الواقع
ولا نقعد نتحلطم على اللي قاعد يصير بدون ما نتعايش مدام اللي فوق يبون هالشيء

حسافتج يا كويت said...

وبداية كلامي مثل ختامك

فكونا وروحوا

مو غصب انتوا ناجحين


ويه منجب

سدرة العشـــاق said...

: )

puma

بس said...

حسبي الله و نعم الوكيل عليهم



فقير أشفيك عليه ، من أستلم و أحنا أنحدار ألي طيحة الحظ ، حسبي الله عليه
شر الله بلأرض الله

فتى الجبل said...

كويت
شكلنا بنقبض من دبش

فتى الجبل said...

بلوق عمتي
ماكو فايدة هم بتلونك

فتى الجبل said...

لايعة
ايه خلهم يحلون عن الرياضة اول
وبعدين يصير خير

فتى الجبل said...

مطقوق
ياااااا
اشفيكم تعليقاتكم كلها نفس الشي
شنو اشتراكية؟

فتى الجبل said...

حياتي
اللي عنده يهال صار للاسف يخاف من كل جمعية اسلامية ما عدا لجنة مسلمي افريقيا

فتى الجبل said...

مهندس
لي حجت البقرة على قرونها

فتى الجبل said...

سعود
من ابليس

فتى الجبل said...

someone
هالشي واضح انهم يبون يحوسون الديرة
بس هالشي ما يعني سكوتنا واستسلامنا

فتى الجبل said...

حسافتج
المشكلة انهم شيوخ طول ما كانت الكويت بخير
زين ليش يسعون حق دمارها

فتى الجبل said...

سدرة
:(

فتى الجبل said...

بس
اي وايد فقير

Anonymous said...

أنصحك يا فتى العزيز لا تكثر من قرآءة جريدة الوتنيين الجريدة

النتوع زين

-------

لا تنسى ان جريدة الجريدة هم أول من دعى أبو فهد للندوه وهم يهاجمونه بالطالعه والنازله

بـنـت بـطنـهـا said...

أما سالفة النوادي الصيفية هذي اللي ماني قادرة اهضمها استغفر الله يستغلون اليهال بامور اكبر منهم بوايد حسبي الله عليهم شلون البرين واش قايل؟
عسى الله يحفظ عيالنا ويحفظ ديرتنا يا رب

فتى الجبل said...

آنو
مشكور وما قصرت على النصيحة
للعلم فقط توصلنا بالبيت تقريبا 8 جرايد نصهم توزيع ببلاش
وتقريبا اقرا معظمهم

فتى الجبل said...

بنت بطنها
اللهم آمين