من يوم مانقطعت نشاطات الاندية الصيفية اللي كانت تترس فراغ الشباب اثناء العطلة الصيفية باشياء هادفة يقدرون من خلالها تنمية وتطوير قدراتهم العلمية وصقل مواهبهم اللي يتميزون فيها...من ذاك اليوم اطلعت لنا معسكرات تيارات التاسلم الصيفية اللي تقوم باذكاء وانماء المواهب العنصرية والطائفية لمرتاديها على مبدأ هذا شيعي وهذا سني ولمشاركة الاخوان المجاهدين في افغانستان والعراق بجهادهم ضد الكفرة الفسقة ومادري ليش ما يدزونهم اسرائيل بس الظاهر بينهم وبينها معاهدة صلح والنتيجة اهيا العبث الطائفي القبلي الفئوي اللي قاعدين نشوفه بالديرة وعدم تقبل الراي الآخر والانغلاق الفكري والغاء الدولة المدنية لصالح دولة كل من يقدر يفتي خل يفتي
واللي يبط الجبد ان الدولة تحتضن مؤسساتهم المالية وتقدم لها كل الرعاية مقابل اهمال بقية المؤسسات المالية اللي لها تاريخ عريق بالدولة علما ان فوائد مؤسسات التاسلم المالية اعلى من التقليدية ومشاكلها مع المقترضين اكبر
طبعا اسميها فوائد مو ارباح لأن للاسف النظرية الاسلامية المالية غير مطبقة بالشكل السليم فعليا
__________________________________
في الختام
رسالة موجهة الى
احمد فهد الاحمد
رئيس جهاز الامن الوطني اللي ماله شغل
رئيس اللجنة الاولمبية الآسيوية
رئيس الاتحاد الآسيوي لكرة اليد
الراعي الرسمي لمسابقات مزاين الابل
الراعي الرسمي لمسابقات قلطات قناة العفن
رجل كل المناصب...الرجل السوبر مان...الرجل بتاع كله
تكفة...تكفة...تكفة
اني اسألك انت واخوك وفداويتكم الرحيلا على قولة القايل
وفكوا رياضتنا من عقلياتكم وشروركم وبلاويكم
26 comments:
لووووووووووووووووول ..
عجبني الموضوع الي بآخر البوست ..
وأنا بعد أناشدهم من هذا المنبر الديمقراطي الرحيل ..
وكافي مناصب :)
الرجل الحديدي ..
يعطيك العافيه عالبوست ..
تقبل مروري ..
kuwait
واااااهاهاها .. أخاف أعلق يتلوني :P
أكتفي بتعليق أختي كويت :P
blog 3amty
تتسائل وانت عارف ان الدوله رعتهم ورعرعتهم للتصدي للقوميين وثم التيار الوطني.
بركات فرق تسد
وآخر البوست احلاه
:)
بس ما بنيه واخوانه يحلون عن الرياضه بس
;)
و انا أيضا أكتفي بتعليقات الأخوة اللي فوقي
بالنسبة للأندية الصيفية
الحق حق .. يمكن يكون هالشي لمجموعة صغيرة فقط
وهذا غلط من غير شك
لكن لازم نعرف ان مو الكل غلط
ومو معناة ان كل نادي صيفي معناة ارهااب
التعميم خطأ
:)))
متى بنتحرر منهم
حتى انتوا يا الفتوى والتشريع
احنا من وين نلاقيها
السلام عليكم
اخوي الفتى على فكرة اللنكات مو شغالة عدل يعني الموضوع مو امبين
وبالنسبة لموضوع احمد الفهد انسى ما راح يتغير شيء والصورة المنشوره في جريدة الشاهد يوم افتتاح المجلس اللي فيها الشيخ احمد الفهد يسوق سيارة سمو الامير خير رسالة للكل
عادي تعايش الواقع
ولا نقعد نتحلطم على اللي قاعد يصير بدون ما نتعايش مدام اللي فوق يبون هالشيء
وبداية كلامي مثل ختامك
فكونا وروحوا
مو غصب انتوا ناجحين
ويه منجب
: )
puma
حسبي الله و نعم الوكيل عليهم
فقير أشفيك عليه ، من أستلم و أحنا أنحدار ألي طيحة الحظ ، حسبي الله عليه
شر الله بلأرض الله
كويت
شكلنا بنقبض من دبش
بلوق عمتي
ماكو فايدة هم بتلونك
لايعة
ايه خلهم يحلون عن الرياضة اول
وبعدين يصير خير
مطقوق
ياااااا
اشفيكم تعليقاتكم كلها نفس الشي
شنو اشتراكية؟
حياتي
اللي عنده يهال صار للاسف يخاف من كل جمعية اسلامية ما عدا لجنة مسلمي افريقيا
مهندس
لي حجت البقرة على قرونها
سعود
من ابليس
someone
هالشي واضح انهم يبون يحوسون الديرة
بس هالشي ما يعني سكوتنا واستسلامنا
حسافتج
المشكلة انهم شيوخ طول ما كانت الكويت بخير
زين ليش يسعون حق دمارها
سدرة
:(
بس
اي وايد فقير
أنصحك يا فتى العزيز لا تكثر من قرآءة جريدة الوتنيين الجريدة
النتوع زين
-------
لا تنسى ان جريدة الجريدة هم أول من دعى أبو فهد للندوه وهم يهاجمونه بالطالعه والنازله
أما سالفة النوادي الصيفية هذي اللي ماني قادرة اهضمها استغفر الله يستغلون اليهال بامور اكبر منهم بوايد حسبي الله عليهم شلون البرين واش قايل؟
عسى الله يحفظ عيالنا ويحفظ ديرتنا يا رب
آنو
مشكور وما قصرت على النصيحة
للعلم فقط توصلنا بالبيت تقريبا 8 جرايد نصهم توزيع ببلاش
وتقريبا اقرا معظمهم
بنت بطنها
اللهم آمين
Post a Comment