الحكومة تراقب المدونات السياسية باعداد مشروع قانون لهذه المدونات
على رغم الرقابة الذاتية الراقية والمسؤولة اللي قاعد يتحلى فيها 99% من المدونين
وعلى رغم ان التدوين ياخذ وايد من وقتنا وبدون أي أجر مقابل هالشي اللهم الا حب ديرتنا واخلاصنا لها ورغبتنا في علو شانها
وعلى رغم انتقادنا للأخطاء بهدف اصلاحها عشان خاطر هالأرض الطيبة
الا ان الكلمة الحرة تكون صعبة على قوى الفساد
الا ان الكلمة الصادقة تهز كراسي الحرامية
الا ان الكلمة الصافية النقية تزلزل عروش ضعفاء النفس
حطي يا حكومة مليون قانون وقانون
قيدينا يا حكومة بالسلاسل
بس تأكدي ان احنا راح نلقى مليون طريقة وطريقة لحب هالأرض
لخدمة هالوطن
في النهاية مستعدين نموت
بس تحيا أمنا الكويت
46 comments:
ديد ديد
بولمعه عنده موضوع يديد
صج دعله
حطوا قانون ما حطوا ناموا قعدوا ثوروا بروحهم (ماظنتي) بنكتب و بنتحجى و نقول شنو الغلط و منو اللي سوى الغلط
مالت عليكم يالردايا
مو بكيفهم و اصلا الكلام اللي ينقال ما ينقال عبط .. ماكو دخـــــان من غير نار ...
we`ll see
بولمعة
ياي لك يا بولمعة
ياي
سدرة
ما يبون أحد يوقف بويههم
عقب البرامج الحوارية
ياي الدور على المدونات
منو ينسى
نارهم احنا اللي بنطفيها
Wallah sa3at el 7okomah bsenah!!!
And I can hardly think they’d do a good job!!!
I’d care low gayleyyn ena beyyebon a company min outside to do the job! Bs ohma doing it!! Ma’9anety!
for me a7es wanasah el sho3or ena na7no el fe2ah allaty a9ba7t tohaaaab wa to'7sha! wa a9ba7na gowah! min agle eygafeha yasenon el tashrey3at wa el gawanyn!!!
انتهى الارسال!
كللللمة الححححق موو عاججبتهم
:( ضاق خلقي والله على هالاقتراح للقرار التافهه
اليوم المدونات باجر بيراقبون الديوانيات ولا قعدات الحريم .. لحماية الوطن
أي حمايه اي بطيخ هذيل يعرفون حمايه؟؟؟
someday
يخافون منا لأن احنا نقول كلمة الحق
سيليزيا
يبون يحمون الحرامية وقوى الفساد وبس
أعتقد وقت التحرك الجدي بده ، و بسنى تحلطم و لازم نتحرك ، يسكرون وحده نفتح بداله ألف وحده ، جهل الله يلعنهم و ياه ؟؟
دمت بخير
الحين على حظي يوم فتحت الحفيز
بيسكرونه مالهم امل اسوي حمله
واسميها معركة ام البلوقات
بس
أكو مليون طريقة نلعب فيها مع غبائهم
بولمعة
وآنا وياك
الله يعطيكم العافية
وبهالديرة الزين ما يبونه وانتم قمتوا تضايقون الشرفاء وما تخلونهم يشتغلون عدل :)
بوجاسم
أأأأأأأأأأأأأأوه
وقفنا كل مشاريع شرفاء روما الكويتيين
مساكين مو مخلينهم أبد يتهنون بانجازاتهم اللي صكت على انجازات حضارات الدنيا من يوم انخلق أبونا آدم:(
تخــــــــــــــــلف
راح اقولها بكل مكان
اخوي فتي البراري والجبل ودي أأكد على النقطة هذي
كلمة الحق ينخاف منها
وانشاء الله السوس ياكل كراسيهم
على كل حال مدونتك روعة
و فعلا احييك
ونموت وتحيا الكويت
العرزالة
اي والله تخلف
هدب
تعليقاتج أروع
ما يدرون ان في الف طريقه وطريقه نقدر انوصل صوتنا فيها
ماني مطول بالتعليق بكتب بوست ... حتى البوست ماراح يكفي
فتى الجبل قلتلك لابد من وقفه
وقالها العرزاله تخلف
انشاءالله انا اول واحد ينسجن و اصير مشهور مثل المصري و السعودي
الدستور و كفل لنا حريه التعبير عن الراي .. اهما شحارهم ..
المشكله انه القررارت قاعده تطلع من ناس ماتدري شنو يعني مدونه ولا شنو يعني كتابات حره .
حرونه من الصبح الله يحرهم
في مثل يقول
لا تبوق و لا تخاف
دام انه في خوف يعني في بوق
و الكلام اللي ينقال صحيح
و اكيد في طرق مختلفه للتعبير عن وجهات النظر
منها الشفرات
يعني راح نصير
رأفت الهجان
:)
اللي عنده شي خل يقوله
قبل لا تشوفه الرقابه
:)
الاولى خل يحطون رقابه على المسلسلات الخليجيه
!
ماكو الا العافية
يتغشمرون معاكم بس
قبس علينا بو لمعة :)
اليوم ما عندي اعتراض
:)
اتوقعون شنو الفنتق الي بيطلعون فيه بعد البلوقات ؟
su2al ?
e7na akeed dawla demuqra6ya ?
wala bs kalam ?
اخوي فتى اذا سكروهم انا بكتب
على كل محولات الكويت
لا للعوازم
ما اصدق
فتى الجبل
ما اصدق هالخبر
مومعقوووووووله ياخوي
وين قاعدين
؟؟
كل واحد يكتب اللي يبيه وربي راح يحااسبه
بعدين الخوف من رب العالمين مو من بشر
والرقابه لازم تكون على وايد أشياء مو على المدونات
وااي باجر يحطون أسامينا بالجراايد
عفواً أنا ما أتعامل إلا مع الوطن
:$
فحياهم الله
:)
وخل يراقبون تصرفاتهم أول بعدين يتكلمون
صبحك الله بالخير اخوي فتى الجبل ,,
يمكن يكون غلط او غلط اذا كانت المراقبه على المدونات على كل حرف ينكتب وعلى كل راي الواحد يقوله انا اعتقد ان الي خله هذا الخبر يكبر وياخذ اكبر من حجمه اهيا الجرايد والا ما اشوف هالقانون فيه غلط لان لازم يكون فيه رقيب على هالمدونات لان لو تشوف هالفتره الي طافت كثروا الشباب الصغار الي يقولون راحوا جاهدوا بافغانستان وماتقدر تقول شهيد والا مو شهيد هالانسان بس تقول الله يرحمه ,,,
يعني في ناس تكتب بالمدونات ضد الحكومه من غير سنع او بالاحرى تبي تشب نار الفتنه لو ما في رقيب على هالشي راح يكبر ويكبر ,,
انا مع قانون في مراقبه بس على الشي الي يزيد عن حده يعني مو على اي كلمه والا راي انسان يمسكونه ,,
اتمنى تكون وصلت فكرتي على هالقانون واشكرك على هالموضوع
الحكومة عليها حركات...تنام تنام وتطلع لها بفسه..اسمها المحيلبي..وهالفسه كل مالها وتزيد الشق
مهندس
والله اللي نتفق عليه ويكون بقدرتي ما راح أقصر فيه ان شاء الله
وان قصرت فمنكم السموحة
مطقوق
ان شاء الله ما توصل هالمواصيل
الخيلاء
خلهم أول شي يعدلون الديرة
بس أبوي مايقدر الا على أمي
بيس
اهما مساكين
حتى أعتى دكتاتوريات العالم ماقدرت في النهاية تمنع الشعب من التمرد على الكبت
ولد الديرة
بولمعة من يوم قام يفر ويقول ديد ديد عندي موضوع يديد واحنا مو مترقعين:p
صلاح
حياك بكل وقت
مارشميلوس
بنرد على الحمام الزاجل
داون
عند العرب
اي بس بيع حجي
بوراشد
لا للحكومة وانت الصاج
فانكوفر
بالكويت صل على النبي
حياتي
اهما يدرون ان تصرفاتهم تفشل
عشان جذي ما يبونا نفضحهم
الظفيري
الكلمة الحرة ياخوي ما تحتاج لقيود
والحكومة نيتها مو صافية بهالموضوع
أما اليهال اللي تقول عنهم واللي يتحجون عن الجهاد فاعتقد اهم قاعدين على قلوبنا من 30 سنة
وأقص ايدي اذا الحكومة تقدر توقفهم
كراكاتوا
يا ليتها مكملة نومتها أحسن لها ولنا
Post a Comment