بورمية في سياق رفضه لازالة التعديات على املاك الدولة : لماذا لا يواجه رئيس الوزراء تجاوزات ابن عمه والا حاميها حراميها
بذمتكم هذا منطق نائب امة والا منطق حرامي؟
مو المفروض انه يدعو لازالة كل اشكال التعديات من ابناء الاسرة والوزراء والنواب والشعب؟
مو المفروض انه يوقف ويتذكر الشرفاء بهالديرة اللي محترمين نفسهم ولا عندهم اي مخالفات لا بالشاليهات ولا بالشويخ الصناعية ولا بالدواوين مثل ما انه تذكر ودافع عن حرامية الديرة؟
يابورمية ليش ما تتحجى عن الناس اللي محافظين على ضمايرهم؟
يا محامي الحرامية والبواقين ليش ما تساند اللي رافضين كل اشكال النهب اللي قاعدة تصير بالبلد؟
يا بورمية الحجي اللي انت تقوله (ذاك باق ليش آنا ما ابوق) هذا منطق الغابة والحيوانات اللي يعيشون فيها من غير قانون
بس الحيوان معذور ما عنده مخ...ما يفكر
انت يا دكتور وين مخك؟....وين تفكيرك؟
بس الظاهر يعجبك منطق الحيوانات وعيشتهم
28 comments:
هذا اسلـــــــــوب
!!!
استغفرالله ساعات الناس يقفلون .. ويقطون كلام ماله معنى
... عشان شنو مادري
منو ينسى
هذا اسلوب الحرامي
بورمية اسلوبه دفاشة واسلوب شارع .. وبعدين اكو بني آدم صاحي وعقله براسه يهدد ويستجوب على عدم ازالة المخالفات ؟؟!!!!!!
اسمها مخالفااااااااااااات ...
هذا واهوا دكتور .. مشكلة والله النواب اللي نفسه
متعصب
المشكلة انه دكتور؟
السؤال اللي يفرض نفسه
من أي فصيلة ؟ الأسود ولا الأنانب ؟
: )
:>
طنق
إلا مجيم
:/
السلام عليكم
والله ابتلشنا بهالنوعية من النواب , كل ما اقره تصريح فيه نفس الاسلوب البدائي هذا اتحسر على الكويت انها فيها هالنوعية من النواب والمشكلة انه دكتور يعني النفروض يكون اسلوبه وطرحه ارقى من هالشيء
اخيييييييييه عليج ياكويت , لكن ماكو الا انقول لوخليت خربت
مو مخ طنق
مـــــــــــخ طـــــــنـــق
المشكله انهم ذاك اليوم طالعين بالتلفزيون يتحجون عن مميزات الدواوين مصورين الموضوع انه ضد الدواوين مو ضد التجاوزات
مو غريبه على بورميه .. لو قايل غير هالشي استغربناه..
ابتلشنا بهالنواب الي مايشوفون ابعد من ريولهم و مصالحهم الانتخابيه فوق كل شي
اهلا اخوي نهاش
اذاهذا منطق نائب امة
ما عندي أى تعليق وما عندي كلام اضيفه
تحياتي
أخي العزيز الغالي فتى الجبل
أقول لك شي
أكيد مر عليك بيت الشعر اللي يقول
لكل داء دواء يستطب به
إلا الحماقة أعيت من يداويها
واحد أحمق مثل هذا شتقول له، و بأي منطق تكلمه
أفففففف
والله إن كلامه يدبل الكبد
بس ردك عليه عجيب و يا ليت يوصل له
أسأل الله لك و للجميع التوفيق
رغم اختلافي على المبدأ
وطريقه الطرح
بس صج
يا فتى الجبل ملينا
والله لو اراويك اشلون قمنا نشيل التجاوزات عن بيتنا
موجود الفيديو على يوتوب اذا ودك تشوفه
انا والوالد طالعين ونعلمهم .. في عمود اهني
احنا مسوين جذي .. وفي سور بينا وبين بيت ييرانا
ماكانو منتبهين .. احنا نعلمهم
مو عن شي .. ولا تفلسف .. بس الغلطان يعترف بالغلط
آخر شي تدري شنو ؟
خلصو من بيان
وين راحو؟
بذمتك قولي وين راحو؟
راحو شويخ
راحو البيوت الي تطلع على الحب ؟
راحو الخالديه راحو و راحو و راحو
ليش يعني ؟؟؟؟؟؟؟؟؟؟
شي يقهر وربي
والله مستعد انا اطلع معاهم اشيل المخالفات عن جيرانا كلهم .. وادليهم واحد واحد .. وكلهم فرحانين
لأنهم يعرفون القانون
لكن ابي هذيلاك
هذيلاااااااااك
ليش محد يجيسهم
اذا صج يبون الناس تسمع كلامه .. يبدون بالشويخ والضاحيه وانت نازل
مو مناطق ومناطق
وابي اول واحد .. ابن عم رئيس وزرائنا .. اذا كان جاد بالسالفه ويبي المساواه
وارد واقول .. والله لو اييون صوبنا واحنا مخالفين راح نشيل بدون مانقول شوفو ذاك وشوفو هذا
بس شي يقهر الي شفناه .. ومتأكد راح نشوفه !!
تحياتي
شهالحجى
المفروض يقول شي سنع علشان يكون مثل للناس يقتدون فيه
اثاريه اي شي
بوووق بووق بنهب
اخوي فتى
اهو عنده صالون بالبيت
يعني لا تلومه
ومشكور على الكلام الحلو وتدري مرات الواحد يحتاج وقفه يلتقط فيها الانفاس
علشان يرجع فرش
:)
كلن ترده تربينه و أصله ؟
و شتهقى من هالأشكال ؟
دمت بخير
لاتعليق بصراحه لكن الي اقدر اقوله بيي اليوم الي كل واحد ينكشف من شغله
والموت حق علينا كلنا
وربك فوق يحاسب
بو رمية جاهل ما يفهم. ليش ما تتكلم عن اللي سمع كلامه و وقف قرار الإزالات؟
إذا كان رب البيت بالدف ضاربٌ؟
عن منو بنتدافع يا فتي الجبل؟ عن منو؟
هو اللي انتصر على اكبر شنب وسووو اللي يبونه والحكومة فشلت في الاختبار
بو رمية النائب الخطأ
وهو أحد جوانب الديموقراطية المظلمة
الروس نامت والعصاعص قامت
بو رمية هذا بالذات صار اللي يبية يصيرة بالكويت وكلة مخوف النواب بالإستجوابات .
طبعا مو ليش إنة بطل لأ ليش الحكومة ضعيفة
بورمية وغيره ينفسون حقدهم فقط لا غير ودليل تركيزهم على وزارة المالية المعقل الوحيد لا يتواجدون اشكاله
thats not bo ramyah opinion....that is the opinion of the people who voted for him...and he doenst want to lose their votes...he is just delivering the message
al3eeb fina ya khoy....we chose the one who will say yes to ANYTHING we want
بورمية تاجر بمشاعر ذوي الدخل المحدود
عرف اللعبة صح..
انا مع الازلة بشرط ان تكون على الكل
والا خلو عليها رسوم رمزية حالها حال الشاليهات
صعبه؟
لا ولا عليك لوا ... الحيوانات على الأقل رب العالمين مسيرها على غريزة يخدمون من خلالها التوازن البيئي
إنت جذي الله يهداك قاعد تهين الحيوانات
انا اعتقد انه منهم
باااع =\
شكرا لكل من شاركني التعليق على البوست
Post a Comment