الله...اشحلاة دولة اللاقانون ! بدولة اللاقانون كل شي تبيه تسويه
دولة اللاقانون مثل الغابة ما يعيش فيها الا القوي....وحقك تاخذه بايدك
بدولة اللاقانون كل ما تقول للواحد شغلك غلط قال اشمعنى آنا يت علي يعني؟
بدولة اللاقانون بس يفصلون قانون للمديونيات حق اللي ما سدد واللي احترم نفسه وسدد خله يطق راسه باكبر طوفة
بدولة اللاقانون بس يحمون الحرامية اللي باقوا الديرة بايام الغزو واللي باقوا بدورة الخليج والنفط وياخذون اعلى المناصب
بدولة اللاقانون اللي يبوق مليون ينحط على الراس واللي يمشي تحت الساس ينداس
بدولة اللاقانون يدافعون عن التجاوزات على املاك الدولة بدون اي خجل او حياء
بدولة اللاقانون يسوون صندوق لسداد مديونية اللي راح واقترض بمزاجه وعقب ماستانس بفلوس القرض ما صار يسدد
وقيمة مبالغ الصندوق 300 مليون دك علما ان عدد الطلبات الاسكانية تجاوزت السبعين الف طلب...بذمتكم جم بيت ممكن ينبني بفلوس الصندوق؟وجم مدرسة؟وجم مستشفى؟ وجم جامعة؟وجم مشروع انمائي؟
كل هذا يتم في الوقت اللي تنتشر فيه الجمعيات الدينية بكل مكان
كل هذا يتم في الوقت اللي يقولون انه وقت الصحوة الدينية
كل هالشي يصير باسم الدين
وآنا اقول ان هالشي ما صار الا بتحالف الحكومة مع تيارات اللعب على اوتار الدين ونوم اهل الديرة بالعسل عن محاسبتهم
ملاحظة : على الرغم من عدم اهتمامي بالسياسة الخارجية وعلى الرغم من الغصة اللي فيني من الفلسطينيين الا ان الحق ينقال ان اللي قاعدة تسويه اسرائيل فيهم حرام ولا يرضي لا الله ولا خلقه والاسوأ سكوت العالم عن هالمجازر البشعة
34 comments:
ليش إقحام التيارات الاسلاميه
هل انت تبرر للباجي يعني
الباجي مساكين صح؟
19 نائب اسلامي
الباجي وينهم؟
طرحت يا اخوي يا نهاش مشاكل سنين متراكمه وبلاوي
كل التيارات بالديره مشتركه فيها
انا اقول في حل واحد بس
حط القناة الأولى
شوف اوبريت صباح الوطن
وكل شي ان شاء الله تمام
ويعطيك الف عافيه :)
سمالله علينا ..
يا كويتينا
الباجي شملتهم مع النايمين بالعسل
يعني ذميتهم ما خليتهم
بس عندي اعتقاد ان المتاسلمين اهما اساس مصايب الديرة مع الحكومة
منو ينسى
هذي الكويت صل على النبي
بدوله الا قانون تحترق قلوب الغيورين عليها و اهما يشوفونها تغرق ..
شي يعور القلب .. والله حرام الي يسونه
ما نقول غير حسبي الله و نعم الوكيل على اللي عفس الديرة
فججوا
و عسى الله يحفظ ديرتنا من كل شر
شلونك اخوي فتى
كلنا مسلميين ياخوي بس الجماعه مشكلتهم انهم مسويين نفسهم اوصياء علينا
وانا اقصد الكل اسلامي على ليبرل على قومي على شيوعي كلو على كلوا
لما تشوفو أولو سيبني اعيش براحتي
الله ياخذ اليهود يارب
الخيلاء
هذيلي ما يعرفون الحلال من الحرام
حرمت عليهم عيشتهم
سدرة
الحجي ضايع معاهم
بوراشد
ترى البقية آنا شملتهم باللي نايمين مع العسل
بس المتاسلمين والحكومة امكر
تعيش دولة اللا قانون
وبالنسبه للمديونيات دش عندي
يبونها جذي يا فتى الجبل
دولتهم و ليست دولتنا
مالك شغل بحلم
ترى اهي دولتنا مو دولتهم
لا تلمني على عدم ردي لمقالاتك احيانا
فمواضيعك تتحدث على من القلب الى القلب وايضا على مايحتويه القلب من هموم على حال البلد
كل مقال لك لا استطيع ان اعلق عليه سوى
يعطيك الف عافية وتسلم ايدك
اتفق معك تماما عزيزي
اما بالنسبة لغزة
وان كان مؤسف حقا تلك المجازر التي تحدث هناك
الا ان ربع حماس سعيدين بما يحصل هناك
ويريدون منا تأييدهم في سياستهم
ضرب اسرائيل بالصواريخ
ورفض الرد الاسرائيلي
اي منطق اخرق هذا ؟
تحية لك اخي الكريم
عزيزي فتي الجبل
مثل ما تفضلت دولة اللاقانون
اشوف انها غير موجودة
وانها افتعال صحفي لان القضايا عندنا مزاجية
يعني طلعوا هالمصطلح بالضبط وتطنطنوا عليه علي سالفة الدواوين
يعني وينهم على البوقات وسراق المال العام الصجيين
وين القانون عن الغلاء
وين القانون عن التجار
يا عزيزي لا ناخذ المصطلح اللى يبونه ناخذه بمزاجهم ونقعد نلطم بدون ما نقول هل فعلا موجود ؟
السلام عليكم
اخوي فتى الجبل
الجمعيات الخيرية بما فيها لا تصل الى مواصيل الجهات الحكومية من ناحية
الرأس المال
وبعدين الجهات الخيرية ما تساعد اللي ماخذ قرض بو 20 ولا 70 الف
وشنو علاقة الصحوة الدينية باللي قاعد يصير ؟
الصحوة الدينية ماتصير في هذا الوقت فقط بل اصلا على مر العصور والسنين يكون هناك جهل في الدين تتخلخل هذه العصور ويأتي رجال يجددون الدين بعلومهم
فالصحوه تكون من خلال الفكر المنير , من خلال نشر الوعي الديني حتى لا تنتشر البدع والخزعبلات اللي كل يوم قاعدين انشوفها
وبالنسبة للفلسطينيين اقول مهما يصير بينهم من تناحر لكن الاسرائليين الصهاينه باللي قاعدين يسوون فيهم من قتل وهدم شيء ما ينسكت عنه
ولا تنسى يا عزيزي فتى الجبل هذه ضريبة الضعفاء اللي اهم احنا يالمسلمين ويالعرب اللي قمنا نحارب الصهاينة بالكلام واهم يحاربونا بالآلات الحربية يعني اهم فعل واحنا كلام
مشكور ماتقصر وعساك عالقوة
تصدق عاد احب الاختلاف معاك بالافكار
لكن مع هذا لك بالقلب معزة كبيرة
الحاصل في غزة مأساة بكل معنى الكلمة
الظلم بالسوية عدل بين الرعية
لكن حكومتنا حتى بالظلم مو عارفه تعدل
اخيي فتى الجبل
لا تعليق على اول جزء لأن القضية اكبر بكثير من قضية اسلاميين
غزة
العالم ساكت لسببين
العرب والمسلمين مو كفو احترام حالياً لأن بينهم و بين بعض يسوون اكثر من الإسرائليين
و اليهود متحكمين بالإعلام العالمي و المصارف
وعندنا روتانا
شتبي النتيجة
اولله شدعوة .. مو لهالدرجة !
بدولة اللاقانون فيها قانون بس على الفقارة
الله يصلح حالنا ويوفقنا حق اللي فيه خير للكويت
مهندس
افا عليك
كل يوم آنا عندك
حلم
عيل خل يعطونا فيلجا وبوبيان حقنا
صلاح
ترى غربلتني انت مع حلم
عيل نعطيهم فيلجا وبوبيان وخل يطسون لها
علي
مشكور يا خوي
دشيت عليك امس
بس مدونتك مو راضية تستقبل تعليقاتي مادري ليش
حمد
آنا ضد كل الاحزاب اللي تتاجر بالدين ايا كانت
بس آنا اتحجى عن اللي مالهم ذنب
اتحجى عن المواطن البسيط
مشاري
آنا ماخذته منهم
آنا كتبته عن قناعة
الديرة مافيها قانون
عندي وايد امثلة واحيانا صعب تنذكر بالبوست
someone
القلوب شواهد ياخوي
اللي قصدته من الصحوة يا خوي ان المتاسلمين اهما اللي مسيطرين على المناصب الحكومية من 30 سنة والمفروض انهم يتقون الله بشغلهم
بس اللي نشوفه العكس تماما
محسد
فرق تسد
ولد الديرة
النتيجة ان احنا بآخر الركب
الحارث
لو عندك شغل مع الوزارات نفسي جان عرفت لي اي درجة وصلنا
سعود
اللهم لا اعتراض
متعصب
آمين
Post a Comment