قبل أول أمس تفاجأنا بهجرة أحد المدونين ( الحلم الجميل ) و أول أمس توقفت مدونة وجهة نَظَر عن سرد تاريخ الكويت ... و قبلهم حسينا بفتور بالمدونات ... ليش يا جماعة ؟
و عسى المانع خير ؟
ليش هالنظرة السلبية في معالجتنا الأمور ... أصلاً احنا اكتسبنا القوة و الحماسة و احساسنا بالوطنية زاد بسبب مدوناتنا ... مع إني ما أعرف و لا مدون معرفة شخصية بس حسيتهم كلهم اخواني و خواتي ... و عطوني العزم و الإصرارعلى انشاء مدونتي .. عقب كل هذا ... و عقب كل هالطريج اللي قطعناه ... نوقف و نهاجر وتهدا حماستنا
بصراحة أحس بالإحباط لأن الناس اللي نعول عليهم لإصلاح البلد قل نشاطهم و حضورهم بالفترة الحالية
زين ليش ما يكون لنا نقابة للمدونين ؟ مثل نقابة الصحافيين ... و إذا أكو نقابة أو جمعية يا معودين قولولنا عشان نشترك فيها ... تدعمنا و ندعمها و تحمي حقوقنا
2 comments:
السلام
صراحة ماني شايف السلبية بالدرجة اللي تتكلمون عنها , الناس اللي تكتب بالسياسة بشكل جدي لا زالت تكتب و هم قلة , أما أيام نبيها خمسة فقد كانت القضية من الضخامة لدرجة ان الجميع تفاعل معها سواء سياسي أو غير سياسي
السياسيين لا زالوا سياسيين و لكن تنوعت المواضيع كونهم مو لاقين قضية كبيرة أمامهم , و الغير سياسيين عادوا الى مواضيعهم الأخرى
عدد المدونين في ازدياد ملحوظ و هذا المهم , موجودين عالستاند باي ينطرون أي قضية كبيرة ليتفاعلوا معها و هذا شي أفضل من وجهة نظري
أما عن قصة النقابة فهي صعبة جدا و صراحة ما أأيدها كونك ما تبي تكون مسؤول عن شخص ما تعرفه و ما تضمن تصرفاته
الأنترنت مجال مفتوح
شكرا
وعليكم السلام
يمكن مثل ما تفضلت أنا عرفت المدونات من أيام نبيها خمسة و كانوا الشباب و الشابات وايد نشيطين فهذا اللي شجعني ... بس على قولتك كون إن مافي قضية عووودة ليلحين !!! فهذا اللي مخلي باجي المدونين طاخين شوي
حياك الله يبا
Post a Comment