لما كنت أسمع وأقرا عن اقتراحات كبار الاقتصاديين النواب عندنا عن اسقاط القروض أو البدعة الثانية واهيا اسقاط فوائد القروض
كنت أضحك عليهم خاصة اني خريج اقتصاد وأدري ان هالشئ خرابيط بخرابيط ويدل على عدم وجود أسس الدولة بتفكيرهم وانهم
معتبرين البلد مجرد بقرة حلوب يشربون منها ومتى ما جف ضرعها باعوها بأرخص الأثمان..دولة الرفاهية تعني اني أعيش بجو سياسي واقتصادي واجتماعي ورياضي ...الخ على أرقى المقاييس بالنسبة للعالم وبنفس الوقت أقوم بأداء واجباتي تجاه بلدي علشان أحافظ عليه وعلى رفاهيته..فمن أبسط المفاهيم ان اسقاط القروض أو فوائدها راح يؤدي لاقتراض الناس مرة ثانية وبالتالي زيادة الفلوس في الاقتصاد المحلي
وبالتالي راح يساهم بارتفاع الأسعار(أنفع أكون مدرس) وعندها يؤثر على رفاهية المواطن..وبما ان دور الانعقاد جرب فنشوف ان النواب
بلشوا حجي بهالموضوع
اليوم الاقتصادي العظيم سعدون حماد صرح (الوطن عدد 11381/5827) ان هناك تحرك قوي لاسقاط فوائد القروض
وآنا بعد التفكير واليأس والاحباط من الحكومة ومجلس الأمة والناس اللي وصلوا هالأشكال أقول اني مالومهم على هالتفكير طالما انهم يشوفون حكم بالادانة يسقط بسبب نسيان التاريخ
مالوهم لما يشوفون أراضي بالملايين تتأجر ب 400 دينار
مالوهم طالما ضيعوا شئ اسمه وطنية..طالما نسوا الكويت تاج روسهم وروس طوايفهم
مالوهم لانهم معتبرين الكويت مكان عابر سبيل وماعتبروها دولة وكيان ومستقر
10 comments:
لازم نلوم نفسنا لأننا مو قادرين نوصل لمستواهم التفكيري و الاصطراطيجي
في الكويت يضربون المبادئ الاقتصادية بالطوفة يخترعون اقتصاد خاص فيهم يخترعون نظريات اقتصادية جديدة المهم يطلعون فلوس
مو حجي هذا
اسقاط قروض لأنه فلان باق وفلنتان اختلس
اذا اسقطنا القروض مقابل السرقات
صارت ديره بطيخ
يعني كل ما باقو سكتونا بجم فلس
وين الي يطالبون بالعداله والمساواه .. نطبقها على روحنا قبل لا نقولها حق الحكومه
واسقاط القروض مافيه عداله ولا منطق .. بس يمكن فيه بطيخ
وعاش اقتصادنا الي مسلسل يعفسه فوق تحت
فى دراسة حق الدكتور محمد ابراهيم السقا
بسنة 2005 واهو دكتور اقتصاد بجامعه الكويت
وايد ممتازة
كل الكلام اللى كاتبه حلو
لكن مثل ما انت قلت
لما انا ادري بالكويت فى 20 مليار دينار خلال السنوات السابقة والحالية وما اشوف اى تغيير؟ ولا بناء جديد شلون ما اطلب هالمطلب اللى ما يدل على اى تفكير اقتصادي
اكيد باطلب زيادة رواتب
واسقاط قروض
وكل شئ طول ان ما فى اى حركة او بناء حكومي
اي صح مطقوق..مستواهم الاصطراطيجي
وايد كبير
اي والله يا فريج سعود
المال السايب يعلم البوق
q8i_blogger
اهوا مو حجي وديرة بطيخ
شنسوي ابتلشنا فيهم
الله يحفظ هالديرة يا مشاري
من هالناس
اسقاط القروض غايه كل حرامي بالديرة
ليششششششششش
قبل لا يكون له الخبر الاكيد على راح ياخذ و يحط و يشيل يعني اشكره مختلس مبالغ حتى لو عاش عمر نوح عليه السلام مايقدر ييب الفلوس الي باقهم
و عن طريق الخدمات للمواطنين ماكو كلا حق الوافدين الي كلو لقمه الكويتي بديرته يعني معقوله 1كويتي عن 10 وافدين اييي شييي
و ثانيا ترشيد 10ملايين دينااااااااار كويتي عشان هالحمله الي بصراحه ماله هدف ولا معنى لي درجه يران الشمال يتطنزون علينا
لي متى ياكويييييييت لي متى بيظل الكويتي مضغوط بديرته و يقولون ليش بكل كويتي مريض بضغط و سكري
من الهم و الغم الي قاعد يصير فيه و النواب حاميها حراميها ماكو ولا واحد جرى يقول او يبدي مصلحته على مصلحه الديرة؟؟؟
ماقول الله عسى ربي يحفظ الكويت و ياريت لو سمو الشيخ صباح يشوف شنو الأولويات الي يجب عملها لتسهيل امور المواطنين و بعدين الشغلات الثانويه
تحياتي
لا ويا ليتهم يحمدون ربهم يا سوكي
كل اللي تسويه الكويت لهم ومو راضين عنها
Post a Comment