هل يحق لرئيس مجلس الأمة كفالة نائب بصفته رئيسا لهذا المجلس؟
وهل فعلا لا يعتبر هذا التدخل ضد مبدأ فصل السلطات؟
واذا كان جائزا فالأولى تدخل رئيس مجلس الأمة لصالح كل كويتي متهم وذلك لسبب بسيط واهوا ان المواطن
اهوا من انتخب هالنائب ووصله حق المجلس بما فيهم رئيسه
وبالتالي فالأفضل ان احنا نلغي مهنة المحاماة ونخلي رئيس المجلس ينوب عنهم
بس اخخخخخخخخخخخخ..ليش ما دافع الخرافي عن بشار وجاسم؟
ليش ما سمعنا صوته ذاك الوقت؟
والا النائب على راسه ريشة
واحنا الشعب عيال العبدة
8 comments:
اسئل نفسك نفس السؤال؟
وينك عن حق النائب في دفاعه عن افراد المجتمع ضد جميل السلطان ومباحث فاسدة وتغطيهم بغطاء الاساءة للقضاء
وينكم كلكم من ممث الامة المنخب ليش دفاعكم عن نفسكم مفهوم ودفاع الخرافي غير مفهوم يعني
والله اللبراليه رايحه فيها
حياك يا الضربة
احنا ماقلنا لا يدافع عن نفسه يالحبيب
أكو محامين يترافعون عن المتهم واهما اللي يترافعون أمام النيابة والقضاء
أما الخرافي فأهوا له حق يقول رايه
أما انه يبعث برسالة حق النيابة
فهذا الشئ اهوا اللي مشكوك بقانونيته
بعدين انا مادري اشدخل اللبرالية بالموضوع؟
اتصور اذا كان هناك عضو متورط بجريمه قتل وسحبوه يكفله المجلس ؟ :)
واذا انحاش هذا العضو من سيحاسب بدلا عنه الخرافي ام المجلس ؟
لوول
هلا حمد
رئيس المجلس يكفله بصفته
واذا انحاش يحاسبون اللي انتخبوا النائب بتهمة انهم اهما اللي وصلوه
حق المجلس:p
لا تستغرب ترى كل شئ يصير بالكويت
اخوي فتى الجبل لنكن صريحين
لو كان أحمد السعدون رئيس للمجلس وقام بنفس الفعل
مالذي سيقال
بكل بساطة
موقف وطني
صح
المسألة واضحة انها لشخص الخرافي
وليس تحيزا ولكن ما في حيادية بالمواضيع لما تكون شخصية
بتفهمنى الحين ان الناس واااااايد مهم عندها القضاء لى هالدرجة
خليها على ربك
:)
يعجبني اسلوبك المتواضع يا مشاري
بالانتقاد..وانت من الناس اللي يهمني
رايهم
بس تأكد انا ما أوقف مع أو ضدأي شخص
لمجرد مواقف شخصية
ومثل ما انتقد الخرافي آنا مستعد اني انتقد السعدون وغيره
اللي يهمني مصلحة الكويت وبس
لا تلومونه
الخرافي ما سمع بالقانون من خمسين سنة
مو رادة على هذي
صح لسانك مطقوق
Post a Comment