اللي آنا أعرفه ان أكو ضوابط وشروط أقرها مجلس الأمة لاقامة الحفلات الغنائية..ورغم سخافتها بس قلنا يللا ميخالف مدام انها بتسمح باقامة حفلات زينة وراقية وتخلي الواحد يغير جو شوية ويستمتع ويرفه عن نفسه
ومع وجود هذي الضوابط الا ان وزارة الممنوعات والملقبة جزافا بالاعلام بالكويت امتنعت عن ترخيص حفلة غنائية للمطربة أليسا
خوفا من التيارات الدينية اللي صاروا مثل حمارة القايلة اللي يخرعون فيها اليهال (الخبر بجريدة الجريدة) وذلك رغم التزام المتعهد بهذي الضوابط وعلما ان أليسا مو أول مرة اتيي فيها حق الكويت..ويقولون بعدين ليش تسافرون بكل عطلة واجازة؟
والله نسافر لاننا ما ندري وين نروح؟
ومن كثر أماكن الترفيه بالديرة ماندري وين نولي؟
ماشاء الله مسارح راقية تقدم روائع شكسبير..وأوبرا تنافس أرقى أوبرا بالعالم..سينما يقطعون فيها كل شئ ويخلون مشاهد العنف ليما انقطعت مشاعر الطيبة عن شبابنا..حفلات تجمع أفضل المطربين.ومهرجانات محترمة
فعلشان ما نحتار من كثر الأماكن نفك روحنا ونسافر
ديرة ما فيها الا مطاعم وسوق ويسألوننا ليش نسافر
رضينا بهم ضوابطهم والهم ما رضى فينا
8 comments:
ابتلشنا بلشة .
اشوفهم ما بطلوا حلوجهم يوم ولي العهد السابق كرم نانسي عجرم بحفلة الوطن .
أبوي ما يقدر الا على أمي
اللهم اني صائم
مابي افطر عليهم
شنسوي..حتى احنا مانبي نفطر عليهم
يا مطقوق
بس من بطة الجبد غصب نتحجى
عزيزي فتى الجبل
اولا انا معاك قلبا و قالبا على الموضوع الي ذكرته و بصراحه موضوع يعني مادري شقولك حساس وايد
و الديرة صارت اي شي ان سألتني شلون
شوف ياطويل العمر على مقالتك لمن قلت منعوا حفله لأليسا تعرف ليش
لانه ربع بوقتاده الناقص يسوون جمعيه ولا استغفرالله يألفون كتاب معانه النهي عن المنكر ياربي انتو مو الله استغفرالله يعني يحرمون و يحللون براحتهم الله الي بيده الحساب
والله من دون مبالغه ياعزيزي فتى الجبل ترى هالاشكال ماغيرهم ودرو الديرة و خربوها
و النبي الف الصلاه و السلام عليه برئ من هالاشكال والله خربوا سمعت الكويت يبا اذا موعاجبكم روحو بيعوا بيوتكم و سكنو بالدول الي يمنا تبي من هالنوعيه من الناس الي تمشي و تنصح
والله بوذا ماسوا السووه ياربي حلاه الواحد يكون متسامح نصوح لكن اذا ما سمع النصيحه في الله فوق اهو الي بيحاسب
الحين فرقت مع الحفلات الغنائية
ياربي متى نفتك منهم و هالاشكال الموليه ماوراهم غير الدمار و خراب البيوت و حرام علي غيرهم و حلال لهم
و مابي احط بذمتي اوصخ ناس بالديرة هالاشكال تلاقيه موبس يكره اليسا شكليا ولكن من داخله يبي هيفا و يحب ابو الدلع كل و الزوجته تقول طوفه من طوفات البيت
الحمدالله والشكر بس
ادري طولت عليك لكن صج يبتها على الوتر الحساس يا فتى الجبال و عساك على القوه يالغالي
غباء مستحكم
أتمنى أن يلجأ المتعهدون الى القضاء العادل و النزيه و الشريف جداً لإنصافهم
سوكي كاندي
بكل حركة حتى لو بريئة ومن دون قصد
يكفرونا
ملينا منهم والله
اي والله حلم
لا والمشكلة أغبياء ويتفلسفون
Post a Comment