الشعوب الحية تقاس بمدى قدرتها على العمل والسعي الدؤوب لنيل حريتها من القيود اللي تفرضها عليها السلطة من غير داعي
وبالتالي فان من أبسط حقوق الانسان الحر الواعي حق القراءة وعشان جذي كان الاعتصام اللي دعا له عدد من المدونين أمس في ساحة معرض الكتاب وبصراحة انصدمت لما رحت للاعتصام بعدد الحضور المتواضع جدا
انصدمت لشعب يهوى القيود
انصدمت لشعب يحب كتب الطبخ والسحر والشعوذة ويفضلها على كتب الشعر والرواية والفلسفة والسياسة والاقتصاد وغيرها من أمهات الكتب
انصدمت لشعب مادي طماع جشع مايهمه الا اعتصامات كوادر الرواتب وهالشي من حقه بالتأكيد بس الأحق اهيا حرية الفرد
وشنو فايدة الفلوس بايد شعب مقيد ذليل
في النهاية فهمت ان احنا
شعب متعلم ويملك الشهادات
ولكننا نفتقد الثقافة والكلمة الحرة الصادقة
30 comments:
لا يضيق خلقك
هالشي متوقع و الوقت شوي ما كان مناسب
اليايات أكثر انشاءالله
معاك حق معظم الشعب يبيله اعادة تأهيل
مطقوق
خلها على الله
براقش
عقب ما كنا شعب العلم والثقافة والتسامح
صرنا شعب الاتكالية والبلادة والعنصرية والجهل
انصدمت من الناس اللى موجودين امس زحمة و مالك محط ريل.... لا تصدق
مأساة محد يبى حريه حتى للفكر
بسنا من السلبية ما يدرون بنورث عيالنا العبوديه
:(
براقش
اي والله مأساة لما شعب ما يهتم بحريته بالاختيار
أنا أشهد يا فتى الجبل إنه الحضور كان طفيف
بس ميخالف ماكو شي بالساهل
ربك يسهلها
سدرة
الله كريم
بس الواحد يتحسف على الأيام اللي كانت فيها الكويت منارة للثقافة
براك
آمين
اليوم لا تنسى 7 مساءاً رابطة الادباء بالعديلية
براقش
ان شاء الله
أتفهم إزدرائك ولوعة الجبد اللي حايشتك من الوضع, لكن المسألة وجهة نظر تختلف بإختلاف صاحب النظرة والزاوية اللي منها كون رأي عن الموقف
في وايد ناس ماخذينها من الآخر ويشترون كتب أون-لاين مثل أخونا العزيز
مطقوق
لكنهم عكسه, ما عندهم إيمان بأن الإعتصام بيسوي شي
في ناس ما تقرأ...آخرين مخهم مظلم وعاجبتهم الرقابة لأنهم-عشتو-خايفين على عيالهم ويبون يحافظون على أركان المجتمع...غيرهم ناس ميولها وإهتماماتها تقع في إطار الكتب اللي عليها حصانة-إن صح التعبير- واللي موضوعاتها غير قابلة للجدل, أو مؤلفينها مرفوع عنهم القلم
وإحنا في النهاية جم واوي؟ لا تعد الوافدين, لأن هذي مو معركتهم ويفضلون إنهم يمشون يم الساس ويقولون يالله السلامة ومحد يلومهم
لكن الواحد يشتغل على إنه ينشر الوعي مثل ما سووا إخوانا وخواتنا أمس ويقول ...الله كريم
الزين
يعطيك العافية على شحنج لهمتي
الواحد دوم يبي الخير حق ديرته وأهله وناسه عشان جذي ننتقد
من اهم مميزات الشخص المتعلم انه يشغل مخه ويحاول يفكر ويفهم شالي حواليه لكن الي عندنا بالكويت دكاتره ومريحه مخها من التفكير
اسباب كثيرة غير حب القيود منعت الناس من الحضور
اولها انهم مالهم خلق
والانترنت الي موفر لهم الحرية في اختيار ما يقروءن
لا تضيق خلقك
حمودي
شوف شهاداتهم اشلون ومن وين يابوها
فريج سعود
الله كريم
الشعب يالغالي يبيله اول شي تسويخ فايروس سكان.....وبعدين فورمات عشان تشيل العوالق الي فيه
انزرع بينا طابور خامس لو كان موجود ايام هتلر جان للحين مسيطر......خلو الاغلبيه تتطاحن على زيادة 50 والي يبي قرضه يطيح والي يقصد بالهواء للتنفع والي يقلقس يدورله مصلحه وهلم جرا
والكتاب والقرائه لشئ غير الاشاعه اصبح ممل!!!!!!!!شتسوي ياخوي الله كربم
عمي فتى الجبل
أنا ممن قرأ عن إعتصام أرض المعارض و لم أكتب أو أهمس بكلمة إعتراض لأني لا أحب تكسير المجاديف
لكن نرفض أن نقاد بلا عقل. لهذا لم نشارك و ليت البعض يحس بإحتياجات الناس و قضاياهم قبل أن يتكلم بسفسطائية
ألحين خلصنا من أرض المعارض و طلعوا لنا برابطة الأدباء
:)
لاه لاه لاه .. !! أخوي فتى الجبل
أحنا موو هذا الشعب اللي وصفته !! نسيت
نبيــــها خمســــه
أعتصام أمس .. كان الأعلان عنه بوقت قصير .. والدعايه له كانت ضعيفة .. مو الكل سمع عنه
لا تفقد الأمل بالشعب .. فالشعب المتعلم والذي يملك الشهادات لابد يكون مثقف وتهمه أن تكون كلمته حرة
غضبك على موضوع الأعتصام لحرية الكلمة .. معناته أن الديرة بخير بوجود شباب من أمثالكم
تحياتي لك
الله يعطيك ألف عافية
:) تصدق ضحكتني
وانااسف اقولك جذى
لان هالشى المفروض تكون مكتشفه من زمان
بس مدام اكتشفته افضل ما تكون ما تكشتفه نهائيا
يا عزيزي راح تزعل مني لما اقولك
ان السبب
الرأسمالية اللى اهي بنت الليبرالية وحفيدة العلمانية
:)
وادري راح يزعلون بس هذا الواقع
كلامك كله عين الصواب
بس انا ودي اضيف على كلامك و ادلل
على ان غالبيه الشعب جشع و طماع
فلو تلاحظ اليوم ان السواد الاعظم من
الشباب يذهب الى اصقاع الدنيا و يأخه
الشهاده لكي يعلقها على الحائط و يثري
بها جيبه قبل عقله من جذي الكويت راح تصير فيها نظريه الهرم المقلوب
اي ان الجامعين اعدداهم تفوق اعداد حمله الشهادات التي هي اقل من الجامعيه
و هذي ليس شطاره و لا حبا للعلم و لا اننا شعب ذكي
بل اسأل الناس الذين يدرسون في دكاكين
العلم المزيف سواء في بعض جامعات مصر
و الاردن وفيها خير وزير التعليم تعلق اعتراف احدى تلك الجامعات الركيكه
اذا مو ثاني يوم استجواب من بعض متخلفي المجلس
الفنطاس
الله يحفظنا
حلم
حرية القراءة أيضا من ألويات الفرد
وانت خير من يعرف هالشي
دلي وملي
أتمنى اني أكون غلطان
مشاري
لا ما نزعل
رايك وأحترمه وأقدر اللي قاله
والاختلاف في الآراء ان شاء الله لا يفسد للود قضية بس اللي حبيت أقوله ان الليبراليين مامنعوا الكتب
غاندي الشرق
صح لسانك
كنت بالمعرض وقتها .. وكنت شايل جيس مشتريات كتب وواقف بالاعتصام .. هههه
الكتب الممنوعة .. اللي يبيها يحصلها من تحت الطاولة
الحارث
وليش اضطر أدور تحت الطاولة عشان أحصل الكتاب الزين
شنو الواحد قاعد يبوق والا يشتري؟
Post a Comment