Wednesday, June 4, 2008

بدينا والبادي اسم الله

الحمد والشكر لله
بدت تهل علينا اقتراحات القوانين الخاصة بمشاريع التنمية اللي راح تحول الديرة لمركز مالي وتجاري عالمي وراح تعيد فتح طرق الحرير التجارية القديمة اللي اشتهرت فيها المنطقة وكل هذا بفضل نواب مجلس خمتنا نواب الفزعة نواب نخيتك قال عطيتك...هذي بداية خير هالمجلس يا اهل الكويت ومبروك عليكم اختياراتكم السنعة اللي راح تعيشكم اليوم وتفقركم باجر
وبالطريج ان شاء الله مشاريع جدا جدا مهمة منها
اسقاط القروض
وزيادة يديدة للمعاشات
وتوزيع 1000 برميل نفط يوميا لكل مواطن
اما المشاريع الصحية والتعليمية والاسكانية والصناعية والانتاجية والتنموية والتجارية والاقتصادية والثقافية فهذي مو مهمة مع شعب آنا آكل اذا آنا موجود شعب كل همه يهدم الماضي ويعيش يومه وبس وينسى ان اكو شي اسمه المستقبل

30 comments:

Someday said...

لاااااا ما يصير 1000 برميل!!
لازم دراسه!! و تكون على هيئه فئات!
يا حسرت قلبي!
ترى السالفه مصخت!!

فتى الجبل said...

someday
اي مو احنا 1000 برميل
اهما فوق ال 10000

Kuwait said...

أول الخير هذا :)
واسقاط القروض ياي بالطريج ..
العالم تمشي لجدام واحنا نطالع ورى للحين ..
مالت على الباميه ..

Mohammad Al-Yousifi said...

بسنا تنمية يا حسين بسنا

فتى الجبل said...

كويت
ترى مارضى على البامية
قولي مالت على الكوسة

فتى الجبل said...

مطقوق
ما يصير بابا
هدا لهم جلب
اشلون في انسان ياكل هوا

أبــو بنــــدر said...

الى رزقنا يرزق أجيالنا القادمه

:)))

Eagle4 said...

ياللة يا رب ارحمنا برحمتك. بطلنا و رجعنا بكلامنا, مانبي مجلس.
واللة يبيلهم ألحجاج

someone_q8 said...

السلام عليكم
شنو تتوقع منه غير المواضيع السطحية ؟؟؟
بس ما ينلام اول ما بلشوا بإزالة الديوانيات بالاندلس راحوا حق ديوانيته وشالوها , مسكين من الحره قام يزبد
ابتلشنا بهالنماين اللي مالها غير نفسي نفسي

Anonymous said...

ffffffffffffffffffffffffffffffffffffffffffffffffffffffffffffffffffffffffffffffffffffffff

men gaaalb

ولد الديرة said...

ونقل محطة ماي صليبيخات شرايك فيه :p

Anonymous said...

شخباري تنميه

سدرة العشـــاق said...

ولوزير المالية أن يضع شروطاً أخرى لإصدار الترخيص تكفل التوفيق بين إقامة الديوانية على أملاك الدولة وعدم المساس بالمصلحة العامة.
- لوزير المالية إلغاء الترخيص بقرار مسبب في أي من الحالات التالية:

3- استخدام الديوانية في ما يخل بالنظام العام أو الآداب العامة أو في ما يتعلق بالراحة العامة أو يمس الأمن العام.


يقولك آداب عامة لوووول شر البلية مايضحك
انت الديرة بكبرها معطيها بولباس ياي تقول آداب عامة نام ببيتكم جبح ويه

sologa-bologa said...

انزين ما يصير يقدمون اقتراح بقانون
بالغاء المادة 206 من القانون المدني
؟؟

تهقا ممكن؟
ترا هذا اكبر مشروع تنموي ممكن يسوونه

قلب طفله said...

امحق بدايه :((

اهو بيموت ع الدوانيات المخالفه

امره عجييييييييب هالدكتور

rai said...

شعب آنا آكل اذا آنا موجود
=========

صدقت
وهذا التفكير اهو الي مخلينا واقفين

Anonymous said...

انها البداية فحسب !

فتى الجبل said...

بوبندر
وما ليل المطالب بالتمني
ولكن تؤخذ الدنيا غلابا
وربك يقول اسع يا عبدي وآنا اسعى معاك
وما قال اقعد يا عبدي وآنا اعطيك
مع انه قادر بس اهوا يبي يعلمنا اهمية العمل
مو مثل حكومتنا اللي تصرف معاشات على موظفين قاعدين ببيوتهم
لأن هالشي مافيه عدل

فتى الجبل said...

ايغل
الظاهر لازم نتعلم من باني نهضة سنغافورة
مع ان احنا كنا احسن منهم

فتى الجبل said...

someone
والخير ياي
راعي الفحماء اقترح شراء المديونيات

فتى الجبل said...

مهندس
نفخ يايبه نفخ
اشلون الاجازة؟

فتى الجبل said...

ولد الديرة
نعم طلب نقل محطة الماي مو اولوية صح
لكن العبدالجادر ماقترح قانون خاص حق هالشي...اهوا مجرد طلب
وبالنهاية يجمل المنطقة لأنها سكنية مو منطقة تناكر

فتى الجبل said...

حمودي
اي والله صارت مثل بيض الصعو

فتى الجبل said...

سدرة
المشكلة انه دكتور
صج لي قالوا
العلم مهم
بس الاهم الثقافة
واحنا عندنا علم
بس ماكو ثقافة

فتى الجبل said...

سلوقا بلوقا
اهيا ياية على مادة وحدة
اهما الدستور كارهينه خير شر

فتى الجبل said...

قلب طفلة
وزين ما قال الحكومة تبنيهم

فتى الجبل said...

راي
للاسف

فتى الجبل said...

محسد
صح
والله يستر من تاليها

بس said...

فاليطلب ما يطلب
و يتمنى ما يتمنى

فنطق السامي واضح و صريح
لا للقوانيين الأنتخابية

فتى الجبل said...

بس
على راسي من فوق النطق السامي
بس نبي الحكومة تكون جادة بالاصلاح