محكمة الجنح المستأنفة تقضي بحبس داعية اسلامي كويتي معروف لمدة عام مع الشغل والنفاذ بعد قيامه باصدار وبسوء نية شيكا من دون رصيد بمبلغ 13 مليون دينار كويتي
بعد لو انسان عادي نقول لا حول ولا قوة
بس داعية اسلامي
لا وبعد معروف وبسوء نية يعني عن سبق اصرار وترصد
بس الظاهر الحبيب يشتغل بمبدأ : لا تحجى الشرع فالكل ياكل تبن مكرم السامع والقاري
وبما ان اهوا داعية ويطبق الشرع فالنهب حلال عليه
28 comments:
ولي حجى الشرع الكل ياكل تبن
براك
خلاص بسكت
تم تغيير موقع وموعد التجمع اليوم الى جمعية الخريجين الساعة 7 عشان الغبار والحاضر يعلم الغايب
من مدونة عاجل
خذا يزاته
و ربي ما يقصر
حمد
مشكور ما قصرت
سدرة
ولازم احنا نقضي على تياراتهم الفاسدة
لعب بالدين
طيب .. قوول منو :>
مهندس
اي والله
حياتي
مو كاتبين بالجريدة
والله ياخوي فتى
على المستوى الشخصي
يأست من الوضع بكل ما يحويه
ويبدو ان الرايه البيضه سوف ترفع
الله يعينا كل يوم طالعين بسالفه ..
الديره صايره اكشن :)
خووش ديانه
بس 13 مليون. و احنا ناطرين الجوهرة والدانة.خلف الله علينا
وايد زين يعني لو مليون راح تطلع المدة شهر تقريبا
يا بلاش
عزيزي فتى الجبل
مشكلتنا بتقديس رجال الدين وإعطائهم اكبر من حجمهم اهي الثغره اللي قاعد يستغلونها عدل.
عبالك ليش الحكومه وقفت صناديق التبرعات؟ من هالأشكال اللي تستغل الناس وضحالة عقولهم.
تحياتي
13 مليون؟
هذا داعية ستي بانك؟
شالمقصود بالضبط من هالخبر ؟ هل يعني ان الدعاة الاسلاميين نصابين مثلاً؟
نادرة مثل هذي ما تستحق كل هذا الاهتمام
13 مليون
بيه
المشكله ان في فئات محدوده تتحاسب
بس زين في محاسبه اصلا
يعطيك العافيه اخوي
وين لنك الخبر ؟
داعية اسلامي كويتي معروف
هذي المشكله ..
!!!!!!!! 13 مليون دينار
اللــــــه يستر عليه ..
هناك من يتخذ الدين ستار لنفسه الدنيئه
......اذا جاءكم فاسق بنبأ
يا ليل
بس سنة على 13 مليون
دمت بخير
ما قريت هالخبر :)
بأي جريده ؟؟
عطنا النك ..
بس أنا أشووف بالبووست عنصريه وطائفيه
وانت ما تحب العنصريه والطائفيه
عدل ؟ :)
أنا خابره اللي يبوقون ملايين بالديرة ضد السرقة
آها يا فتى الجبل دخل بالجايد معناه تغيرت النظرية واللي يبوقون المليارات ضد السرقة
باباتي ما قلتها من قبل
لا متشدد وطني
ولا طائفي وطني
ولا عدنان وطني
والله يستر على بيزاتنا اللي بالبنك الوطني
حبيبي يبدوا أن من صادها عشى عياله سوف تتحول من عرف سائد إلي أحدى مواد الدستور
والله من وراء القصد
شكرا لكل من شاركني التعليق
وأتأسف لعد ذكر المصدر بالبوست
المصدر جريدة القبس الصادرة يوم الثلاثاء تاريخ 19/2/2008
وعليه يمكن الرجوع لسايت الجريدة تحت عنوان قصر العدل
علما بأنه حكم من محكمة كويتية
تم اضافة اللنك مع اعتذاري عن عدم وضعه من البداية
Post a Comment