عقب المسيرات بربوع بنيدر وميناء عبدالله
عقب البقي والبانشي والسياكل
عقب الفوم ورشاشات الماي اللي تبهذلنا فيها من الأباليس يهال الديرة اللي شاقين القاع وقايلين امباع
بس ميخالف احتفالات الديرة تستاهل
ويستاهل عيال الديرة وأهلها يستانسون بأعياد ديرتهم
عقب كل هذا ردينا لكم
والحمد لله بدون أي اصابات
تصدقون ماودي أدش بالسياسة من أول يوم بس عندي جم سؤال لكم
اشلون تتوقعون من نواب الأمة الدفاع عن الديرة وأموالها واهما قاعدين يقاومون ازالة التعديات على أملاك الدولة؟
واشلون تتوقعون الاصلاح ونواب الأمة قاعدين يحاربون معظم محاولات الاصلاح؟
والأهم...ما تتوقعون ان نواب الأمة الحاليين قاعدين يحاولون تكفير الناس بشي اسمه ديمقراطية؟
34 comments:
الحمد لله على السلامة
النواب هم أولى باحترام القانون
لازم يكونون قدوة حق غيرهم
مو عدل؟
صلاح
اي عدل
بس عندنا كل شي مقلوب
كلامك عدل يا فتى الجبل
ابي جراقييي وين وديته ؟
:P
كفرنا فيها من زمان
سدرة
بلعته
مطقوق
حسافة يا بو سلمى
هاو !!!
من قلة الاكل يا حافظ ؟
:P
تشتريلي غيره كيفك
قاعدين يقاومون
قاعدين يحاربون
قاعدين يحاولون
طولة البال يا نهاش ضروريه
وهذا احنا مطولين بالنا
وانا اختك
ازالة مخالفات الدواوين قانوني
وانا مع تطبيقه
لكن اليس من الأجدى إزالة المخالفات التي تحتل اراضي الدولة وفي مواقع تجارية
هامة منذ زمن بعيد ؟
لنبدأ بالكبار حتى يؤمن الصغار بالعدالة الضائعة , وعندئذ سيعمدون من تلقاء انفسهم بإزالة مخالفاتهم طوعا
ماحب الفوم )":
الحمدلله ع السلامة
الحين التعديات على املاك الدولة ماصارت الا من المواطن المسكين
والله انتم اللي امركم غريب غرابة مايستغربهاش حد
اي انا على سالفة الديوانيات حدي اتاكدت ان مجلس الامه كلام غير عقلاء
مابي اقول مجانين
لان المجنون يتبرأ من كل افعال مجلس الامه
لا والله يا فتى
صج في منهم يبون يكرهونا بالديمقراطية
بس الاغلبية الموجودة عمياني مو دارين شنو اهي الديمقراطية عشان يحاربونها :)
تحية لك وعودا حميدا
وما تتوقع في علماننين يطالبون بالحرية واحترام رايهم وما يحترمون راي غيرهم ؟
الحمدلله على السلامه
هذيل نوابنا احسن ناس اتكسر القوانين
اول شي الحمدلله على السسلامه
وثاني شي
المخرج عايز كده
تدري عاد الملامه بهالموضوع الحكومة
المفروض انها من الاصل ماتسمح ببناء هذه الدوانيات ولا تعطي عليها ترخيص من قبل البلدية
تعشمهم بصوب وتنجلهم من صوب ثاني
والحمدلله على السلامه
بما انك تحب ابوبكر سالم
اهديلك هالمقطع
عديم الود يظهر
مايخفيه الزمن مهمت تحداه
ولو قدر وعبر
عيونه تفضحه تكشف نواياه
والله هاالنواب يبون مصالح بعض ناخبينهم
والمفروض انهم يحترمون القانون
بس لا حياة لمن تنادي
سدرة
ما عندي فلوس
هدب
والله آنا لو ماعندي طولة بال جان ما شفتيني اكتب عنهم
جان شفتيني بره الديرة
محسد
آنا معاك بازالة كل التعديات بما فيها الشاليهات
يعقوبووو
بهذلوني فيه
يهال ويبون يستانسون وما حبيت اضيق خلوقهم
كويتيين
للعلم اللي يحاجيك ما عنده ولا عند اهله اي تجاوزات
لا شاليه
ولا ارض صناعية مخالفة
ولا دواوين
ولا زرع مخالف
وآنا عزيزي مع ازالة كل المخالفات
مناير
اي والله
حمد
آسف اني اخالفك
اهما يدرون وعارفين الموضوع ومرتب له من زمان
حياتي
الشر والخير موجود بكل مكان
بس اكو ناس الشر عندهم زايد خاصة لما يكون على حساب الدين
مهندس
خلك من النواب
انت اهم عندي
رد لنا بسرعة من الاجازة
وتعوذ من ابليس
ولا تخلي احد يهزمك ويخليك تبطل كتابة
ترى الديرة محتاجة لنا
بوراشد
نفس الحجي اللي قلته حق مهندسنا اقوله لك
الديرة يا بوراشد محتاجة لنا
عيل القفال ليش؟
صدقني يا بوراشد اتالم لما واحد منا يوقف اكثر من ما اتالم من الحرامية
لانا اذا احنا موجودين بنتصدى لهم
بس اذا كل واحد بنشر ووقف منو اللي بيوقف بويههم؟
كراكاتوا
حجي سليم مليون بالمية
بس اذا احد انتبه للغلط وقال وقفوا هالغلط فالمفروض نوقف معاه
براك
صح لسانك
متعصب
ندفنهم افا عليك اذا مالهم حياة
Democracy .... HMM..
Do we even practice it at our homes??
LOL!!!
desert
i dont think
Post a Comment