اشلونكم مع أول يوم برمضان...انا للحين ما يعت(تراني بطيني وأحب الأكل)..عموما عجبني العنوان لأن احنا برمضان واهوا ياي على
وزن أطايف...خوش حجي...صح؟...ولا أبو العلاء المعري يقدر يقوله:p
ندش بالموضوع
القبس طول عمرها خطها فيه النفس الاصلاحي ومحاربة الفساد واحنا نتمنى انها تستمر على هالطريج...بس للأسف بالأيام الأخيرة
قاعد أشوف فيها وايد اعلانات حق تلفزيون الوطن...وكلنا نعرف منو يكون مالك الوطن واذا ما يعرفون نقول لهم ترى اهوا علي بابا
واذا ما يدرون منو علي بابا نقول لهم ان القبس اهيا أول جريدة اكشفت سرقاته...بيتحججون انهم يبون يحققون أرباح..صح من حقهم..بس
نرد ونقول ان انتو عودتونا انكم أكبر من انكم تحققون أرباح على حساب الكويت ومن وين ؟ من فلوس مبيوقة من أرضها وشعبها ومتى؟
في فترة الغزو لما كان أبناء وبنات الكويت بين شهيد أو أسير أو مشرد...بتقولون المتهم بريئ حتى تثبت ادانته..بنرد ونقول الله وأكبر
نسيتوا قبل جم سنة لما صدر حكم المحكمة على علي بابا وسقط عقبها لأنهم نسوا لا يحطون التاريخ..يا القبس اصحوا تراكم أكبر من جذي والكويت أهم من هالأرباح
10 comments:
أشاركك الرأي
الوضع مريب بشكل عام
الله يستر مطقوق..اذا الاصلاحيين جذي
عيل ما تنلام قوى الفساد
يا عزيزي كلنا لصوص
!!
يا الحلم...الجميل
منو بقى بالديرة مو حرامي
يبدو ان القبس كبرت ! .
ليش يا عزيزى؟
لما تحجز صفحة كاملة بقيمة 2000 دينار لليوم ؟ هذا مو دخل
عند الارباح تسقط القناعات ياعزيزى
وراهم مصاريف
هلا حمد
كبرت بأرباحها
بس صغرت بعطاءها
للأسف
مشاري اشلونك
وما لقوا يغطون مصاريفهم الا من
فلوس الكويت المبيوقة
عمى بعيونهم كلهم تجار
والا ال2000 اهيا اللي بتخسرهم يعني
نعم عزيزي فتى الجبل كربت وخرفت :)
انا لله وانا اليه راجعون يا
أخوي يا حمد
Post a Comment