اعتراض

الظاهر ان الموضة هالأيام بالكويت اهيا الاعتراض على المسلسلات الرمضانية

اللي معترض على للخطايا ثمن...واللي معترض على حنان وحنين...واللي على الوزيرة

شالسالفة يا جماعة؟

وليش هالهجمة على الحريات؟

زين جريدة الوطن من مسكها علي بابا واهيا جريدة فتنة وتفرقة بين أبناء الشعب الواحد

وانا أول واحد أتمنى انهم يصكون قناة الوطن

بس هل معنى هذا اني أمنع الحريات؟

لا..وأكيد ألف لا

صاحب المبدأ والحق يواجه الباطل بالطرق المشروعة مو بالجمبزة

اذا احنا مؤمنين ان احنا شعب واحد مايهزه شئ

اذا احنا مؤمنين بالدستور

اذا احنا مؤمنين بدولة المؤسسات والقانون

فالمفروض ان احنا نقول راينا ونسمح للطرف الآخر انه يقول رايه

واذا وصلنا حق طريج مسدود فأكو شئ اسمه نيابة وقضاء يفصل بينا

أما ان كل واحد ما اشتهى ويه الثاني راح واستخدم نفوذه علشان يقصيه عن الساحة

فهذي معناها حارة كل من ايدو الو...وهذي معناها غابة العيشة فيها للأقوى

هذي معناها عدم ايمان بالحريات والدولة والدستور والقانون

هذي معناها عدم ثقة بالنفس وعدالة القضية اللي ندافع عنها

انتبهوا اخواني وخواتي لا ييرونكم لاستخدام نفس أساليبهم القذرة

------------------------------------------------------

أحلى الحجي

يا سائقي ذي الهوادج

على طريج السلامة

لقد وصلنا لأرض

فيها تطيب الاقامة

آآآآآآآآآآآآآآآآآآآآآآآآآآآآآآآآآه

على طيبة أرضج يا

الكويت