كشف مدير عام البلدية بالوكالة ان السماح للأندية الرياضية والاتحادات بممارسة الأنشطة التجارية يعد مخالفة للاستعمالات المقررة لها
وذلك حسب الخبر المنشور بالقبس في عددها رقم 12328
صباح الخير أخوي,أحييك على اكتشافك العظيم,بس الطيب يا أما انه ياي من المريخ والا توه قاعد من النوم..لأنه اذا هالشئ مخالفة
ليش عيل اسمحوا حق أندية القادسية والكويت وكاظمة والعربي تحط هالأنشطة؟..وليش رخصوا مجمع التنس اللي فيه فندق ومجمع تجاري؟
آنا مو ضد انه يسمح بهالأنشطة أو ما يسمح لأن هذي شغلة فنية لازم أصحاب الخبرة يقررون فيها علما ان كل أندية العالم المحترمة لها نشاطات تجارية للصرف من أرباحها على النشاطات الرياضية..بس آنا ضد البربسة اللي يسمح من خلالها حق بعض الأندية ويقولون حق الأخرى بس وقفنا..ضد القرارات الارتجالية اللي بدون دراسات واللي تدخلنا في حيص بيص..ضد ان قراراتنا تكون ردة فعل واهيا المفروض تكون فعل
--------------------------------------------
تفكير بصوت عالي
اليوم لما شفت جريدة الوطن ضاق خلقي..السبب أخليه بداخلي انجوي فيه بروحي..ليش قلت؟
مقهور وأبي أفضفض
11 comments:
لووول
حلوة
والله حتى انا ضاق خلقي
الظاهر لازم نمشي بركب القافلة , شكلها الناس شايفة شي احنا ما نشوفه
اي والله يا مطقوق
بهالزمن الصح صار غلط
والغلط صار صح
بس ماقول الا
الشكوى لله
انا ما ضاق خلقي
انا مستناس
والسبب بمدونتي
تحياتي لك عزيزي فتى الجبل
تخيل القاضي وافد والمحامي دفاعه صورة شنو الحكم؟؟
ههههههههههه
يعنى مو بس انا اللى ملاحضه ولا بصفحه الاولى بعد
ههههههههههه
يعنى مو بس انا اللى ملاحضه ولا بصفحه الاولى بعد
بدش أقرا السبب
يا حمد
الحكم يا فريج سعود صدر بالادانة ومن وافد..بس الحبيب نسى التاريخ
حلوة نسى التاريخ هذي
زين ردوا سجلوا التاريخ
اي..كل حريص على تراب الكويت لاحظه
لا وتذكرت أغنية المطرف
ضاع الأمل
يا جماعة الصراحة انتو مو منطقيين
وزيادة عن اللزوم عاطفيين
يعنى الحين وايد ناس كانوا حرامية
ومعروفين
ويمكن هذا بنظر البعض ابرزهم
الكل يتم زيارتهم
القضايا شئ يتم الحكم فيه بالمحكمة
و العلاقات الاجتماعية شئ وخصوصا بأن هناك ترابط اسرى
العقلانية يا شباب وضحكوا الكويت جميلة على قولة بو قتيبة
يا رب يا مشاري يكون هذا اهوا السبب
بس خوفنا ان الحبيب سبق صدر فيه حكم ادانة وسقط لعدم وجود التاريخ
Post a Comment