نشأت فكرة التعاونيات بهدف مساعدة مجموعة من الأشخاص لبعضهم البعض في مواجهة ظروف الحياة المختلفة ولتوفير الاحتياجات الضرورية للأسرة وذلك بأقل التكاليف
وبالتالي كانت فكرة انشاء التعاونيات بالكويت لهدف توفير الاحتياجات الضرورية للمواطن بأقل الأسعار وتم دعم هذي الفكرة بأراضي كبيرة مدعومة من قبل الدولة بل تم توفير التموين المدعوم من قبل الدولة للسلع الضرورية
ولكن...وآآآآآآآآآآآآآآآآآآخ ومليون آآآآآآآآآآآآآآآآآخ من كلمة ولكن
تم تحويل التعاونيات بالكويت الى شركات مساهمة وما بقى الا يدششونها البورصة
ويستغرب المواطن ان أسعار الجمعيات اهيا نفس أسعار مركز سلطان وكارفور على الرغم من تدني أجور الأراضي اللي تقام عليها الجمعيات في مقابل الايجارات اللي يدفعها مركز سلطان وكارفور...لا وفي بعض الأحيان هناك مراكز أرخص من هالتعاونيات
ورغم تحقيق التعاونيات لحاجز المليون دينار من الأرباح الا ان هالشي ما ينعكس على المساهم لا من حيث التوزيعات السنوية ولا من حيث الخدمات المقدمة للمساهم مثل الاهتمام بترصيف المنطقة وزفلتة شوارعها والاهتمام بتخضيرها ودعم مستوصف المنطقة والمدارس
وصارت هالتعاونيات مكان للتطاحن على عضويتها وتفكيك أبناء المنطقة بدل تجميعهم
وصارت أكبر منافس للتجار وكله على حساب المساهم البسيط
وعليه نقترح على الحكومة تحويل التعاونيات لشركات مساهمة ولا يقصون علينا بالاسم
20 comments:
انا مع تواجد التعاونيات
بس فرض رقابه قويه عليها
يعني مايصير كل عضو مجلس اداره يسوي الي يبي
لازم يشدون عليهم اشويه
أنا ضد الجمعيات التعاونية التي إنحرفت في أدوارها.الهدف منها اليوم هو إذلال التاجر و عدم تنشيط الحركة التجارية و جعلها أسيرة للألعاب السياسية و القبلية و الطائفية
مع حل هذه المسوخ
!!
وجود التعاونيات جدا مهم .. بس صاج بكلامك صارت في مراكز ثانية ارخص منهم .. وحتى المعاش كل ما زاد قامت التعاونيات تزيد باسعار السلع فيها ..
عموما نفس ماقال اخوي كويتي بلوقر ضرورة فرض رقابة قوية عليها
ولو ان الحكومة نفسها تبي هالشي
الله يعين
أنا ما يبط جبدي إلا الإعلانات اللي ينزلونها حزة انتخبات الجمعية ... يعني يحطونها بأماكن عند اللفة تسد الرؤيا ولاّ عند الدوار و لاّ على الافتات المرورية !!! هذا بدال ما تصيرون منظمين و تطبقون القانون شلون تبون الناس تنتخبكم و انتوا بدايتها مخالفة ممكن تودي بأرواح ناس ؟
اللي ابي أوصله إذا هالنوعية اهيا اللي ماسكة الجمعية لو نطامر على صبع واحد - على قولة ابوي _ ماراح تنزل الأسعار أو تصير في حدود المعقول
مواضيعك تخلي دايما الواحد يشتط :)
تنشط الدورة الدموية :)
انا معاااك عل طول
بتحويلها مساهمه فورا
احنا مو دوله اشتراكيه
التي فشلت بكل شيئ
حتى انهارت وسقطت
ومعاااك بشق ابناء المنطقه
ونسائها بدل التالف والمحبه
فمالله
همم مش عارف أؤول ايه
صارت كل انتخابات عندنا زفت
يبيلنا نجرب التعيين
ويستحسن لو يخلونها مساهمة وحدة ونفتك من اللوية
الجمعيه صارت نقطة بدايه لمن له تطلعات مستقبليه.....,انت الصاج مو بس تطاحن عيال المنطقه وصل التطاحن بين أعيال العم والأخوان....والحل بأنهم يخلونها شركات مساهمه على الاقل المساهم يضمن الارباح السنويه
اي مكان يدشون فيه اخوانّا الالمان يخترب
كويتي بلوغر
وآنا معاك باللي تقوله بشرط تلافي سلبياتها
حلم
آنا مع بقائها بشرط تلافي سلبياتها
سيليزيا
الحكومة وآآآآآآآآآآآه من الحكومة
ما تبي الا افقار المواطن
لتسهل السيطرة عليه
سدرة
يللا زين أخلي القلب دوم نشيط ان شاء الله
أجار الدين كشمش
صارت طريج لمجلس الأمة
بس وجودها ضروري بشرط تعديل اعوجاجها
مطقوق
ماتأولش حاكة
كفاية انك مريت علينا
فريج سعود
التعيين موجود بالحكومة ولا شفنا منه خير
المشكلة بكيفية الادارة
والحكومة ما عندها فن بالادارة
ولا تطبق الدستور ولا القانون
العسكر
المهم لازم تتعدل
الفنطاس
اي والله
أهم شي الأرباح
الكل صار يبوقنا عيني عينك
حمودي
الألمان لو يشوفون العين الحمرا
جان يتعدلون بس الحكومة عينها باردة وايد عليهم
Post a Comment