أمس سويت زيارة خاطفة لمنطقة الصليبية والشعبيات للاطلاع عن قرب على مشكلة البدون ويا ليتني ما رحت ولا زرت
وعقب اللي شافته عيوني من أشياء ما تنوصف من كثر سوءها ودمارها على الديرة لو تم تجنيس نوعية البشر اللي هناك
حاولت أفكر بحل لهذي المشكلة وبعد التفكير توصلت للآتي
البدون ينقسمون لجزئين
الجزء الأول واهوا الجزء المستحق للجنسية واهما يمثلون قرابة ال 20% من مجموع البدون وهذي الفئة انظلمت وايد والمفترض اعطائها الجنسية بدون تردد
الجزء الثاني واهوا يمثل حوالي 80% من مجموع البدون وهذا الجزء فاقد للولاء لأي بلد وقاعد يتسبب بمعظم الجرايم اللي قاعدة تصير بالديرة من سرقة ومخدرات وتهريب ...الخ
هذا الجزء له حل من اثنين
فاما انهم يطلعون جناسيهم الأصلية ويذلفون حق ديارهم ويفكوننا من شرهم وأذاهم
أو ان الدولة تقوم مشكورة بحمايتنا منهم في حال رفضهم اظهار جناسيهم الأصلية بأن تقوم بشراء جناسي لهم وعلى حسابنا من دول مثل غانا والنيجر وبوركينا فاسو...الخ من هذي الدول وتطرشهم حق ديارهم اليديدة ودفعة مردي والهوى شرجي حق هالبدون اللي مالهم لا ولاء ولا أمان...والمشكلة اللي باطة جبدي ان بالمستقبل الجريب بوقفني بدون وبخالفني بتهمة مخالفة القانون واهوا نفسه مقيم غير قانوني وغير شرعي..والله قهر والله اهانة حق كل كويتي
36 comments:
وانت للحين عندك امل انه في احد قام يحط اعتبار لكرامة الكويتي!!!!؟؟؟؟
والمشكله انهم يفرخون مايهمهم الاوضاع الي اهم فيها
اي والله خاصه حق اصحاب هال20% ترا جد في ناس منهم سنعه وانطلموا يكسرون الخاطر .. بس طبيعي الاصحاب الباجين ما يستاهلون وضروري نقلعهم بره الديرة
وهالمشكله صارلها قرن ومو راضين يلقون حل .. شنو مخهم مقفل؟؟ مايعرفون يطلعون حلول ولا شنو بالضبط !
يعطيع العافية على الزيارة الميدانية
و معاك حق اكو ناس تستاهل الجنسيه و الباقى مال حراق
بس تدرى دولتنا لها سياسه حكيمة
سحابة صيف و تعدى
السلام عليكم والاكرام
اخي فتى الجبل .. لا أدري لكن لم كلمة يذلفون ؟؟
في قضية حساسة مثل هذه الإنسانية عليها أن تطغى على حديثنا لأن الجريمة تنم عن قلة الإيمان .. وقلة الإيمان تعود لتكوين الإنسان نفسه ولا يمكننا أن نلوم ضعاف الإيمان والشخصية على إنهيارهم أمام الجوع والإنحياز وقيامهم بعمل أرعن أو تعريض أنفسهم ليكونوا في مرمى لمن يجيد إستغلالهم
وفي قولي هذا لا أبرر الجرائم لأي فئة كانت لكن الضغط والجوع والفقر والعيش دون المستوى كفلاء بأن يخلقوا د. جيكل في أي شخص
لاحظت بأن الموضوع يتخلله الكثير من الأخطاء الإملائية مما جعلني أصل إلى أنك كنت فعلا غاضبا حين كتبت هذا الموضوع
وبالنسبة لشرطي بدون ففي الإمارات هناك شرطي هندي يخالفك ويمكنه أن يغضب في أي لحظة ويسحب رخصتك فما الذي ستقوله للهندي الذي من المفترض أن يكون صبي أو عامل حديقة أو حتى زبال
أتمنى أن يكون ردي منطقيا ولا يثير الغضب
الحكومة ارتكبت الكثير من الأخطاء و الجرائم في حقنا كشعب
لكن أكبر و اغبى هذه الأخطاء هو فتح مجال التحاق البدون في سلك الشرطة
يعني الجيش ممكن , اي وزارة ثانية مثل الكهربة , التجارة , الصحة , التعليم ممكن
بس الشرطة؟
احنا شرطتنا الكويتيين مالهم هيبة هالدور شرطي و بدون مكسور الجناح؟
صدقنى الحلول موجودة ولكن الشباب يأجلون لما باجر يصير الانفجار
وتنقلب الدنيا
خلها على ربك بس الله حافظ هالديرة
صحيح اني رافضه تجنيس الاعداد المهوله لكل من هب ودب
وحده اسمها نبويه مصطفى سيد مادري شنو
بالله هذا شكو كويتيه
وانا اشفت العجايب بمدرستي كونها مدرسه خاصه
بنات لهجتهم سوريه
اهلهم سوريين
جماعتهم سوريين
لما اول يوم ينادون اسامي يقولون مثل ندى مصطفى ..الجنسيه كويتيه
وحده لبنانيه
شكلها لبناني
لبسها لبناني (على ايام كانو الكويتيين يلبسون عدل مايتفصحون)
حاطه برقبتها ارزه لبنان
لين صبحي..الجنسيه كويتيه!
طبعا انا ماقلت الاسمين السابقين مطابقين للواقع لأنهم زميلاتي السابقات
ومعاي وحده بالجامعه
والمشكله شنو
ترا موليه اردنيه
تدرون لما عطوهم الجنسيه شسمو عمرهم
عيال العتيبي؟
صحيح اني ماعرف قبايل
لكن لو تشوفونهم مالهم علاقه بالكويتين موليه
وجنسيتها بالطبع كويتي
وهال20 بالاميه اللي قلت عنهم مستحقين للجنسيه
هم من اكثر الناس المظلومين
ماتدرون شعورهم شنو لما يكون انتمائهم كويتي والديره لافظتهم
وقاعده تسنع عوير وزوير
شنو شعور واحد كويتي بدون ورق لما جنسو كومار
ولا نبويه
ولا لين
ولا ندى
؟
شنو شعور هذا الشخص وابوه شهيد؟
ولا اخوه كان مقاومه
اخيه يكسرون خاطري قسما بالله خصوصا لما اسمع عن دول قاعده تنبني بدول الضد الخايسه ولا عند العراقيين اللي مو كفو نعمه ولا رحمه
واهم دراسه مادرسو بديرتهم
ربي يعينهم
الفنطاس
ليش ما يفرخون
نصهم عايشين على المخدرات يعني الفلوس مو مشكلة بالنسبة لهم
واذا انصادوا فما راح يسفرونهم لأن ماكو ديرة تبيهم واهما بدون جواز وبيقعدون بالسجن واخذ من أكل ومرعى وقلة صنعا
سيليزيا
لا
حكومتج مو غبية
واهيا مخليتهم مثل السيف المسلط على رقاب أهل الكويت
عددهم الحين 150000 يعني ممكن يسوون علينا انقلاب بسهولة
براقش
الباجي تسوين فيهم نفس ما قال النفيسي الله يرحمه
تشبين روسهم بغار وتطفينها بنعال
سيدة نفسي
رايج احترمه وأقدره واهوا على راسي من فوق
لكن محد قال لهم يقطون جناسيهم بالزبالة ويسوون روحهم بدون وماكو أحد طلع مثل الفقع وكلنا لنا أصل وفصل وبذمتج اشلون تأمنين على الديرة من ناس قطوا جناسيهم الأصلية يعني ما لهم ولاء لديارهم فما راح يصير لهم ولاء حق ديرتج وآنا اهني ماتحجى عن اللي عطوه الجنسية واهوا كان محتفظ بجنسيته الأصلية وهم تحجيت عن البدون اللي يستاهلون وان احنا لازم نعطيهم الجنسية
أما الامارات وشرطتهم الهنود فهذا شي ما يعنيني وآنا مو عايش هناك ولا هي ديرتي ولما ناخذ من الغير لازم ناخذ أفضل ماعندهم مو أسوأ اللي يسوونه
وكتب الموضوع بعد تفكير عميق ولا تحاتين اللغة لأني اكتب بلهجتي الكويتية اللي أفتخر فيها أما العربية فآنا ما أكتب فيها
مطقوق
الله يحيي أي مقيم ووافد ياي ياكل رزقه بهالديرة والله يحيي السواح اللي يايين يشوفون ديرتهم
أما انسان ماله ولاء حق ديرته الأصلية وقط جنسيته بكل برود فلا مرحبا ولا سهلا فيه بالكويت كلها ليما يطلع جنسيته الأصلية
وأرجع وأقول وأأكد ان المظلومين منهم لازم ياخذون الجنسية
يا مشاري
ليمتى نصبر
عددهم 150000
عندهم ناس بالجيش والحين بالشرطة
يعني توفر عندهم السلاح
يعني ننطر ليما ينقلبون علينا
سنعه
وللعلم بعض المظلومين أهلهم من الدرجة الأولى عندهم جنسية أولى مو حرام ما يجنسوهم
أما الأكثرية من البدون الهجع والشلأ فخلهم يذلفون ديارهم أحسن
اسم الله عليك من القهر... لا هنت حجي
لكن بوستك هذا كله يتم إختصاره بإجابة سؤال بسيط... الترقيع شلون قايل؟
اذكر مقوله للشيخ صباح
ماكو شي بالكويت اسمه بدون اللي استحق الجنسيه خذاها
مع كل احترامي وتقديري لأوضاعهم وماني متشعب في الرد بس سؤال..شلون يعني مظلومين؟ ليش ماتجنسوا؟كانوا مسافرين حزتها والا ماسمعوا بخبر التجنيس؟؟
سؤال ودي القى اجابته
موضوع يستحق النظر فيه بس اشلون حددت انهم 20% الي يستحقون
باعتقادي الشخصي ان اقل من هالعدد لهم الي يستحقون والباجي ماادري من وين اطلعوا
يعني في ناس اخوانهم كويتيين فهذيل يستحقونها اما واحد ماادري شلون صاير نفس الي اشوفهم بالمباريات (كلش مو قدساوي)
لا يبا هذي يخرعون ويهه مو كويتي ما يركب
ومااااا ادري شلوووون بوظفونهم بالشرطه ما يصير اغلب البلاوي منهم وتحطونهم شرطه ما يصير
اللهم لا اعتراااااض
سؤال... سالفة الشرطة.. مو المفروض هذا شي طلع قراره بس حق اللي امهاتهم كويتيات؟؟ يعني شي زين
و الله تبي الصج كلمة بدون كلمة بايخة وايد! انا برايي ان المفروض ماكو فئة جذي و المفروض الحكومة من صج تشوفلها حل.. بس وين و الشغل الشاغل استجوابات و بوقات و سخافات الفصل بين الجنسين بالجامعة و الشغل و الشارع و مادري وين!!! صج لا حياة لمن تنادي
المفروض تصير اجراءات و تحقيقات عشان يثبتون المستحقين و يجنسونهم، و الباقي يتم تخييرهم ما بين اقامة دائمة او سفر
هالجرايم اللي اتكلم عنها ما تيي اللا من ورى الفقر و ردى الحياة اللي عايشينها
الله يعين هالناس المظلومين
بودي بأن أقوم بزيارة خاطفة مماثلة :)
أتفق معك بأن هناك نسبة معينة تستحق الجنسية , و أخرى لا تستحق لكن قد لا يكون قرار ترحيلها حلاً .. بالإمكان تسوية وضعها قانونياً
المشكلة ليست في المشكلة ذاتها بل في سوء التعامل معها و الترقيع في حلها .
ترى صج شي مضحك
شخص يخالفني بإسم بالقانون
واهو مقيم بطريقه غير قانونيه (:
اي والله صح كلامك في وايد ناس خذوا الجنسيه واهم ما يستاهلونها بس الواسطات قامت تلعب دور حتى بالإنتماء لهالبلد الي الكل يحلم انه يكون منه
وفي ناس تستحقها ويعانون ومو محصلين موضوع جدا مهم وحساس ويستحق الطرح لأنه البدون لا دراسه ولا خدمات صحيه يقدرون يستفيدون منها وللأسف في ناس وايد يستغلون طيبة شعب الكويت ويظنون انهم بسهوله بحصلون الجنسيه وبالمقابل في ناس يستحقونها بولائهم لهالوطن ...
تسلم أخوي على الموضوع والله يعطيك العافيه ^.^
الحل موجود
المعلومات موجودة
ناطرينهم يغلطون علشان يمشون اللي يبونه
راح تطيح على راس الكل
تعليق عاجل بط الجربة فيه
وهذا اللى كنت اقصده بالصبر
الزين
الترقيع دمار للديرة
العرزالة
بعضهم واهما قلة انظلموا بسبب جهل آبائهم بقانون الجنسية واهما قلة قليلة
باش مهندس
هالنسبة حسب احصاء لجنة البدون
نعناعة
مو كلهم مظلومين
المظلومين منهم قلة
loyalty
اذا ما ترحلوا وين بيقعدون الا على قلوبنا
يعقوبو
شفت عاد
الطيبة
الله يعافيك
عاجل
اي والله بطيح على روسنا
مشاري
بس الصبر طال
الحل سوف يفرض من الخارج بسبب الممارسات والاضطهاد لفئة البدون
يعني بصريح العبارة طبخا طبختيه يالرفله اكليه
البدون عمرهم كله ما قدموا الا الواجب وانطروا الخدمات والنهاية كل مترديه ونطيحه توصفهم بوصف يعف عنه النفس
ما قول الا لن يصلح الله قوما حتى يصلحوا ما بأنفسهم
البدون اشرف من ا للي ياكلون ويمشون ادينهم بالطوف وعددهم 100000 وإلا الف فهم كويتيون وسكان البادية بغض النضر عن اصولهم فهم اصحاب ارض وولكن الجهال يجهلون ولايعرفون غير السالمية والبدون اقل الفئات جرائم بإعتراف وزارة الداخلية والحقيقة لمن اراد الحقيقة يبحث عنها ، والله يعلم بالظلم الواقع على البدون فهم احق من بعض المتجنسين بالمادة الاولى الذين ينتمون الى بلدانهم الاصلية والتي يعمرون فيها اكثر من الكويت التي اعطتهم كل شيء وهم يبخلون عليها بتزيين دوار او صبغ مدرسة، اما البدون قفد قدموا ارواحهم وهم جميعاً مستعدون لذلك في حين اشخاص انجاس مثل نهاش هم الذي رموا جناسيهم بالزبالة اثناء الغزو بينما قدم البدون ارواحهم وذاقوا الويلات جراء الاحتفاظ بالاثباتات الكويتية وعدم تغيير لوحات سياراتهم الى الكويت العراق ايام البائد صدام حسين في حين كان نهاش وامثالة في مراقص اوربا ومصر ويطرون في السعودية والبدون صامدون وحينما اتى التحرير اتت لم يتحرر البدون الذين اخذوا الوعود بأنهم كويتيون، يقول الشاعر ماضاقت الارض بأهلها ولكن اخلاق الرجال تضيق
Post a Comment