د.الفهيد مدير الجامعة يرضخ لضغوط نيابية ويلغي اليوم الثقافي لرابطة كلية العلوم الادارية على الرغم من حصولها المسبق على الموافقة
هذا نموذج من الحرية المنشودة اللي راح نعيش فيها لما يحكمنا الاخوان أو السلف أو أي متشدد ديني آخر وبدل ما تكون الجامعة معلم للتنوير والتثقيف...تكون مركز للجهل والرأي الأوحد لمفتي الجماعة
______________________________________
فريجنا فيه قرابة العشرين بيت..وقبل 3شهور يت فرق ازالة التعديات على أملاك الدولة واستانست وايد لأنها راح تشيل التعديات ولأني أسمع كل خير عن رئيسها الفريق البدر...ويا فرحة ما تمت لأن الحبايب شالوا كل التعديات الا بيت واحد ما شالوا ولا تعدي من تعدياته الوايدة...زين ليش يعني على راسهم ريشة؟
لا هذا واهما يمدحون رئيس فرق الازالة عيل لو كان مو زين اشبسوي فينا؟
وبالتالي كانت هذي اهيا العدالة المنصفة عاجبك أهلا وسهلا
مو عاجبك طق راسك بأكبر طوفة
______________________________________
ملاحظة
لكل الحبايب اللي طالبوني بكتابة أي مواضيع غير سياسية أعتذر وذلك للتالي
أولا السياسة عشقي وما أبدع بغيرها وأكون حدي مليق ورحم الله امرئ عرف قدر نفسه
ثانيا واهوا الأهم اني ما قررت أكتب الا عشان الكويت وانتقاد الأوضاع المقلوبة فيها وماقدر حاليا أتخلى عن وعدي وعهدي لها
32 comments:
اذا مفكرين انهم راح يقيدون العقول
فهم غلطانين
و زالة التعديات كانت على ناس و ناس
انا شفتهم شلعوا زرع ناس و خلوا خيام غيرهم
و اكتب اللى تبيه
امرنا لله و
الله يعين المغصوبين بنقرأ تحلطمك
:)
ما راح نفتك من شر السلف والاخوان الخ من التكتلات الاسلامية والا لما نفضحهم على العلن و جدام كل الشعب
أماعن التعديات و الله في منطقتنى قاعد يزيلون كل التعديات من غير تفريق راح يشيلون كل التعديات و أذا في ناس ماشالوا تعدياتهم فضحهم خلاص و صلنا زمن ناس تخاف ما تختشيش يعني نفضحهم وهذا الحل في الوقت الحالي
دمت بخير
و انا ما زلت أطالب بأنك تكتب و لو موضوع واحد غير سياسي. للتاريخ فقط. و عندنا واسطة كبيرة
++++++++++++++++++++++++++++++++++
بخصوص التعديات .. روج ييب تجمع ثوابت الأمة و طالبهم بأنهم ينهون عن المنكر و يزيلونه بإيدهم
هذا هو السبيل الوحيد في ديرة الكويت
!!
شوفلك كرسي وجللب فيه
هذيل هم قيادينا
للتعديات ما قول إلا : إن حبتك عيني ما ضامك الدهر
-------------
و على تقييد العقول محد مقيد إلا اهما قواطي ... بعد حتى القواطي أحسن على الأقل نستفيد منها محشومين القواطي منهم
-------------
اكتب اللي تبيه بس هد أعصابك تحلطم بشويش
:)
المشكله انهم مفضوحين وخالصين بس ماادري ليش الكل ساكت ؟؟؟؟ الظاهر مسوين سحر :)))
بس للاسف القاعده الشبابيه عندهم بازدياد والقواعد الوطنيه هشه مافيها الا جم شايب
الله يستر علينا
بالنسبه للتعديات هذي الكويت صل على النبي .... عندك واسطه تعد ما عندك استريح
اكتب الي تبيه يا يبا المهم لا تخش بقلبك شي طلع الهم اهني ما نبي يصير فيك شي الله يعطيك الصحه والعافيه
براقش
ذبحني حلم
وبسبته بفكر بموضوع مو سياسي
بس
يا حظ منطقتكم
حلم
عشانك بكتب موضوع مو سياسي
بس عاد عطني مهلة شوية
حمد
بس آنا طول عمري بالقطاع الخاص
هناك ممكن الكرسي يطير بلحظة
سدرة
حتى انتي يا تفيدة
عايزا تسكتي سعد باشا زغلول
مهندس
لا لا لا
آنل لازم أسكت حلم:p
مشكور اخوي على البوست كمل بالسياسه دام اهيا اللي تستهويك
وادعوك لقراءة اخر بوست عندي تكلمت فيه عن اللي حصل بالادارية وذكرت اسم النائب اللي كان ورى الايقاف
سكته يبا سكته
الظاهر واسطته قويه ... حتى بالكتابه صار في واسطات
نسيت اقول كل عام وانت بخير جم صار عمرك ؟ :))))
اصبح الكل يغني على ليلاه في هذا البلد
لو البدر صاج يبدأ بكبار الشخصيات المخالفين
انا اقترحموضوع الجمعه يكون مو سياسى
و لا بد سياسى خفيف
مثلا عن مطاعم شندويشات الفلافل و شلون يحطزن حبه وحده و يهرسونها بالصمونه
من باب الترشيد
و بعدين طب بوزارة الكهرباء
و اسمع كلام تفيدة
الله يكثر من أمثالك
:))
بعد حتى يوم مفتوح وثقافي يمنعونه؟
والله طرطرة
وبعدين الواسطة وما ادراك ان بغت تطوف فرجان مو بيوت
اهم شي لجنه ازاله التعديات
اسمها بروحه يضحك
خاصه وان التعديات اصبحت من عادات وتقاليد الكويت
ومن ثوابت امتنا
سما الكويت
بدش واقرا ان شاء الله
مهندس
كلكم تستاهلون
مهندس
36
بركان
اي والله
كويتي
ماهو صاج عيل
براقش
تامرين أمر
العرزالة
مشكور
مشاري
مادري اشبقى ومامنعوه
حمودي
ما صارت عاداتنا
هذي عادات الألمان ملوتنا
مرحبا
شخبارك ياخوي
كل عام وانت بألف خير وعافية عسا العمر كله يارب
---
بالنسبه للموضوع .. اسمحلي راح امتنع عن الرد لاني معتزله السياسه لمدة اسبوع لا اقرا ولا اكتب
بس اسبوع انشالله بعد الاسبوع ارد :p
سيليزيا
وانتي بخير
لاتعلقين
كفاية طلتج الحلة علينا
Post a Comment