أولا شكرا كبيرة جدا جدا جدا لكل من علق بموضوعي السابق وهنأني بالعام اليديد
ثانيا آسف لعدم الرد وذلك لأني كنت أصارع فيروس دش جسمي ولعب فيني لعب وتوني بديت أصحى منه
ثالثا
ان فوق المرض فالوضع بالديرة أبدا ما يبشر بالخير
الحكومة ماشية على نهج الحكومات السابقة واهوا العمل على هدم مواد الدستور والقانون ودولة المؤسسات
الاخوان يبون اقامة دولة الاسلام على نهج الاخونجية
السلف يبون يعيدون دولة الاسلام على نهج طالبان
الشيعة يبون اقامة دولة ولاية الفقيه
المنبر للحين قاعدين يتحجون باستراتيجيات الستينات وللحين ماستوعبوا ان القوميين العرب انتهوا
التحالف عندهم نظرة لانقاذ البلد ولكن دون تحرك جاد
المستقلين يبون يستغلون الديرة لآخر قطرة نفط
الاسلامية اليديدة يبون ديرة الاسلام على أساس التطرف القبلي
الشعبي مع الخيل يا شقرا وبوصلتهم ضايعة
والشباب اللي اهما أمل الديرة ساكتين ونايمين ومخلين القرعة ترعى
يا ترى هل راح تكون الكويت لبنان الثاني؟
24 comments:
ماتشوف شر انشاللة
ماتشوف شر
سلامات اجر وعافية ان شاء الله
كل عام وانت بخير وسلامات اجر وعافية ان شاء الله
والحين دوري اعابل معا الفايروووس :/
الوضع ياالحبيب ماله راس من كرياس وزير داخليه على كثر مايصرح مايعرف يتكلم كلمتين مثل الاوادم وحجيه كله مو مفهوم....جرايدنا قامت تلعب على المكشوف عيني عينك....الحكومه خبر خير ولا بين اي شي عن موقفهم من استجوابات يايتهم بالطريج!!!
الله لا يقول
اجر و عافيه
الحمد لله عالسلامه
هناك وجه شبه كبير
ربك كريم
ما تشوف شر وسلامات
شوف أخد صورة على الوضع العام هل في مجموعة موالاة ومعارضة .......؟
أكتفي
سلامات خطاك السو
المرض منتشر بالجو والكل بينتقل له الفايرس هذا
وبعدين كل عام وانت بخير ويارب تكون سنه حلوه لك
والله يصلح حال ديرتنا
ماتشوف شر اجر وعافيه
فال الله ولا فالك ... الله يكتب الي فيه الخير
والفيروس الحين ياني عاد مالي خلق المرض
سلامات يا الغالي سلامات
انزين دامك مريض .. شكو معور راسك بهل ديره
احس محد معور راسه بهل شغلات كثرك
انا خصوصا لما ارد الكويت .. اشوف الناس لاهيه بشغلها ولا هامها لا سياسه ولا غيره
بس احنا الي مجابلين النت ورافعين ضغط روحنا بروحنا
اعجبتني هل جمله
التحالف عندهم نظرة لانقاذ البلد ولكن دون تحرك جاد
متأكد من النظره :)
ما اعتقدش
تحياتي لك
خطاك السو وماتشوف شر
ولاتعليق مابي امرض بعد :)
ماتشوف شر يا اخوي بس تبي الصج انا
اشبه وضع المسؤولين والوطنيين وغيرهم
بهالبلد بقول الشاعر
وهل اسمعت اذ ناديت حيا
ولكن لا حيات لمن تنادي
الله يستر
تحياتي
سلامات يالغالي سلامات
ماتشوف شر
مايندرى مرض و لا دلع
;)
السلام عليكم
خطاك السو وماتشوف شر
صعبة ان الكويت تتحول الى لبنان مو لي هالدرجة
بس قول ان شاء الله ان هالفايروس اللي حايشنا واللوثة اللي بالمخ تروح عنا :))
تفاؤلوا بالخير تجدوه :)
يبيلنا طراق ثاني مثل طراق الغزو يصحينا ويردنا الى رشدنا هذا اذا كان عندنا رشد
الحين يوم طحت مريض اشوف الجماعة ما علقوا بالاول صج لي طاح الجمل كثرت سكاكينه
لووووووول اخيرا صادوكم
لازم تكون حمش يا فتى الجبل اييب لك قطو تذبحه بالبيت ؟
:)
ما تشوف شر و خطاك السو
فالك ما قبلناه
سلامااات يالغالي سلامات
ماتشوف شر ؛؛مأجور
تحياتي
ما أظن بنصير نفس لبنان، لأن الجو ما يساعد والناس غير، وما عندنا صبايا مثلهم
فلا تخاف ما راح نصير مثلهم
عاجل من :
Kuwait News
النائب المليفي يعلن تقديمه استجوابا لوزير
الداخلية اليوم الأحد على خلفية كشوف التجنيس
انشالله لا
وماتشوف شر :) حمدلله على سلامتك
لكل من سأل عني ألف شكر
ما تشوف شر اخوي وأجر وعافية ان شاء الله
انت وخر عن السياسة وتصير صحتك أحسن بوايد :)
سيدة
الشر ماييج
السياسة ما يهمني فيها الا ديرتي الكويت اللي عطتني كل اللي أبيه
وحقها علي اني أهتم فيها والا أكون جاحد لها
Post a Comment