اشبقى بتلفزيون الكويت بعد منع البرامج السياسية الحوارية؟
مسلسلات هابطة وقلنا طاف وما نشوفها
برامج جاهد واذبح وقلنا لا حول ولا قوة الا بالله وما نسمع اشيقولون
برامج تافهة وقلنا وقتها ندور الموجة حق قنوات أرقى وأحسن
بس حتى الشي الوحيد اللي كنا نهتم فيه بالتلفزيون يمنعونه
حرية الكلمة والتفكير والنقاش يقيدونها
عيل اشبقى من شي محترم ويستحق المشاهدة بالتلفزيون؟
أدري نقدر ندور القناة
أدري الفضائيات الزينة وايدة
بس بالنهاية التلفزيون يمثل دولة الكويت ويعز علينا انه يطلع بهالصورة ويعكس صورة خاطئة عن الدولة وان حتى برامج راقية ما تلقاها فيه بالوقت نفسه اللي نشوف قنوات كويتية خاصة ما صار لها عمر ولا خبرة التلفزيون الحكومي بس صوتها مسموع وكلمتها محترمة بين الفضائيات
وبهذي الحالة أحسن للحكومة ولنا تصك تلفزيونها الردي توفيرا لفلوسنا ولعدم تعكير مزاج المشاهد ولحفظ صورة الدولة بالخارج
36 comments:
ماكو إلا نفجر وزارة الاعلام باللي فيها عشان نييب ستاف يديد من بره جود يتعدلون
عقوووووووووووول مصينة ماكو فايدة
مالت على البامية
سدرة
نصكه كله بكبره أحسن
محد يعرف قناة الكويت كثري
بحكم انه ما يوصل عربسات لشمال امريكا
مركب ستلايت يطلع 14 قناة عربيه .. ماكو غيرهم قناه كويتيه .. غير القناة الأولى للأسف
طبيعتي 24 التلفزيون شغال
ودايم على تلفزيون الكويت
ماكنت اشتهي اشوف شي غير من سبت لي سبت .. برنامج سته على سته
وساعات برنامج الدوانيه
غير هذيل تره ماعندهم شي
والحين شالوهم
شنو بقالهم .. ماما انيسه .. والحين يعيدون بباي السيده ملعقه الساعه تسع الصبح !!!!!!!
صراحه فشل ذريع
وانا معاك .. يشيلونه عن الفشله اهو والمنتخب احسن
ويعطيك العافيه :)
كويتي
الله يعينكم بغربتكم..تبون تشوفون تلفزيون ديرتكم بس حسافة ما ينشاف
مالك الا تلفزيون الراي وفنون ياخوي
تلفزيون الكويت قطعت علاقتي فيه من زمان
اساسا بالتلفزيون بكبره
بالله عليك منو يطالع القناة الكويتيه؟؟؟ حتى دعاياتهم اتلوع الجبد
وبرامجهم ماني قايل شنو
الحل بالخصخصه
طولوا بالك الصيف ياي ومشاعل الزنكوي ومنيرة عاشور
بيعوضونكم ويرجعون هيبة التلفزيون
وعبدالمحسن البرقاوي فوق البيعة
مهندس
صح
والدليل تلفزيونات الراي وفنون وشوتايم الكويتية
سعود
وييييييييييع
عزيزي الفتى
كلامك قد يكون صحيح ، و لكن أختلف معاك في موضوع برنامج الدوانية ، فطرحة لم يعجبني فهو يزيد من الطافية و القبلية و الحزازية بينا كمجتمع ، فتلفزيزن الكويت يجب يمثل سياستها كدولة ؟
أما عن برنامج 6/6 فما شفت الحلقة ، بس ألي أعرفة أنهم كانوا رافضيين أستقبال مكالمة الحرامي الصغير الخنة ، لين تدخل أحد الوكلاء لاستقبال المكالمة و صار ألي صار بعدها ؟؟
فتلفزيزن الدولة يجب أن يمثل و يتكلم عن سياسة الدولة مو يسء لها ؟
أسفة على الاطالة
دمت بخير
بس
بالنهاية آنا أقصد ليش يقمتون حري الراي؟
دعاية باباي و بيدزا بيدزا
مطقوق
ماكو غيرهم
الصراحة حسافة على برنامج الدكتورة كافية. كان راقي بطرحه
جداً إحترمتها بتوازنها و إدارتها للحوار بصورة مهنية عالية
هذا حال القنوات الحكومية .. لذلك انا مع الغاء وزاراة الاعلام و ترك الاعلام للقطاع الخاص مع الحرية و بذلك سنرى الابداع و التنافس على تقديم الأفضل ..
ما بحسدكم يا اهل الكويت .. و لكن عندكم قنوات خاصة .. عكسنا احنا !
تحياتي
تلفزيون الكويت احسن شي حق متابعة مجلس الامه
خلاص عصر التلفزيون الرسمي ولى وراح..
انا اقول
ما يرتاحون الا اذا فلينا الديرة
كل واحد ياخذ نصيبة من النفط و احتياطى اجياله
و يشوف له مكان
ما بقى شى
يا حسرتى
السلام عليكم
اشوه ان دوامي ما يخليني اشوف التلفزيون وخصوصا الكويت , صج صكه علينا بس احسن من عوار القلب والملاقة , وهالمره اموقفين افضل البرامج !!!!!
الديرة كل مالها اتصير قمته
أبيخ قرار صراحه
والله انصدمت يوم قريت هالخبر بالجريده
ووالله اول كلمة طلعت مني اهي شبببببقى بعد
ماتوقعتهم لهالدرجة عاد يوصلون خااصه برنامج سته على سته
اسمحلي على هالكلمه بس صج مالت عليهم
صورة الدوله
صارت تعكسها الفضائيات الثانيه
طبعا
تعكس صوره سلبيه
أنا من زماااان قايله خل يسكرون قناة الكويت .. أشرفلنا
صارلي 7 سنين ما أشوف قناة الكويت
و12 سنه ما أركب الخطوط الكويتية
وآآآآآه يــا ديـــرة هلــي
صكوه أحسن
بس خل ينقلون الراي على الهت بيرد أول، عشان لا تنقطع أخبار الديرة عنا
الله يهداك يا خوي فتى شلون يسكرونه بعدين وين نشوف استقبل او ودعه
الا بسألك سؤال محيرني من زمان
ليش لما الكويت اييها ضيف يحطون الوداع بعدين يحطون الاستقبال
تهقا ماشين بنظام البلي باك
؟
ولا يمكن لان الديره كلها ماشيه بهالنظام
مساء الخير
برايي
تلفزيون الكويت
سياستة
دعوا الناس تنام بالعسل
كي لا يفكر المواطن
ولا يكتشف آراء السياسيين في الديرة
بس جاهزين للحفلات
والدعايات الماصخة
عيل هذي دعايات
باباي و ليتل زيزر و كنتاكي
اكل باكل
تلفزيون الكويت اييب القامت من زمان
ما ارتز عنده الا حق العيد هل اهلاله
ولالا بعد قام ايينا الخبر من السعوديه قبل الكويت
فنصكه ابرك
اتفق معاك
كريزما
حلم
للأسف الزين مو مرغوب هالأيام
حياة
اي والله زين عندنا قنوات خاصة
وان شاء الله يصير عندكم يا أهل البحرين
على فكرة حتى لو القانون يمنع بس ترى ممكن أي بحريني يفتح قناة بدولة ثانية مثل دبي
بالنسبة لنا اهني بالكويت عندنا قنوات مسجلة بالديرة مثل الراي والوطن وعندنا قنوات مسجلة برة مثل الشو تايم وفلاش والعدالة ويمكن فنون
كراكاتوا
حتى نقل مجلس الأمة يقطعون فيه
براقش
آنا ماهد الكويت لو شنو
أسافر يوم يومين بس ارجع لها
someone
ليش انت تشتغل 24 ساعة
سيليزيا
وآنا معاج
مالت عليهم
بيس
بس والله أكو قنوات نوعا ما سنعة
مثلا الراي
وفنون
دللي ومللي
عندنا وعندج خير
صلاح
حقكم
بوراشد
عدل ياخوي
وزارة الاعلام ماشية على خط الدولة
واللي اهوا
للخلف در
منال
العالم يلهون الشعب بالرياضة والفنون الراقية يعني هم شي مفيد للصحة والذوق العام
واحنا يلهونا بالأكل حق الكروش والسكر والضغط
أنو
اييب القامت والحارج والقولون
Post a Comment