هالأيام الامتحانات مسوية لوية بكل بيت
والأهم ان الامتحان العود اللي شاغل بيتنا الكبير الكويت اهوا امتحان الحكومة باجر...امتحان استجواب الوزيرة الصبيح
ندري ان الاستجواب شخصي...ومعادي للمرأة
بس منو المسؤول عن الدوامة اللي يعيش فيها البلد؟
منو المسؤول عن خراب مالطة عفوا أقصد الكويت؟
نرد ونقول الحكومة اهيا السبب بمشاكلنا ومتاعبنا
ولما نقول الحكومة فبالتأكيد أصابع الاتهام تتجه للأسرة...وهذي ضريبة قيادتها واحتكارها لرئاسة الحكومة من يوم اقرار الدستور
هذي ضريبة خلافات الأسرة اللي قاعدين ندفعها احنا وعيالنا
هذي ضريبة اللعب بالدستور والقانون ودولة المؤسسات من لحظة ولادتهم
نتمنى ان الحكومة تطوف الامتحان العسير...مو لأنها زينة لا وألف لا
بس لأن الاستجواب شخصي ولا يخدم الا قوى الفساد اللي قاعدة تحشد كل طاقاتها للاجهاز على الدستور
والدليل على هالشي ان الكل سكت عن تجاوزات ملف التجنيس وما سمعنا الا صرخة هني وهناك ومحد تحرك فعليا لاستجواب وزير الداخلية مو بس اعلاميا مثل ماسوى المليفي
ونتمنى للمرة الألف ان الحكومة تاخذ العبرة من اللي قاعد يصير وتعرف ان عدم دعم الدستور وارساء دولة المؤسسات وتطبيق القانون راح تكون نتائجه جاسية على الكل وأولهم الأسرة
نتمنى انها تقوم بدعم الناس العقلاء مثل ما قامت سنين وبنين بدعم مؤسسة الفساد
نتمنى انها تمشي فعليا بطريج الاصلاح ووحدة الديرة
نتمنى انها تبني حاضرنا عشان نستفيد من هالبناء بمستقبلنا
يصير هالشي والا ما يصير...مادري؟
بس ماقول الا
ان غدا لناظره لقريب
وفي الامتحان يكرم المرء أو يهان
29 comments:
طال الزمن و لاّ قصر الوضع بتعدل إن شاء رضّوا ولا مارضّوا
مالت عليهم علّونا الله يعلهم
استغفر الله
Tra mo bs el 7okomah!!! It’s our fault too!
Bs bacher yebayen! Though I don’t have much hope!!!
سدرة
ان شاء الله يتعدل
someday
the sun will rise in shallah
بنشوف اخرتها شبيصير
لان الوضع بس ما قام ينسكت عنه
والناس ماخذه الامور عادي ماجنه شي صاير بالديره او انه يدرون بس عاجبهم الوضع لانه في مصلحتهم
عودة موفقة عزيزي
ويعطيك العافية
مادري لي متى الوضع جذي و الكل ساكت
احس ان الوضع باديره قنبله بس موموقوته بأي وقت راح تنفجر على الاشياء الي قاعده تصير و المشكله ان مافي احد يوقف الي قاعد يصير عند حده بالعكس جنهم يبونه يزييد
على راي اخوانا المصريين
يا رب جيب العوائب سليمه
:)
اتوقع راح يهان ويروح فيها بعد
بس مثل ماقلت .. كل هذا بسبب تفرد الاسره
يعني شفيها لو يتم التجديد المستمر بمنصب رئيس الوزراء .. واعطاء هذا المنصب لرجال خارج الاسره
اعتقد هذا افضل حل
التجديد ممتاز
كله من الحكومة
الوضع ما يطمن
بس اتمني امورنا تتعدل
وعسي الله يحفظ هالديره
يعطيك مليون عافيه علي هالبوست
تحياتي
الله يسهل على الكويت امتحانها باجر .. و يفتح علينا من عنده
حرام عليهم والله .. كل شي واقف تنميه اقتصاد .. كل شي مكانك راوح .. عشان حضرتهم يصفون حساباتهم ضد بعض
و كل ماطلع واحد من النواب ولا من الحكومه .. قال الاستجوابات عرس ديمقراطي .. والله انا اشوف انه عرس الدم لول
الناس بلويه و عفسه و ترقب .. و هذيل مستانسين .. الانه هالشي يخدم مصالحهم ان كان نواب و ان كان حكومه
ان سقطة الحكومه باجر .. عمرها ماراح اترقع بعد .. اكثر من جذي خضوع حق المجلس ماكو
انشالله ماكو الا الخير
السلام عليكم
ياخوي الغلط عالكــــل
من الحكومة اللي ما تدري شتسوي واللي بنفس الوقت ضعيفة ولا عندها دعم حق وزراءها , وايضا من النواب اللي على اي شيء استجواب و التصعيد على اي قضية تصير مهما كانت اهميتها هل هي تستاهل او لأ نوابنا ما قاموا يشوفون شغلهم وهو التشريع اللي اهوه بالاساس و من ثم المراقبة , قاموا يصيرون اهم المحققين واهم القضاة واهم كل شيء
لانخش روسنا بالارض مثل النعام ونتهم بس الحكومة , محد ينكر ان الحكومة سبب من اسباب التدهور لكن هم بعد لازم نعترف ان نوابنا ايضا اهم سبب من اسباب التدهور
لك مني كل تحية ميخالف شديت حيلي اسويه بس ادري فيك اخو وعزيز :)
الكل مسعول :))
الكل مسؤول الحكومه الاسره الشعب كلهم مسؤولين
والشرهه علينا الي ساكتين
وانشالله تنجح :))) عندها الامتحان مو وزيرة التربيه
الصوره الي في بوستي اهداء حقك
الله يستر اليوم
الله ينصر نورية و الكويت
علي
الشي الحلو صج ان التحالف بدا يتحرك بشكل جدي وبالواقع العملي وبدا يتقرب من الشارع السياسي والعام أكثر
على الأقل يشكل نوع من التوازن مع التيارات الاسلامية
والله يعافيك
مارشميلوس
صح
اذا استمر الوضع بهالشكل العواقب راح تكون وخيمة
داركنس
شكلها الحكومة ضبطت بعض النواب اللي ينتهزون هالاستجوابات عشان يمشون شغلهم
كويتي
التفرد برئاسة الحكومة ياب لنا الحارج
مطقوق
والله آنا رايي من رايك
صبا
الله يعافيج
الخيلاء
الخضوع اهما اللي يابوه حق نفسهم
سيليزيا
الله يسمع
someone
انت أكثر من أخو ان شاء الله
بس شوف منو اللي دعم الرشاوي والواسطات والفرعيات الانتخابية
ومنو اللي ساهم باسقاط الشرفاء
وتعرف حزتها ان الحكومة اهيا سبب بلاوينا..لأن المجلس من خبز ايدها
مهندس
مسألة احنا ساكتين صح
بس كل تحرك ولابد له من قائد
واحنا نفتقر لهذا القائد اللي يقود عملية الاصلاح
حمودي
آمين
بس
هم آمين
Post a Comment